Sɔɔmɔ Kpeei Kɛha November
Otsi ni Jeɔ Shishi November 4
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ July shiɛmɔyaa he akɔntaabuu kɛha maŋ lɛ kɛ nyɛ asafo lɛ he. Wiemɔ saji pɔtɛɛ ni kɔɔ yifalɛi sɔrɔtoi ni fe fɛɛ kɛha maŋ lɛ he. Sanebimɔ He.
15 min: “Ani Okɛ Nyɔŋmɔ Wiemɔ lɛ Miitsu Nii yɛ Gbɛ ni Ja Nɔ?” Sanebimɔi kɛ hetooi. Okɛ “Yiŋtoi ni aaadamɔ nɔ asusu Biblia lɛ he” lɛ mli saji ni jɛ Reasoning wolo lɛ baafai 58-60 lɛ afata he.
20 min: “Enɛ Ji Naanɔ Wala Lɛ.” (Kukuji 1-5) Beni owie kuku 1 lɛ saji ahe fioo kɛje shishi lɛ, ha shiɛlɔi enyɔ ni he esa afee shiɛmɔ wiemɔi ni yɔɔ kukuji 2-5 lɛ he nɔkwɛmɔ nɔ. Maa oti ni ma hiɛ akɛ aaaje Biblia mli nikasemɔ shishi lɛ nɔ mi. Wo mɛi fɛɛ hewalɛ ni amɛkɛ nɔ ni aŋma ahɔ amɛ July 1996 Wɔ Maŋtsɛyeli Sɔɔmɔ lɛ mli lɛ aba Sɔɔmɔ Kpee ni abaafee yɛ otsi ni baanyiɛ sɛɛ lɛ mli.
Lala 128 kɛ naagbee sɔlemɔ.
Otsi ni Jeɔ Shishi November 11
10 min: Asafoŋ adafitswai. Shika he akɔntaabuu.
20 min: Ní Aaafee Biblia Mli Nikasemɔi ni Yaa Hiɛ. Wiemɔ ni sɔɔmɔ nɔkwɛlɔ lɛ baatsu he nii. Wɔkɛ Nilee wolo lɛ miitsu nii aaafee afi kome nɛ yɛ Biblia mli nikasemɔ mli. Ekolɛ nikaselɔi komɛi egbe naa momo, yɛ be mli ni mɛi krokomɛi hu eshɛ shɔŋŋ yɛ wolo lɛ kasemɔ mli. Awo wɔ hewalɛ koni wɔkɛ wɔ jwɛŋmɔ ama nikasemɔi afeemɔ ni ato he gbɛjianɔ ni akɛye abua mɛi heei lɛ koni amɛkase anɔkwale lɛ oyayaayai lɛ nɔ, ni amɛkɛtsu nii yɛ amɛshihilɛi amli, ni amɛbatsɔmɔ asafo lɛ mli bii. Nɔ ni aŋma ahɔ July 1996 Wɔ Maŋtsɛyeli Sɔɔmɔ lɛ mli lɛ kɛ gbɛtsɔɔmɔi kpakpai ni baaye abua wɔ ni wɔhe asa akɛ tsɔɔlɔi lɛ ha. Tĩi nibii ni wɔbaanyɛ wɔfee ni wɔtsɔɔ nikaselɔi lɛ anii jogbaŋŋ lɛ ekomɛi amli kuku, taakɛ asusu he yɛ nɔ ni aŋma ahɔ mli lɛ kukuji 3-13 lɛ mli lɛ. No sɛɛ lɛ, okɛ ojwɛŋmɔ ama nɔ ni ehe hiaa ni afee koni aye abua amɛ ni amɛkɔ shidaamɔ kpakpa lɛ nɔ, taakɛ atsɔɔ yɛ kukuji 14-22 lɛ. Kanemɔ kukuji 15, 17, 20-1. Tĩi amaniɛbɔi kpakpai komɛi ni tsɔɔ bɔ ni nyɛ shiɛlɔi lɛ eye omanye waa amɛha lɛ amli. Wo mɛi babaoo hewalɛ lolo koni amɛkɛ amɛhe awo Biblia kasemɔ nitsumɔ lɛ mli.
