Sɔɔmɔ Kpeel Kɛha october

Otsi ni Jeɔ Shishi October 4

Lala 225

10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Atsɔɔ gbɛi ni abaanyɛ atsɔ nɔ akɛ woji tɛtrɛbii heei lɛ atsu nii yɛ nyɛ shikpɔŋkuku lɛ mli. Ama bɔ ni ehe hiaa ni aku sɛɛ aya mɛi ni ehe woji tɛtrɛbii lɛ aŋɔɔ, kɛ yiŋtoo akɛ amɛaafee mɛi ni heɔ daa lɛ nɔ mi. Wɔbaanyɛ wɔha amɛshɛ yɛ hegbɛ fɛɛ hegbɛ ni wɔɔna mli.

15 min: “Wɔ woji Tɛtrɛbii lɛ kɛ Nitsumɔ yɛ Shia kɛ Shia.” Toibolɔi kɛ sanegbaa. Wɔyɛ yiŋtoi kpakpai ahewɔ ni wɔbɔɔ mɔdɛŋ ni wɔkɛ woji tɛtrɛbii lɛ aha gbɔmɛi ni wɔkɛkpeɔ yɛ shiɛmɔ mli lɛ kɛ mɛi ni wɔyeɔ amɛ odase trukaa lɛ. Eyɛ mli akɛ date yɛ woji tɛtrɛbii lɛ anɔ, ni esa akɛ wɔkɛ ehee ni eba lɛ atsu nii yɛ woji tɛtrɛbii kɛhamɔ gbi lɛ nɔ moŋ, shi esaaa akɛ wɔshashaoɔ shi akɛ wɔkɛ ememeji lɛ hu aaaha. Kwɛmɔ akɛ woji tɛtrɛbii ni okɛhaa lɛ ahe tse ni egbalako kɛkɛ. Aha shiɛlɔ ni he esa afee shiɛmɔ wiemɔ ni atsɔɔ yɛ kuku 4 lɛ he nɔkwɛmɔ nɔ.

20 min: Wo Oshia-kɛ-Shia Nitsumɔ lɛ Mli Hewalɛ yɛ October Mli. Sɔɔmɔ nɔkwɛlɔ lɛ aloo nyɛminuu kroko ni sa kɛ toibolɔi baasusu bɔ ni shia-kɛ-shia sɔɔmɔ nitsumɔ lɛ he hiaa ha lɛ he. Woji sɔrɔtoi ni akɛbaatsu nii yɛ October mli lɛ haa wɔnyɛɔ wɔkɛ shiɛmɔ wiemɔi sɔrɔtoi tsuɔ nii. Afee nɔkwɛmɔ nɔ:(1)(Shiɛlɔ Iɛ je sanegbaa ni baatsa nɔ kɛya sane ko nɔ yɛ Awake! loo Buu-Mɔɔ hee ko mli lɛ shishi. Shiɛlɔ lɛ kɛ wolo tɛtrɛɛ hee loo dɛhiɛmɔ wolo baaha mɔ lɛ. (2) Shiɛlɔ lɛ je sanegbaa shishi kɛ yiŋtoo akɛ ebaatsa nɔ kɛya Mankind’s Search for God wolo lɛ mli. Yɛ bɔni shihilɛ lɛ yɔɔ lɛ naa lɛ, shiɛlɔ lɛ baanyɛ ekɛ wolo lɛ loo woji tɛtrɛbii enyɔ aha. (3) Shiɛlɔ lɛ kɛ dɛhiɛmɔ wolo baatsu nii ni ekɛje trukaa sanegbaa shishi, no sɛɛ lɛ ekɛ woji tɛtrɛbii heei baaha mɔ ni yɔɔ wiemɔ lɛ he miishɛɛ nɛɛ. (4) Shiɛlɔ ni kɛ woji tɛtrɛbii miiha mɔ ko ni heɔ daa lɛ kpɛ eyiŋ akɛ ebaaha eshɛ. Esa akɛ gbɛi sɔrɔtoi nɛɛ awo shiɛlɔi fɛɛ hewalɛ ni amɛwo amɛ shia-kɛ-shia nitsumɔ lɛ mli hewalɛ yɛ October mli. Ŋwanejee ko bɛ he akɛ asafo lɛ mli bii lɛ ekomɛi baafee gbɛgbalɔi awalɔi yɛ nyɔŋ nɛɛ nɔ. Ekolɛ ekpeko sɛɛ tsɔ kɛhako mɛi ni baanyɛ amɛfee lɛ akɛ amɛkɛ amɛgbɛi aha.

