Yelikɛbuamɔ ni Akɛaaye Daa Gbi Naagbai Anɔ Kunim

Mɛi babaoo tsɔɔ bɔ ni amɛmii shɛ amɛhe ha beni amɛnine shɛ Happiness​—⁠How to Find It wolo lɛ nɔ yɛ “Ŋwɛi Suɔmɔ” Kpokpaa Wulu nɔ Kpee ni afee yɛ afi 1980 lɛ shishi lɛ. Be mli ni emaa bɔ ni wolo nɛɛ he yɔɔ sɛɛnamɔ diɛŋtsɛ lɛ nɔ mi lɛ, shiɛlɔ ko kɛɛ akɛ: “Eba yɛ ebe naa pɛpɛɛpɛ ejaakɛ mɛi naaa tsɔɔmɔi ahe miishɛɛ tsɔ ŋmɛnɛ, tamɔ bɔ ni amɛnaa mɔ ni bɔ wɔ, nɔ hewɔ ni wɔyɔɔ wala mli, kɛ bɔ ni aaafee aye daa gbi naagbai anɔ kunim he miishɛɛ lɛ.” Abaakase wolo fɛfɛo nɛɛ ekoŋŋ yɛ Asafo Woloŋ Nikasemɔ shishi kɛjɛ May 9, 1994. Saamɔ ohe jogbaŋŋ ni oya daa bɔni afee ni bo hu onyɛ ona yelikɛbuamɔ ni okɛaaye odaa gbi naagbai anɔ kunim.

Akɛni wolo nɛɛ bɛ wɔmaŋ nɛɛŋ wiemɔi amli hewɔ lɛ, esa akɛ asafoi lɛ ato he gbɛjianɔ koni amɛ diɛŋtsɛ amɛkɛ wiemɔ shishitsɔɔlɔi kpakpai atsu nii ni akɛtsɔɔ wolo lɛ shishi. Akakane kɛmiijɛ wolo lɛ mli tɛɛ ni akɛmiitsɔɔ shishi.