Shiɛmɔyaa Nyɔji Krɛdɛɛ
1 Ani December kɛ January baanyɛ afee shiɛmɔyaa nyɔji krɛdɛɛ kɛha bo? Ale nɛkɛ nyɔji enyɔ nɛɛ waa akɛ hejɔɔmɔ be kɛha nitsulɔi kɛ skulbii. Kɛtsɔ mɔdɛŋbɔɔ fioo nɔ lɛ, oshiɛmɔyaa lɛ baanyɛ aya hiɛ waa, yɛ kpokpaa nɔ kpeei lɛ fɛɛ sɛɛ.
2 Obalaŋtai shiɛlɔi ni abaptisi amɛ lɛ ateŋ mɛi komɛi baana be babaoo ni amɛyaaa skul, ni amɛbaasumɔ ni amɛfee gbɛgbalɔi awalɔi yɛ nyɔji nɛɛ amli. Kwɛ hewalɛwoo ni eeeji kɛha amɛ akɛ amɛaana onukpai, asafoŋ sɔɔlɔi, kɛ shiɛlɔi krokomɛi ni amɛfata amɛhe kɛtsu nii yɛ shiɛmɔ mli! Kɛ oshihilɛi eŋmɛŋ bo gbɛ ni ofee gbɛgbalɔ yɛ nɛkɛ nyɔji nɛɛ eko mli lɛ, ani obaanyɛ oye ŋmɛlɛtswaa fioo ko ofata bɔ ni okɛtsuɔ nii daa lɛ he yɛ shiɛmɔ mli, ni okɛ gbɛgbalɔi lɛ atsu nii? Eka shi faŋŋ akɛ enɛ baawo okɛ amɛ fɛɛ hewalɛ babaoo.
3 Kɛ shiɛlɔi fɛɛ kɛ mɔdɛŋbɔɔ saŋŋ wo mli lɛ, onukpai lɛ baanyɛ amɛto kutuu odaseyeli he gbɛjianɔ daa gbi yɛ nɛkɛ nyɔji nɛɛ amli, ja, taakɛ eji lɛ, yɛ kpee be lɛ mli pɛ.
4 Akɛ aŋkroaŋkroi kɛ wekui, kɛ agbɛnɛ akɛ asafo muu fɛɛ lɛ, amrɔ nɛɛ ji be ni akɛaato gbɛjianɔ ni akɛ hejɔɔmɔ nyɔji lɛ atsu nii akɛ be krɛdɛɛ kɛha shiɛmɔyaa yɛ nyɛ asafo lɛ mli.