Sɔɔmɔ Kpeei Kɛha March
Otsi ni Jeɔ Shishi March 4
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
15 min: “Kafomɔ Yehowa ‘Gbi Fɛɛ Gbi.’ ” Sanebimɔi kɛ hetooi. Kɛ be yɛ lɛ, kanemɔ kukuji 2-5. Okɛ hewalɛwoo kpakpa ni baaha aya hiɛ kɛha gbɛgbalɔi awalɔ kɛ daa gbɛgbalɔ nitsumɔ lɛ aha.
20 min: “Nilee Ni Kɛ Mɔ Yaa Naanɔ Wala Mli Wolo lɛ Kɛhamɔ.” Okɛ ekaa awie wolo hee lɛ kɛhamɔ he, titri lɛ kɛha mɛi ni ejie miishɛɛ kpo be ko ni eho lɛ. Atĩ shiɛmɔ wiemɔi ni akɛha lɛ mli, ni afee enɛɛmɛi ahe nɔkwɛmɔ nɔ kome loo enyɔ.
Lala 224 kɛ naagbee sɔlemɔ.
Otsi ni Jeɔ Shishi March 11
Lala 164
10 min: Asafoŋ adafitswai. Shika akɔntaabuu.
20 min: “Na Teokrase Sɔɔmɔ Skul Kɛha 1996 lɛ He Sɛɛ—Fa 3.” Wiemɔ ni skul nɔkwɛlɔ kɛbaaha. Wo mɛi fɛɛ ni baanyɛ lɛ hewalɛ ni amɛkɛ amɛgbɛi aha ni amɛkɛ anɔkwayeli atsu amɛnifeemɔi lɛ ahe nii. Tsɔɔmɔ Biblia mli gbɛi atsɛmɔ he mlai ni anaa yɛ “All Scripture” wolo lɛ baafai 325-6, kukuji 27-8 lɛ mli faŋŋ. Agbɛnɛ tsɔɔmɔ mli akɛ atsɛɔ nibii enyɔ tamɔ “ch” ni afee lɛ ekome ni yɔɔ gbɛi komɛi amli lɛ waa, tamɔ “k.” (Ja Rachel, ni “ch” ni yɔɔ mli lɛ egbɛɛɛ jogbaŋŋ lɛ.) Feemɔ mlai ni yɔɔ he lɛ he nɔkwɛmɔ nɔ kɛtsɔ Luka 3:23-38 lɛ ni oootswa kɛaajɛ Asafo lɛ audiocassette nɔ lɛ nɔ (kɛ eko yɛ), ni oha toibolɔi lɛ akwɛ amɛ Biblia lɛ mli kɛnyiɛ sɛɛ.
15 min: Nyɛfea Nii Kutuu akɛ Weku. Tsɛ lɛ kɛ eweku lɛ agba sane kɛ miishɛɛ ni kɔɔ bɔ ni ehe hiaa ni afee ekome lɛ he lɛ ni damɔ September 1, 1993 Buu-Mɔɔ lɛ baafai 16-19 lɛ nɔ. Agbala jwɛŋmɔ kɛya weku nikasemɔ kɛ sanekpakpa jajemɔ nitsumɔ lɛ nɔ. Tsɔɔmɔ bɔ ni ŋmɛnɛŋmɛnɛ wekui amli gbalaa yɛ be babaoo ni amɛnaaa kɛhaaa amɛhe ni esoro amɛ kwraa yɛ nɔ fɛɛ nɔ mli lɛ hewɔ. Nyɔŋmɔ Wiemɔ lɛ kasemɔ kɛ shiɛmɔ nitsumɔ lɛ ni akɛ he aaawo mli kutuu lɛ ji jɔɔmɔ kɛha Kristofoi aweku lɛ. Maa bɔ ni ehe hiaa ni tsɛ lɛ ato enɛɛmɛi ahe gbɛjianɔ jogbaŋŋ koni nyɛ lɛ kɛ lɛ akpa gbee lɛ nɔ mi. Esa akɛ gbekɛbii ana mumɔŋ nitsumɔi ahe miishɛɛ, ni amɛkɛ fɔlɔi lɛ atsu nii yɛ ekomefeemɔ mli. Abaafee weku lɛ ekome ni awaje amɛ ni amɛdamɔ nɔnyɛɛi ni yaa nɔ efaa ni je lɛŋ nifeemɔi kɛbaa lɛ naa.