15 min: “Enɛ Ji Naanɔ Wala Lɛ.” (Kukuji 6-8) Asusu sɛɛnamɔi ni yɔɔ gbɛ ni yɔɔ tɛɛ ni atsɔɔ nɔ ajeɔ nikasemɔi ashishi lɛ he. Ha shiɛlɔi ni he esa afee shiɛmɔ wiemɔi ni yɔɔ kukuji 6-7 lɛ he nɔkwɛmɔ nɔ. Ha toibolɔi agba shihilɛi komɛi amli ni aje nikasemɔ shishi yɛ klɛŋklɛŋ saramɔ mli lɛ he sane amɛtsɔɔ. Beni akɛɛ nuu ko tɛɛ akɛ akɛ lɛ baafee nikasemɔ lɛ, ehere nɔ akɛ: “Hɛɛ. Ba mli. Masumɔ ni akɛ mi akase nii.” Akɛ lɛ bɔi nikasemɔ, ni enɔ otsi lɛ, eweku muu lɛ fɛɛ bafata he, ni etsɛɛɛ ni amɛ fɛɛ amɛbɔi kpeei yaa ni amɛkɛ amɛhe wo odaseyeli nitsumɔ lɛ mli.
Lala 129 kɛ naagbee sɔlemɔ.
Otsi ni Jeɔ Shishi November 18
10 min: Asafoŋ adafitswai. Tĩi shiɛmɔyaa he gbɛjianɔ ni ato kɛha otsi lɛ mli.
15 min: “Átuu Nitsumɔ ko Awo Wɔdɛŋ.” Sanebimɔi kɛ hetooi. Wiemɔ January 1, 1988 Blɔfo Buu-Mɔɔ baafai 28-9 lɛ kukuji 13-16 lɛ he sane fioo.
20 min: “1996 ‘Nyɔŋmɔ Toiŋjɔlɛ He Bɔfoi’ Kpokpaa Wulu nɔ Kpee.” Sanebimɔ-kɛ-hetoo ni akɛaasusu kukuji 1-17 he. Kanemɔ kukuji 10, 11, 13, 16.
Lala 193 kɛ naagbee sɔlemɔ.
Otsi ni Jeɔ Shishi November 25
5 min: Asafoŋ adafitswai.
10 min: “Ní Aaajaje Anɔkwale lɛ Daa Gbi Kɛtsɔ Yesu Kasemɔ Nɔ.” Wiemɔ ni onukpa baatsu he nii.
20 min: “1996 ‘Nyɔŋmɔ Toiŋjɔlɛ He Bɔfoi’ Kpokpaa Wulu nɔ Kpee.” Kukuji 18-24 he sanebimɔ-kɛ-hetoo ni akɛaasusu he. Kanemɔ kukuji 18-19. Atĩ “Kpokpaa Wulu nɔ Kpee he Kaimɔi” lɛ mli.
10 min: Atĩ Wolo ni Akɛbaatsu Nii yɛ December lɛ Mli. Akɛ New World Translation kɛ The Bible—God’s Word or Man’s? wolo lɛ aha. Okɛ “All Scripture” wolo lɛ baafai 327-31 atsu nii koni okɛtsɔɔ bɔ ni New World Translation lɛ nɔ bɛ ha: Efiɔ ŋwɛi gbɛ́i lɛ sɛɛ ni ewoɔ nɔ gojoo (kukuji 1-2); bɔ ni atsɔɔ emli saji aha yɛ gbɛ ni yaa hiɛ waa nɔ lɛ haa anuɔ ŋmalɛ lɛ shishi jogbaŋŋ (kuku 6); eji dɛŋdade ni yɔɔ hewalɛ ni akɛaatsu nii yɛ sɔɔmɔ nitsumɔ lɛ mli (kukuji 22-3). Tsɔɔmɔ shiɛmɔ wiemɔ kuku koni afee he nɔkwɛmɔ nɔ, yɛ be mli ni akɛ The Bible—God’s Word or Man’s? lɛ baafa 189 lɛ mli saji ni akɛsusuɔ saji ahe lɛ tsuɔ nii. Esa akɛ ato gbɛjianɔ kpakpa kɛha sɛɛsaramɔ yɛ he fɛɛ he ni abaajie miishɛɛ kpo yɛ lɛ.
Lala 180 kɛ naagbee sɔlemɔ.