Sɔɔmɔ Kpeei Kɛha September
Otsi ni Jeɔ Shishi September 1
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Tsɔɔmɔ shiɛlɔi ayifalɛ hee ni fe fɛɛ kɛha May.
15 min: “Okɛ Nibii ni He Hiaa Babaoo lɛ Aye Klɛŋklɛŋ Gbɛhe.” Sanebimɔi kɛ hetooi. Kɛ be aaaŋmɛ gbɛ lɛ, agba sane ni ji, “Ni Aaato Nibii ni Hi ni He Hiaa Titri lɛ Ahe Gbɛjianɔ,” ni yɔɔ February 22, 1987, Awake! lɛ baafai 8-9 lɛ mli lɛ he sane.
20 min: “Mɛi Krokomɛi ni Akɛ Amɛ Aaagba Nɔ Diɛŋtsɛ ni Kɛ Weku Miishɛɛ Baa lɛ He Sane.” Wiemɔ ni damɔ kukuji 1, 7, kɛ 8 lɛ nɔ. Afee Kukuji 2-6 lɛ he nɔkwɛmɔnɔ. Ama jwɛŋmɔ ni esa akɛ agbalaa kɛbaa kaselɔi afeemɔ kɛ oti ni ji nikasemɔi ashishijee ni aaashɛ he lɛ nɔ mi.
Lala 107 kɛ naagbee sɔlemɔ.
Otsi ni Jeɔ Shishi September 8
10 min: Asafoŋ adafitswai. Shika he akɔntaabuu.
10 min: Asafo lɛ hiamɔ nii.
10 min: “Biblia Mli Nikasemɔi ni Feɔ Mɛi Kaselɔi.” Wiemɔ.
15 min: Onukpa kɛ shiɛlɔi ni yɔɔ niiashikpamɔ, ni amɛfeɔ Biblia mli nikasemɔi ni woɔ yibii lɛ agba saneyitso ni ji “Wo Nikaselɔi Hewalɛ Kɛha Henɔjɔɔmɔ kɛ Baptisimɔ” (nɔ ni aŋma ahɔ km-GA 7/96 lɛ mli, kk. 20-2)
Lala 109 kɛ naagbee sɔlemɔ.
Otsi ni Jeɔ Shishi September 15
10 min: Asafoŋ adafitswai.
15 min: Nyɛkɛ Vidioi Atsua Nii yɛ Gbɛ ni Ja Nɔ. Atĩ ŋaawoi ni kɔɔ bɔ ni akɛ Asafo lɛ vidioi aaatsu nii aha lɛ mli, ni agba niiashikpamɔi ni aná yɛ he ni nyɛyɔɔ lɛ, ni feɔ bɔ ni abaanyɛ akɛ vidioi lɛ atsu nii babaoo yɛ wɔ wekui lɛ kɛ wɔ sɔɔmɔ nitsumɔ lɛ fɛɛ mli lɛ he nɔkwɛmɔnii he sane atsɔɔ.
20 min: Ani Okɛ Skul Wolo Bibioo lɛ Miitsu Nii? Onukpa ko kɛ fɔlɔi kɛ gbekɛbii komɛi agba October 1, 1985, The Watchtower baafa 30-1 lɛ mli sane. Amɛgba niiashikpamɔi ni amɛná yɛ Skul wolo bibioo lɛ kɛ nitsumɔ mli lɛ he sane amɛtsɔɔ.
Lala 112 kɛ naagbee sɔlemɔ.
Otsi ni Jeɔ Shishi September 22
8 min: Asafoŋ adafitswai.
