Sɔɔmɔ Kpeei Kɛha February
Otsi ni Jeɔ Shishi February 3
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ “Wɔhiɛ Esɔ Jogbaŋŋ” lɛ he.
15 min: “Okɛ Ohe Awo Nitsumɔ ni Akuŋ Sɛɛ Atsuŋ Dɔŋŋ lɛ Mli.” Sanebimɔi kɛ hetooi. Kɛ be yɛ lɛ, okɛ saji otii ni jɛ “Ní Wɔɔya nɔ Wɔsara—Yɛ Mɛɛ Gbɛ Nɔ?” ni yɔɔ Proclaimers wolo lɛ baafai 714-15 lɛ afata he.
20 min: “Sanekpakpa lɛ Kɛhamɔ Kɛ Hehiamɔ Henumɔ.” (Kukuji 1-5) Beni nifeemɔ lɛ sɛinɔtalɔ lɛ ewie kuku 1 lɛ he fioo lɛ, ekɛ shiɛlɔi enyɔ loo etɛ agba kukuji 2-5 lɛ he sane. Amɛtĩ shiɛmɔ wiemɔi ni akɛha lɛ he saji otii amli, ni amɛwie nɔ hewɔ ni enɛɛmɛi loo shiɛmɔ wiemɔi ni tamɔ nomɛi lɛ baanyɛ amɔ shi yɛ nyɛ shikpɔŋkuku lɛ mli lɛ he sane. Shiɛlɔi lɛ ato naa amɛfee shiɛmɔ wiemɔi lɛ ahe nɔkwɛmɔ nii amɛtsɔɔ amɛhe. Nifeemɔ lɛ sɛinɔtalɔ lɛ ajie amɛyi, ni etsɔɔ gbɛi ni amɛaatsɔ nɔ amɛha emɔ shi jogbaŋŋ. No sɛɛ lɛ ebi koni toibolɔi atsɔɔ gbɛi anɔ ni abaatsɔ ni nine anyɛ ashɛ oti ni akɛma hiɛ akɛ aaaje nikasemɔi ashishi lɛ nɔ. Ekɛ ŋaawoi pɔtɛɛ ni abaatsɔ nɔ akɛ Nilee wolo lɛ aje nikasemɔ shishi yɛ sɛɛ mli lɛ aha.
Lala 34 kɛ naagbee sɔlemɔ.
Otsi ni Jeɔ Shishi February 10
10 min: Asafoŋ adafitswai. Shika he akɔntaabuu.
10 min: “Sanekpakpa lɛ Kɛhamɔ Kɛ Hehiamɔ Henumɔ.” (Kukuji 6-8) Ha afee shiɛmɔ wiemɔi ni yɔɔ kukuji 6-7 lɛ he nɔkwɛmɔ nii. Maa bɔ ni ehe hiaa ni afee sɛɛsaramɔ yɛ hé ni ajie miishɛɛ kpo atsɔɔ yɛ lɛ nɔ mi.
25 min: “Aatao—Gbɛgbalɔi Awalɔi 5,000.” Sanebimɔ-kɛ-hetoo ni sɔɔmɔ nitsumɔ nɔkwɛlɔ lɛ baatsu he nii. Maa akrabatsa ni ato ni yɔɔ baafa 3 lɛ mli saji anɔ mi. Atĩ be he gbɛjianɔtoo he nɔkwɛmɔ nɔ ni yɔɔ baafa 6 lɛ mli. Esa akɛ shiɛlɔ fɛɛ shiɛlɔ ni abaptisi lɛ lɛ diɛŋtsɛ kɛ sɔlemɔ asusu he akɛ ebaanyɛ ekɛ ehe awo mli nyɔŋ kome loo nɔ ni fe nakai lo. Shiɛlɔi ni abaptisiko amɛ lɛ baanyɛ atsu shiɛmɔ nitsumɔ lɛ babaoo, kɛtsɔ ŋmɛlɛtswai abɔ ni amɛ diɛŋtsɛ amɛkɛaafee oti ni ma amɛhiɛ akɛ amɛkɛaatsu nii nyɔŋ fɛɛ nyɔŋ lɛ nɔ.
Lala 43 kɛ naagbee sɔlemɔ.
Otsi ni Jeɔ Shishi February 17
10 min: Asafoŋ adafitswai. Tsɔɔmɔ woji tɛtrɛbii lɛ amli saji otii ni ŋɔɔ ni abaanyɛ akɛtsu nii yɛ shiɛmɔ nitsumɔ lɛ mli otsi nɛɛ.
