Sɔɔmɔ Kpeei Kɛha March
Otsi ni Jeɔ Shishi March 6
13 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Nyɛgbaa Sanebimɔ He lɛ he sane.
15 min: “Akɛ Babaoo Ehã—Aabi Babaoo Shi.” Sanebimɔi kɛ Hetooi. Wo mɛi ni he esa lɛ hewalɛ koni amɛsusu gbɛgbalɔi awalɔi ni amɛbaafee yɛ April lɛ he.
17 min: “‘Gbalɛ Wiemɔi lɛ’ Jajemɔ.” Nyɛtia saji ni akɛmaa nɔ mi lɛ amli. Tsɛ toibolɔi ni amɛgba niiashikpamɔi ni amɛna he miishɛɛ yɛ Kpojiemɔ Naagbee wolo lɛ kɛ nitsumɔ lɛ mli loo ekɛhamɔ mli. Wo mɛi fɛɛ hewalɛ ni ahiɛ jwɛŋmɔ ni ja yɛ wolo lɛ kɛhamɔ mli, akɛni ewieɔ saji ni yaa nɔ amrɔ nɛɛ ni kɔɔ mɔ fɛɛ mɔ he lɛ hewɔ. Ha afee shiɛmɔ wiemɔ kome loo enyɔ he nɔkwɛmɔ nii.
Lala 31 kɛ naagbee sɔlemɔ.
Otsi ni Jeɔ Shishi March 13
10 min: Asafoŋ adafitswai. Shika he amaniɛbɔɔ.
18 min: “Maŋtsɛyeli Sane ni Eba yɛ Ebe Naa Pɛpɛɛpɛ ni Abaaja yɛ Jeŋ Fɛɛ.” Wiemɔ ni onukpa kɛbaaha. Maa bɔ ni nitsumɔ krɛdɛɛ ni baa ni akɛ he baawo mli yɛ April kɛ May mli lɛ he hiaa ha. Wo mɛi fɛɛ, ni mɛi heei fata he lɛ hewalɛ, koni amɛto he gbɛjianɔ ni amɛna mli gbɛfaŋnɔ kɛmɔ shi.
17 min: “Brochure Hee lɛ ni Akɛbaatsu Nii Jogbaŋŋ Kɛmɔ Shi.” Okɛ toibolɔi agba he sane. Okɛ brochure lɛ fãi komɛi atsɔɔ, ni owo ŋaa ni tsɔɔ bɔ ni abaanyɛ akɛtsu nii kɛha mɛi ni agbo ashi amɛ lɛ amiishɛjemɔ.
Lala 108 kɛ naagbee sɔlemɔ.
Otsi ni Jeɔ Shishi March 20
15 min: Asafoŋ adafitswai. Feemɔ 1995 Yearbook lɛ ni weku lɛ kɛbaatsu nii lɛ he nɔkwɛmɔ nɔ. Weku lɛ tsɔɔ bɔ ni amɛhiɛ esɔ wolo lɛ amɛha lɛ akɛ kuu; tsɛ lɛ tĩ hiɛkpamɔ wiemɔi ni yɔɔ baafai 3-11 lɛ amli. Amɛgba bɔ ni amɛbaabɔ mɔdɛŋ ni amɛkane Yearbook lɛ kutuu daa otsi koni amɛkwɛ ni amɛsusu Biblia mli ŋmalɛ ni ahala awo Ŋmalɛi lɛ Amli ni Wɔɔkwɛ Daa lɛ mli gbi fɛɛ gbi lɛ he lɛ he sane.
15 min: Asafoŋ hiamɔ nii. Aloo wiemɔ ni damɔ sane ni ji, “Kɛ Ohiɛ Tooi-Awoo He Nyɔmɔ lɛ, Wo Too” ni yɔɔ November 15, 1994 Buu-Mɔɔ lɛ baafai 26-8 lɛ nɔ.
15 min: “Ye Obua Mɛi Krokomɛi ni ‘Amɛkɛ Nibii ni Aŋmala lɛ Atsu Nii.’ ” Tii emli otii lɛ amli, koni oha afee sɛɛsaramɔ kome loo enyɔ he nɔkwɛmɔ nii.
Lala 52 kɛ naagbee sɔlemɔ.
Otsi ni Jeɔ Shishi March 27
Lala 205
5 min: Asafoŋ adafitswai.
15 min: “Nifeemɔ ni He Hiaa Fe Fɛɛ yɛ Adesa Yinɔsane Mli.” Okɛ toibolɔi agba he sane. Tĩi gbɛjianɔ ni nyɛto kɛha Kaimɔ lɛ mli. Tsɔɔmɔ nɔ hewɔ ni ehe hiaa ni wɔtsɛ mɛi ni yɔɔ he miishɛɛ lɛ ni wɔye wɔbua amɛ ni amɛba.
15 min: Ha wiemɔ ni damɔ sane ni ji, “Ani Naatsii Haa Onijiaŋ Jeɔ Wui?” ni jɛ September 1, 1994 Buu-Mɔɔ lɛ baafai 27-28 lɛ nɔ. Ye obua mɛi fɛɛ koni amɛhiɛ asɔ amɛteŋ mɔ fɛɛ mɔ nitsumɔ ni akɛha lɛ lɛ koni amɛmli afili amɛ yɛ Yehowa sɔɔmɔ mli.
10 min: Buu-Mɔɔ kɛ Awake! lɛ ni wɔbaaha ashɛ yɛ April. Wɔbaanyɛ wɔkɛ woji bibii lɛ fɛɛ eko hu aha (ja Skul wolo bibioo lɛ). Nyɛtĩa ŋaawoi ni nyiɛ sɛɛ nɛɛ ni akɛha yɛ woji tɛtrɛbii kɛhamɔ yɛ shia kɛ shia kɛ jwɛŋmɔ akɛ aha ashɛ lɛ amli: Feemɔ ohiɛ ŋmɔlɔŋmɔlɔ. Jiemɔ miishɛɛ kpo. Wiemɔ blɛoo. Wiemɔ wolo tɛtrɛɛ lɛ mli sane kome pɛ he. Okɛ woji tɛtrɛbii lɛ aha shiatsɛ lɛ ni otsɔɔ wolo-shɛɛ he gbɛjianɔ ni ato lɛ mli. Ha ale akɛ okɛ ehee ni baanyiɛ sɛɛ lɛ baaba. Muu sane naa yɛ gbɛ ni ja nɔ kɛji aheee woji tɛtrɛbii lɛ po. Kadimɔ miishɛɛ ni ajie lɛ kpo lɛ fɛɛ kɛ woji ni okɛha lɛ hu. Feemɔ woji ashɛɛ lɛ he shiɛmɔ wiemɔi ahe nɔkwɛmɔ nɔ kome loo enyɔ, kuku, koni okɛgbe naa.
Lala 176 kɛ naagbee sɔlemɔ.