Sɔɔmɔ Kpeei Kɛha Decomber
KADIMƆ: Yɛ be mli ni ayaa kpee yɛ December kɛ January mli lɛ, asafoi lɛ baanyɛ afee tsakemɔi koni akɛ minitii 30 atĩ kpee lɛ shishi wiemɔi titrii amli yɛ Sɔɔmɔ Kpee ni abaafee yɛ otsi ni nyiɛ sɛɛ lɛ mli. Esa akɛ akɛ gbi lɛ fɛɛ eko mli saji otii ni abaatĩ mli lɛ he nitsumɔ awo nyɛmimɛi hii enyɔ loo etɛ adɛŋ kɛtsɔ hiɛ. Esa akɛ saji kɛ niiashikpamɔi ni toibolɔi kɛbaaha lɛ afee kuku ni ekɔ oti lɛ he tɛ̃ɛ.
Otsi ni Jeɔ Shishi December 2
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ shiɛmɔyaa he akɔntaabuu kɛha maŋ lɛ kɛ nyɛ asafo lɛ he. Wiemɔ saji pɔtɛɛ ni kɔɔ yifalɛi sɔrɔtoi ni fe fɛɛ kɛha maŋ lɛ he.
15 min: “Namɔ Baabo Wɔ Shɛɛ Sane lɛ Toi?” Sanebimɔi kɛ hetooi. Okɛ saji otii ni jɛ March 22, 1987 Awake! lɛ baafa 5 ni tsɔɔ nɔ hewɔ ni wɔ shɛɛ sane lɛ ŋɔɔ lɛ afata he.
20 min: “Nyɔŋmɔ Wiemɔ lɛ Kɛ Gbɛtsɔɔmɔ Haa.” (Kukuji 1-6) Okɛ kukuji 1-2 lɛ akpa hiɛ kɛje shishi. (Okɛ Reasoning wolo lɛ baafai 58-60 afata he, ni otsɔɔ “Yiŋtoi ahewɔ ni aaasusu Biblia lɛ he” lɛ ejwɛ mli kuku.) Ha shiɛlɔi ni he esa afee shiɛmɔ wiemɔi ni akɛha yɛ kukuji 3-6 lɛ he nɔkwɛmɔ nii. Ha toibolɔi awie saji ni tsɔɔ (1) bɔ ni sanebimɔi ni atee amɛ shi lɛ ye ebua ni akɛkanya miishɛɛ, (2) bɔ ni ŋmalɛi ni akɛtsu nii lɛ kɔɔ sane ni agbaa lɛ he, (3) bɔ ni sɛɛsaramɔ lɛ nyiɛ klɛŋklɛŋ sanegbaa lɛ sɛɛ pɛpɛɛpɛ, kɛ (4) gbɛ ni atsɔ nɔ afɔ nine koni akase nii.
Lala 75 kɛ naagbee sɔlemɔ.
Otsi ni Jeɔ Shishi December 9
10 min: Asafoŋ adafitswai. Shika he akɔntaabuu.
15 min: Mɛi ni Edara lɛ ni Aaaye Abua Amɛ Koni Amɛna Shiɛmɔ Nitsumɔ lɛ Mli Gbɛfaŋnɔ. Shiɛlɔi anɔkwafoi babaoo ni amɛdara lɛ miishwe waa ni amɛkɛ asafo lɛ ana shiɛmɔ mli gbɛfaŋnɔ, shi amɛyɛ gbɔmɔtsoŋ naagbai ni jɛ gbɔlɛ kɛ hela. Gbɛi komɛi yɛ ni wɔbaanyɛ wɔtsɔ nɔ wɔsusu amɛhe koni wɔkɛ amɛ afata kuu ni yaa shiɛmɔ lɛ he: Okɛ ohe aha ni otao tsɔne ni amɛbaatá mli; too gbɛjianɔ koni amɛtsu nii yɛ shiai ni atrakpoi fioo pɛ ni abaakwɔ yɔɔ jɛmɛ; ha tsɔne lɛ abɛŋkɛ he ni nyɛtsuɔ nii yɛ lɛ koni amɛnyɛ amɛjɔɔ amɛhe beni etɔ amɛ; okɛ ohe aha koni okɛ amɛ aya he ni amɛyaafee sɛɛsaramɔi yɛ lɛ; ha amɛle akɛ okɛ amɛ baaya shia kɛ amɛnu he akɛ amɛnyɛɛɛ amɛtsa nɔ dɔŋŋ lɛ. Mɛi ni edara lɛ ahiɛ sɔɔ yelikɛbuamɔ ni akɛhaa amɛ lɛ. Tsɔɔmɔ gbɛi krokomɛi ni nyɛtsɔɔ nɔ nyɛjieɔ mɔ hesusumɔ ni tamɔ nɛkɛ kpo yɛ nyɛ asafo lɛ mli. Tĩi sane ni ji “Wɔhiɛ Sɔɔ Mɛi ni Edara Lɛ!” ni yɔɔ February 1, 1986 Watchtower lɛ baafai 28-9 lɛ mli saji otii lɛ amli.