Lala 42 kɛ naagbee sɔlemɔ.

Otsi ni Jeɔ shishi October 11

Lala 4

10 min: Asafoŋ adafitswai. Shika he akɔntaabuu. Akane shika ni akɛmaje lɛ he woji, ni ajie asafo lɛ yi yɛ bɔ ni amɛjɛɔ amɛsuɔmɔ mli amɛfiɔ jeŋ muu nitsumɔ lɛ sɛɛ, kɛ bɔ ni amɛtsuɔ nyɛ asafo lɛ hiamɔ nii ahe nii lɛ he. Ati otsi lɛ shiɛmɔyaa he gbɛjianɔtoo mli kuku, ni atsɔɔ hiɛsɔɔ yɛ ekaa ni shiɛlɔi kɛfiɔ sɛɛ lɛ he.

15 min: “Ani Oyɛ Bulɛ Kɛha Ojamɔ He Lɛ?” Wiemɔ ni onukpa ko baaha, ni damɔ June 15, 1993 Buu-Mɔɔ lɛ nɔ. Aha sane lɛ akɔ nyɛ asafo lɛ shihilɛi ahe. Kɛ naagba pɔtɛɛ ko yɛ ni sa akɛ atsu he nii lɛ, akɛ ŋaawoo ni sa aha kɛ hiɛshikamɔ.

20 min: “Nɔ ni Ataoɔ yɛ Sɔɔlɔ Hee kɛ Mɔ ni Yɔɔ Niiashikpamɔ Fɛɛ He.” Sanebimɔ-kɛ-hetoo ni onukpa baatsu he nii. Ati otii ni kɔɔ nyɛ asafo lɛ hiamɔ nii ahe lɛ mli kuku yɛ hewalɛwoo mli ni akɛmu naa.

Lala 6 kɛ naagbee sɔlemɔ.

Otsi ni Jeɔ Shiɛlɔi October 18

Lala 65

5 min: Asafoŋ adafitswai. Teokrase lɛ He Saji.

15 min: “Hiɛaŋkwɛmɔ ni Wɔkɛtsuŋ Nii yɛ Wɔ Sɔɔmɔ Nitsumɔ lɛ Mli.” Sanebimɔi kɛ hetooi. Amamɔ saneyitso nɛɛ mli otii ni he hiaa waa yɛ nyɛ shikpɔŋkuku lɛ mli lɛ anɔ mi.

15 min: “Ye Obua Mɛi ni Yɔɔ he Miishɛɛ Lɛ.” Wiemɔ kɛ sanebimɔi komɛi ni toibolɔi baaha hetoo. Afee bɔ ni shiɛlɔi ena nyɛ shikpɔŋkuku lɛ he miishɛɛ lɛ he nɔkwɛmɔ nɔ, aloo aha shiɛlɔ ko agba niiashikpamɔ ni ba etsɛko, ni tsɔɔ sɛɛnamɔ ni yɔɔ mɛi ni ehe Awake! kɛ Buu-Mɔɔ woji tɛtrɛbii lɛ ni wɔɔku wɔsɛɛ wɔyasara amɛ ekoŋŋ lɛ he.

10 min: Asafoŋ hiamɔ nii loo wiemɔ ni kanyaa mɔ, ni damɔ “Mra Be Mli Kristofoi lɛ kɛ Je Lɛ,” ni yɔɔ July 1, 1993 Buu-Mɔɔ lɛ mli klɛŋklɛŋ sane lɛ mli lɛ nɔ. Ama bɔni ehe hiaa kɛha wɔ ŋmɛnɛ akɛ wɔnyiɛ klɛŋklɛŋ Kristofoi lɛ anɔkwɛmɔ nɔ lɛ sɛɛ lɛ nɔ mi.