13 min: “Kaimɔ Lɛ—Nifeemɔ Ko ni He Hiaa Waa Diɛŋtsɛ!” Sanebimɔi kɛ hetooi. Wo hewalɛ koni aha March nyɔŋ muu lɛ afee nɔ ni yɔɔ sɔrɔto kwraa kɛtsɔ gbɛgbalɔi awalɔ nitsumɔ lɛ nɔ.
22 min: Shia Biblia Mli Nikasemɔi Ashishijee. Yɛ nyɛsɛɛ nyɔji nɛɛ amli lɛ, akɛ woji ni sɛɛ wa lɛ akpei ohai abɔ eha. Enɛ haa anaa nɔ ni abaadamɔ nɔ aje shia Biblia mli nikasemɔi babaoo lolo lɛ shishi. Tĩi nɔ ni nyɛ asafo lɛ tsu yɛ woji wuji kɛ woji krokomɛi kɛhamɔ mli lɛ mli. Wo shiɛlɔi ahewalɛ ni amɛdi miishɛɛ fɛɛ ni ajie kpo atsɔɔ lɛ sɛɛ. Ha shiɛlɔi sɔrɔtoi agba mɔdɛŋ diɛŋtsɛ ni amɛbɔ ni ha amɛje shia Biblia mli nikasemɔi heei shishi. Maa nɔ mi akɛ nɔ ni he hiaa fe fɛɛ yɛ wɔ nitsumɔ lɛ mli ji ni afee kaselɔi. (Mat. 28:19, 20) Abaanyɛ afee enɛ kɛmɔ shi, kɛ wɔbɔ mɔdɛŋ akɛ wɔkɛ gbɛtsɔɔmɔi ni atsɔɔ yɛ nɔ ni aŋma ahɔ June 1996 Wɔ Maŋtsɛyeli Sɔɔmɔ lɛ mli lɛ mli lɛ aaatsu nii.
Lala 47 kɛ naagbee sɔlemɔ.
Otsi ni Jeɔ Shishi February 24
18 min: Asafoŋ adafitswai. Tsɛ mɛi fɛɛ ni baatsu gbɛgbalɔi awalɔ nitsumɔ lɛ yɛ March lɛ agbɛi. Tsɔɔmɔ mli akɛ ekpeko sɛɛ tsɔ akɛ akɛ gbɛbimɔ wolo baaha. Wo mɔ fɛɛ mɔ hewalɛ ni ekɛ ehe awo shiɛmɔ nitsumɔ lɛ mli kɛmɔ shi yɛ Hɔɔ, March 1. Tsɔɔmɔ gbɛjianɔi krokomɛi ni nyɛ asafo lɛ miito kɛha kpeei kɛha shiɛmɔyaa yɛ nyɔŋ lɛ mli. Tĩi Sanebimɔ He lɛ mli jogbaŋŋ.
12 min: “Ni Owekumɛi Hu?” Wu kɛ ŋa fɛɛ agba nikasemɔ lɛ he sane koni amɛtsɔɔ bɔ ni amɛaafee amɛkɛ sanekpakpa lɛ abɛŋkɛ wekumɛi ni heee yeee lɛ.—Kwɛmɔ February 15, 1990 Blɔfo Buu-Mɔɔ lɛ baafai 25-7.
15 min: Tĩi Wolo ni Akɛbaatsu Nii yɛ March Mli lɛ Mli—Nɔ Diɛŋtsɛ ni Kɛ Weku Miishɛɛ Baa. Gbaa yiŋtoi ahewɔ ni weku mli egbala yɛ ŋmɛnɛŋmɛnɛ adesai ashihilɛ mli lɛ he sane kuku. (Kwɛmɔ October 15, 1992 Buu-Mɔɔ lɛ baafai 4-7.) Tĩi wolo lɛ mli saneyitsei ni ato naa lɛ amli, yɛ baafa 3. Ha toibolɔi ahala saneyitsei ni abaanyɛ adamɔ nɔ afee shiɛmɔ wiemɔ. Tsɔɔmɔ nitsɔɔmɔ gbɛhe ni yeɔ buaa ni jeɔ kpo yɛ yitso fɛɛ yitso naagbee gbɛ lɛ. Ha shiɛlɔ ni he esa afee bɔ ni akɛ wolo lɛ baaha lɛ he nɔkwɛmɔ nɔ. Kaimɔ mɔ fɛɛ mɔ ni ana eko ni akɛbaatsu nii otsi nɛɛ naagbee.
Lala 48 kɛ naagbee sɔlemɔ.