Sɔɔmɔ Kpeei Kɛha April
Otsi ni Jeɔ Shishi April 7
12 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Tsĩi saji otii ni yɔɔ woji tɛtrɛbii heei lɛ amli lɛ tã otsɔɔ. Teokrase lɛ He Saji.
15 min: “Akɛ Mɛi Babaoo Miifata He.” Sanebimɔi kɛ hetooi. Tĩi gbɛtsɔɔmɔi ni he hiaa ni awie he yɛ August 15, 1993 Buu-Mɔɔ lɛ baafai 12-17 lɛ mli.
18 min: “Ye Obua Mɛi ni Bɛ Niiashikpamɔ lɛ Koni Amɛnu Shishi.” Sanebimɔi kɛ hetooi. Tĩi nibii ni sa kadimɔ yɛ Taoɔ wolo bibioo lɛ he lɛ mli: emli nikasemɔ ni afee lɛ kuku, sanebimɔi ni yɔɔ amɛbe naa, mfonirii fɛfɛji, saji babaoo ni atsɛɔ sɛɛ kɛjɛɔ Ŋmalɛ mli. Maa oti ni akɛmaa hiɛ akɛ aaaje nikasemɔi ni kɛ mɔ yaa Nilee wolo lɛ kasemɔ mli lɛ shishi yɛ naagbee lɛ nɔ mi. Ha shiɛlɔ ni he esa afee bɔ ni ajeɔ nikasemɔ shishi lɛ he nɔkwɛmɔ nɔ beni akɛ gbɛtsɔɔmɔ ni yɔɔ kuku 4 lɛ tsuɔ nii. Wo fɔlɔi fɛɛ ni yɔɔ asafo lɛ mli lɛ hewalɛ ni amɛkɛ amɛbii bibii lɛ akase wolo bibioo lɛ.
Lala 130 kɛ naagbee sɔlemɔ.
Otsi ni Jeɔ Shishi April 14
10 min: Asafoŋ adafitswai. Shika he akɔntaabuu. Kɛ be yɛ lɛ, gbaa nyɛ shiɛmɔyaa mli niiashikpamɔi kukuji ni tsɔɔ Taoɔ wolo bibioo lɛ ni akɛhaa loo ni akɛjeɔ Biblia mli nikasemɔi ashishi lɛ.
15 min: “Nikaselɔi ni Abaatsɔɔ Amɛ Gbɛ Kɛya Gbɛjianɔtoo ni Yɔɔ Wɔ Gbɛi lɛ Sɛɛ lɛ Mli.” (Kukuji 1-6) Sanebimɔi kɛ hetooi. Kanemɔ kukuji 5-6 kɛ ŋmalɛi ni aŋmalako emli wiemɔi lɛ. Gbaa niiashikpamɔi ni nyɛyɔɔ ni tsɔɔ bɔ ni Biblia kaselɔi fee amɛnii amɛha, beni amɛkwɛ Jehovah’s Witnesses —The Organization Behind the Name video lɛ.
20 min: “Tsɔɔmɔ Mɛi Krokomɛi Nɔ ni Nyɔŋmɔ Taoɔ.” Toibolɔi ni akɛaagba kukuji 1-4 lɛ he sane. Ha afee shiɛmɔ wiemɔi ni yɔɔ kuku 5 lɛ he nɔkwɛmɔ nɔ, be mli ni akɛ nifeemɔ gbɛi sɔrɔtoi tsuɔ he nii—yɛ gbɛjegbɛ nɔ, yɛ shia, yɛ nitsumɔhe, kɛ shwɛmɔhe. Kaimɔ mɛi fɛɛ ni amɛnine ashɛ woji bibii kɛ woji tɛtrɛbii anɔ kɛha shiɛmɔyaa dani ashi Maŋtsɛyeli Asa lɛ nɔ gbɛkɛ nɛɛ.
Lala 126 kɛ naagbee sɔlemɔ.
Otsi ni Jeɔ Shishi April 21
15 min: Asafoŋ adafitswai. Tsɔɔmɔ mli akɛ ekpeko sɛɛ tsɔ akɛ akɛ gbɛbimɔ wolo aaaha kɛha gbɛgbalɔi awalɔ feemɔ yɛ May mli. Tĩi Sanebimɔ He lɛ mli, ní oha asafo lɛ ale kɛji woji komɛi ahe miihia ni akɛaawo wojiatoohe ni yɔɔ Maŋtsɛyeli Asa lɛ nɔ lɛ mli.
15 min: “Nikaselɔi ni Abaatsɔɔ Amɛ Gbɛ Kɛya Gbɛjianɔtoo ni Yɔɔ Wɔ Gbɛi lɛ Sɛɛ lɛ Mli.” (Kukuji 7-14) Sanebimɔi kɛ hetooi. Ha nitsɔɔlɔ ni he esa afee nɔkwɛmɔ nɔ ni tsɔɔ bɔ ni aaajɛ anɔkwayeli mli akɛ nikaselɔ agba sane yɛ mlijɔlɛ mli, ni atsɔɔ bɔ ni ehe hiaa ni eya kpeei.