Lala 60 kɛ naagbee sɔlemɔ.

Otsi ni Jeɔ Shishi October 25

Lala 75

10 min: Asafoŋ adafitswai. Akɛ otsi lɛ shiɛmɔyaa he gbɛjianɔtoo afata he, ni agbala jwɛŋmɔ kɛya woji tɛtrɛbii heei lɛ amli otii ni shiɛlɔi baanyɛ amɛkɛtsu nii yɛ shiɛmɔ mli lɛ anɔ. Kɛ be yɛ lɛ, akɛ shiɛmɔ wiemɔ kome loo enyɔ ni baahi kɛha nyɛ shikpɔŋkuku lɛ afee nɔkwɛmɔ nɔ. Akai nyɛmimɛi lɛ, yɛ bɔ ni ehe hiaa ni ayasara mɛi fɛɛ ni ejie miishɛɛ kpo lɛ he.

15 min: Feemɔ Klalo akɛ Oooshɛje Mɛi ni Yeɔ Ŋkɔmɔ lɛ Amii (ni damɔ Reasoning wolo lɛ baafai 102-4 kɛ April 15, 1985, Watchtower lɛ baafai 23-5 nɔ) . (3 min.) Nyɛminuu ni tsuɔ ta nɛɛ he nii lɛ baatsɔɔ mli akɛ Yehowa Odasefoi kpooo kusumii fɛɛ ni kɔɔ gbele he lɛ (5 min.) Afee nɔkwɛmɔ nɔ ni miitsɔɔ bɔ ni Odasefonyo baatsɔɔ enaanyo nitsulɔ ko nɔ hewɔ ni Yehowa Odasefoi tsiɔ amɛhe kɛjɛɔ kusumii komɛi ni akɛfeɔ mɛi ni egboi lɛ ayara lɛ ahe lɛ, ni eha sanegbaa lɛ adamɔ Reasoning wolo lɛ baafai 102-3, kɛ April 15, 1985, Watchtower lɛ baafai 23-4 nɔ. Esa akɛ sanegbaa lɛ aŋmɛ pɛpɛɛpɛ yɛ Ŋmalɛ naa. (7 min.) Akɛ toibolɔi asusu fã ni yɔɔ ‘Kɛji Mɔ ko Kɛɛ​—’ lɛ shishi, yɛ baafai 103-4 lɛ he.

20 min: “Shia Biblia Mli Nikasemɔ Feemɔ.”​—Sanebimɔ-kɛ-hetoo ni akɛaasusu sane lɛ he. Afee nɔkwɛmɔ nɔ ni asaa he jogbaŋŋ, ni miitsɔɔ shiɛlɔ ni miiye miibua nikaselɔ koni enu bɔ ni ŋmalɛi ni atsɛ lɛ fiɔ kuku ni amɛsusuɔ he lɛ mli sane lɛ sɛɛ ehaa lɛ shishi. Yɛ nakai nɔkwɛmɔ nɔ lɛ nɔŋŋ mli lɛ, shiɛlɔ lɛ kɛ sanebimɔi krokomɛi baatsu nii ni ekɛye ebua nikaselɔ lɛ ni eha anɔkwale lɛ atsɔ enɔ. Akɛ Ekome ni Afee Kɛmiija aloo Obaanyɛ Ohi Shi Kɛya Naanɔ wolo lɛ hei ni ahala atsu nii. Akɛ otii ni jɛ May 1987 Wɔ Maŋtsɛyeli Sɔɔmɔ lɛ mli Sanebimɔ He, ni tsɔɔ bɔ ni abuɔ Biblia nikasemɔi heei ahe akɔntaa ahaa lɛ afata he.

Lala 78 kɛ naagbee sɔlemɔ.