Lala 211 kɛ naagbee sɔlemɔ.
Otsi ni Jeɔ Shishi March 18
10 min: Asafoŋ adafitswai. Mɛi ni kɛ mɛi feɔ nikasemɔ lɛ awo mɛi heei ni yaa amɛhiɛ jogbaŋŋ yɛ amɛ Biblia mli nikasemɔ mli lɛ hewalɛ ni amɛhe asa akɛ shiɛlɔi ni abaptisiko amɛ. Fɔlɔi hu baanyɛ aye abua amɛbii ni amɛtsɔmɔ shiɛlɔi. Atĩ gbɛ ni atsɔɔ nɔ atsuɔ he nii ni akɛha yɛ Organized to Accomplish Our Ministry lɛ baafai 97-100 lɛ mli.
15 min: Atĩ 1996 Yearbook of Jehovah’s Witnesses Saji Otii lɛ Amli. Weku lɛ agba wɔ jeŋ muu fɛɛ nitsumɔ ni atsɔɔ yɛ baafai 3-5 kɛ 33 lɛ mli otii komɛi ni yɔɔ miishɛɛ lɛ he sane. Amɛkpɛlɛ nɔ akɛ amɛbaabɔ mɔdɛŋ ni amɛkane Yearbook lɛ baafai fioo komɛi gbi fɛɛ gbi beni amɛsusu Biblia mli ŋmalɛ ni ahala yɛ Ŋmalɛi lɛ Amli ni Wɔɔkwɛ Daa lɛ he lɛ sɛɛ.
20 min: “Kuu Osɛɛ Oya Mɛi ni Jie Miishɛɛ Kpo lɛ Aŋɔɔ.” Atĩ shiɛmɔ wiemɔi ni akɛha lɛ mli, ni afee nɔkwɛmɔ nii kukuji enyɔ. Wo mɔ fɛɛ mɔ hewalɛ ni amɛfee sɛɛsaramɔi kɛ oti ni ma hiɛ akɛ akɛ Nilee wolo lɛ aaaje Biblia mli nikasemɔi ashishi.
Lala 44 kɛ naagbee sɔlemɔ.
Otsi ni Jeɔ Shishi March 25
15 min: Asafoŋ adafitswai. Ati “Kaimɔ lɛ He Kaimɔi” lɛ mli. Tsɔɔmɔ nɔ hewɔ ni ehe hiaa ni aya eko. (Kwɛmɔ February 15, 1985 Blɔfo Buu-Mɔɔ lɛ baafai 18-20.) Atĩ gbɛjianɔ ni ato koni aye abua mɛi ni egbɔlɔ, helatsɛmɛi, kɛ mɛi heei ni eba lɛ mli. Agba gbɛjianɔ ni ato kɛha shiɛmɔyaa babaoo yɛ otsi ni baa lɛ mli lɛ he sane. Agbɛnɛ hu, atĩ, “He ni Ajieɔ Gbɔfeemɔ Kpo Atsɔɔ Gbɔi Yɛ,” ni damɔ September 22, 1995 Awake! ni je kpo lɛ baafa 32 lɛ nɔ lɛ mli.
15 min: Sanebimɔ He. Wiemɔ ni onukpa kɛbaaha. Awie nibii ni tsirɛɔ wɔ ni wɔke nii lɛ ahe, taakɛ atsɔɔ yɛ January 15, 1992 Buu-Mɔɔ lɛ baafai 16-17 lɛ.
15 min: “Hesaamɔ—Gbɛ ni Atsɔɔ nɔ Ayeɔ Omanye.” Sanebimɔi kɛ hetooi. Tsii ta otsɔɔ akɛ wɔbaaha ashɛ Buu-Mɔɔ kɛ Awake! lɛ yɛ April kɛ May mli. Saamɔ ohe bianɛ kɛtsɔ woji tɛtrɛbii lɛ eko ni ooohe ofata he lɛ nɔ, ni ona wolo-shɛɛ he woji ni aŋmalako nibii yɛ nɔ, ni oto gbɛjianɔ kɛha Woji Tɛtrɛbii Agbi mli nitsumɔ he gbɛjianɔtoo lɛ sɛɛfimɔ kɛ jwɛŋmɔ lɛ akɛ oooha mɛi ashɛ.
Lala 7 kɛ naagbee sɔlemɔ.