15 min: Wɔ Woji lɛ ni Okɛaatsu Nii Jogbaŋŋ Kɛmɔ Shi. Wiemɔ ni onukpa baatsu he nii. (Kwɛmɔ September 1995 Wɔ Maŋtsɛyeli Sɔɔmɔ lɛ baafai 3-5.) Amaniɛbɔi tsɔɔ akɛ asafoi komɛi shɛɔ woji tɛtrɛbii babaoo diɛŋtsɛ fe bɔ ni amɛjaraa amɛhaa yɛ nyɔŋ fɛɛ nyɔŋ nɔ. Abuuu emli oha mlijaa 50 he akɔntaa kwraa akɛ akɛha. (Tsɔɔmɔ nɔ ni nyɛ nɔ̃ lɛ he akɔntaabuu ji.) Mɛni baa woji tɛtrɛbii nɛɛ anɔ? Yɛ naagbee lɛ babaoo ni akɛfeee nɔ ko dɔŋŋ lɛ yajeɔ wojiatoohe loo wɔbaagii amli. Te abaafee tɛŋŋ anyɛ akwa enɛ? Esa akɛ shiɛlɔ fɛɛ shiɛlɔ abu nɔ ni he hiaa lɛ lɛ he akɔntaa jogbaŋŋ ni eshɛ nɔ ni ebaanyɛ ekɛha pɛ. Nyɛhaa efea wɔsubaŋ akɛ wɔkɛ woji tɛtrɛbii baaha mɛi fɛɛ ni wɔkɛkpeɔ. Kaaha ememeji lɛ ahiɛ miikpata. Na woji tɛtrɛbii ajaa mli gbɛfaŋnɔ daa.
Lala 128 kɛ naagbee sɔlemɔ.
Otsi ni Jeɔ Shishi April 28
15 min: Asafoŋ adafitswai. Kaimɔ mɛi fɛɛ koni amɛkɛ amɛ April shiɛmɔyaa he akɔntaabuu aha. Tsɛ mɛi ni baafee gbɛgbalɔi awalɔi yɛ May mli lɛ agbɛi. Tsɔɔmɔ gbɛjianɔ krokomɛi ni nyɛ asafo lɛ eto kɛha kpeei kɛha shiɛmɔyaa. Esa akɛ abɔ mɔdɛŋ krɛdɛɛ ko yɛ May mli koni akɛdi woji bibii kɛhamɔ sɛɛ kɛ oti ni ma hiɛ akɛ abaaje nikasemɔi ashishi. Tsɔɔmɔ gbɛ̀i ni wɔbaanyɛ wɔtsɔ nɔ wɔkɛ mlihilɛ abi mɛi ni wɔyeɔ amɛ odase trukaa lɛ agbɛi kɛ adrɛs lɛ kuku. Obaanyɛ okɛ ogbɛi kɛ adrɛs aha klɛŋklɛŋ, dani obi kɛji tɛlifon nɔmba ko yɛ ni abaanyɛ atsɔ nɔ ni nine ashɛ amɛ nɔ. Ha toibolɔi kɛ gbɛtsɔɔmɔi krokomɛi ni amɛkɛtsu nii ni emɔ shi jogbaŋŋ lɛ aha.
15 min: “Mɛni Hewɔ Amɛtsuɔ?” Onukpa ko kɛ daa gbɛgbalɔi enyɔ loo etɛ agba nikasemɔ lɛ he sane. (Kɛ eko bɛ lɛ, okɛ mɛi ni kɛ amɛhe woɔ gbɛgbalɔi awalɔ nitsumɔ lɛ mli yɛ bei pii amli lɛ atsu nii.) Okɛ saji otii ni jɛ sane ni ji, “Gbɛgbalɔi Kɛ Jɔɔmɔ Haa, ni Amɛnine Shɛɔ Jɔɔmɔ Nɔ” lɛ ni yɔɔ January 15, 1994 Buu-Mɔɔ lɛ mli lɛ afata he. Ha amɛteŋ mɔ fɛɛ mɔ atsɔɔ nɔ hewɔ ni ekɛ ehe ewo gbɛgbamɔ nitsumɔ lɛ mli lɛ. Bi ni amɛgba niiashikpamɔi ni tsɔɔ bɔ ni ájɔɔ amɛ yɛ nakai feemɔ mli lɛ.
15 min: Asafoŋ hiamɔ nii. Onukpai baanyɛ amɛkɛ be nɛɛ atsu nii koni amɛkɛ asafo lɛ hiamɔ nii pɔtɛɛ he saji aha.
Lala 129 kɛ naagbee sɔlemɔ.