20 min: “Nyɔŋmɔ Wiemɔ lɛ Kɛ Gbɛtsɔɔmɔ Haa.” (Kukuji 6-8) Wiemɔ “Bɔ ni Ehe Hiaa ni Ana Gbɛtsɔɔmɔ” ni yɔɔ May 1, 1993 Buu-Mɔɔ lɛ baafa 3 lɛ he sane. Tsɔɔmɔ nɔ hewɔ ni esa akɛ wɔ shiɛmɔ wiemɔi lɛ ama bɔ ni ehe hiaa ni wɔtao yelikɛbuamɔ kɛjɛ jɛɛhe ni nɔ kwɔ lɛ—Nyɔŋmɔ nɔ mi. Ha shiɛlɔ afee shiɛmɔ wiemɔi ni yɔɔ kukuji 7-8 lɛ he nɔkwɛmɔ nii. Maa nɔ mi akɛ, oti ni ma wɔhiɛ ji ni wɔkɛ Nilee wolo lɛ aje Biblia mli nikasemɔ shishi yɛ sɛɛ mli.
Lala 197 kɛ naagbee sɔlemɔ.
Otsi ni Jeɔ Shishi December 16
Lala 209
10 min: Asafoŋ adafitswai. Okɛ ŋaawoi komɛi ni tsɔɔ bɔ ni wɔbaafee wɔtsɔ ŋaa gbɛ nɔ wɔhere hejɔɔmɔ gbi ŋamɔi anɔ aha. Tsɔɔmɔ shiɛmɔyaa he gbɛjianɔtoi krɛdɛɛ kɛha December 25.
15 min: “Wɔ Suɔmɔ Mli ni Wɔɔjɛ Wɔkɛ Wɔhe Aha.” Sanebimɔi kɛ hetooi. Okɛ May 1, 1984 Watchtower lɛ baafa 22 lɛ mli saji afata he.
20 min: “Mlifilimɔ yɛ Shweremɔ ni Nyɔŋmɔ Kɛhaa lɛ Hewɔ.” Miishɛɛ wiemɔ ni onukpa baatsu he nii. Tsɔɔmɔ niiashikpamɔi loo odaseyeli ni tsɔɔ yifalɛi ni yaa nɔ yɛ maji ni atsɔɔ lɛ amli lɛ, taakɛ akɛha yɛ nyɛsɛɛ nɛɛ Yearbooks lɛ amli lɛ.
Lala 41 kɛ naagbee sɔlemɔ.
Otsi ni Jeɔ Shishi December 23
10 min: Asafoŋ adafitswai. Tsɔɔmɔ wiemɔi otii komɛi ni yɔɔ woji tɛtrɛbii heei lɛ amli ni abaanyɛ akɛtsu nii yɛ shiɛmɔ mli otsi nɛɛ. Tsɔɔmɔ shiɛmɔyaa he gbɛjianɔtoi krɛdɛɛ kɛha January 1.
15 min: Asafoŋ hiamɔ nii. Aloo onukpa ko aha wiemɔ ni damɔ “Nitsumɔ Mli Hejɔɔmɔ—Gbɛ ni Kɛ Mɔ Yaa Teokrase Nitsumɔ Mli?” ni jɛ July 15, 1996 Buu-Mɔɔ lɛ baafai 24-5 lɛ nɔ.—Kwɛmɔ Insight, Kpo 2, baafa 794, kukuji 2-3.
20 min: “Gbɛi ni Aŋmaa yɛ Teokrase Sɔɔmɔ Skul lɛ Mli.” Wiemɔ ni skul nɔkwɛlɔ baatsu he nii. Tsɔɔmɔ asafoŋbii agbɛi ni yɔɔ mli lɛ ayibɔ, ni owo mɔ fɛɛ mɔ ni baanyɛ lɛ hewalɛ ni eha aŋma egbɛi yɛ mli. Tĩi ŋaawoi kɛha nitsumɔi ni akɛwo nikaselɔ dɛŋ lɛ mli, taakɛ akɛha yɛ “Theocratic Ministry School Schedule for 1997” lɛ mli lɛ.
Lala 166 kɛ naagbee sɔlemɔ.
Otsi ni Jeɔ Shishi December 30
Lala 223
10 min: Asafoŋ adafitswai. Kɛ́ etsɛŋ ni nyɛ asafo lɛ baatsake kpee bei kɛha afi hee lɛ, belɛ okɛ hewalɛwoo ni jɛ mlijɔlɛ mli ni baatsirɛ mɔ fɛɛ mɔ ni efee tsakemɔi ni he hiaa ni ekã he ekɛ asafoŋbii lɛ akpe daa yɛ bei heei ni atsɔɔ lɛ naa lɛ aha.
15 min: Sanebimɔ He. Wiemɔ ni onukpa baatsu he nii. Maa sɛɛnamɔ ni yɔɔ he akɛ aaafee toiboo kɛha ŋaawoo ni jɛ Ŋmalɛ mli ni kɔɔ Kristofoi ahetsemɔ ni aaahiɛ mli lɛ he lɛ nɔ mi.
20 min: Tĩi Wolo ni Akɛbaatsu Nii yɛ January Mli lɛ Mli. Akɛ woji fɛɛ ni hiɛ baafai 192 ni akala dani 1984 shɛ lɛ aha. Kɛ eko bɛ nyɛ wojiatoo he lɛ, belɛ akɛ Survival Into a New Earth lɛ atsu nii. Tsɔɔmɔ woji ni asafo lɛ yɔɔ yɛ wojiatoo he lɛ. Halamɔ emli enyɔ loo etɛ ni baamɔ shi jogbaŋŋ ni abaanyɛ akɛtsu nii yɛ nyɛ shikpɔŋkuku lɛ mli. Okɛ Reasoning wolo lɛ baafai 9-14 lɛ atsu nii, ni okɛtĩ hiɛkpamɔ wiemɔi ni sa kɛha wolo fɛɛ wolo lɛ mli kuku. Feemɔ shiɛmɔ wiemɔ kome loo enyɔ he nɔkwɛmɔ nii.
Lala 137 kɛ naagbee sɔlemɔ.