17 min: Bɔ ni Afeɔ Ajeɔ Sanegbaa Shishi. Wɔ omanyeli yɛ sɔɔmɔ nitsumɔ lɛ mli lɛ titri damɔɔ bɔ ni wɔnyɛɔ wɔhaa mɛi krokomɛi kɛ amɛhe woɔ sanegbaai ni he hiaa lɛ amli lɛ nɔ. Kɛ wɔnyɛɔ wɔkɛɔ nɔ ko ni haa mɛi krokomɛi boɔ toi lɛ, belɛ wɔye gbɛtsii nii wuji ni wɔkɛkpeɔ yɛ odaseyeli mli lɛ ateŋ ekome nɔ kunim. Akɛ toibolɔi asusu otii ni he hiaa ni yɔɔ School Guidebook lɛ nikasemɔ 16, kukuji 11-14 lɛ mli lɛ he. Aha shiɛlɔi ni he esa, ni amɛbɔɔ mɔdɛŋ yɛ sanegbaai ashishijee mli lɛ atsɔɔ wiemɔi ni amɛkɛtsuɔ nii kɛjeɔ shishi be mli ni amɛkɛ (1) mɔ ko ni miinyiɛ yɛ gbɛjegbɛ he, (2) mɔ ko ni ta bɔs mli, (3) nitsulɔ ko ni ta okpɔlɔ sɛɛ yɛ ɔfis, (4) nihelɔ ko ni akɛaakpe yɛ tsɔji amaamɔhe, (5) mɔ ko ni ta shi yɛ shwɛmɔhe ko, kɛ (6) mɔ ko ni nine eshɛ enɔ yɛ tɛlifon nɔ odaseyeli mli.
20 min: Atĩ Asafo lɛ Afi 1997 Sɔɔmɔ Afi Akɔntaabuu lɛ Mli. Sɔɔmɔ nɔkwɛlɔ lɛ ajie asafo lɛ yi yɛ mɔdɛŋ ni amɛbɔ waa, titri lɛ yɛ March, April, kɛ May mli lɛ hewɔ. Ekɛ ŋaawoi ni jɛ onukpai akuu lɛ dɛŋ kɛ nyɛsɛɛ nɛɛ kpokpaa nɔkwɛlɔ lɛ amaniɛbɔɔ akɛ aha sɔɔmɔ nitsumɔ lɛ kɛ Biblia mli nikasemɔ aya hiɛ lɛ aha. Ewie otii ni abaanyɛ atsu he nii kɛha sɔɔmɔ afi hee lɛ he, ni ekɛ Biblia nikasemɔi ashishijee kɛ efeemɔ kɛ gbɛgbalɔi awalɔ feemɔ yɛ nyɔji ni hiɛ otsii enumɔ—November, May, August lɛ hu afata he.
Lala 113 kɛ naagbee sɔlemɔ.
Otsi ni Jeɔ Shishi September 29
15 min: Asafoŋ adafitswai. Kaimɔ mɛi fɛɛ ni amɛkɛ amɛ shiɛmɔyaa he akɔntaabuu aha. Tsĩi tã akɛ, wɔbaaje Weku Miishɛɛ wolo lɛ kasemɔ shishi yɛ otsi ni nyiɛ sɛɛ lɛ mli yɛ woloŋ nikasemɔhe lɛ shishi. Yɛ hesaamɔ kɛha woji tɛtrɛbii lɛ ashɛɛ he nitsumɔ mli yɛ October lɛ, agba saji ni he hiaa ni ji “Kwɛmɔ Bɔ ni Oshikpɔŋkuku lɛ Yɔɔ,” “Lé Woji Tɛtrɛbii lɛ Amli Saji Jogbaŋŋ Bo Diɛŋtsɛ,” “Too Nɔ ni Obaawie Kɛje Shishi lɛ He Gbɛjianɔ,” “Okɛ Ohe Awo Shiatsɛ lɛ Shihilɛ Mli,” kɛ “Nyɛyea Nyɛbuaa Nyɛhe” ni yɔɔ October 1996 Wɔ Maŋtsɛyeli Sɔɔmɔ lɛ, baafa 8 lɛ mli lɛ.
15 min: Mɛni Esa akɛ Kristofonyo Afee Kɛji Atsɛ Lɛ akɛ Ebafata Mɛi ni Yeɔ Buaa Kojolɔi ni Amɛbuɔ Atɛŋ lɛ Ahe? Wiemɔ ni onukpa ko kɛbaaha ni damɔ April 1, 1997 Buu-Mɔɔ lɛ, baafai 27-9 lɛ nɔ.
15 min: Wo Osɔɔmɔ lɛ Hiɛ Nyam. Toibolɔi kɛ sanegbaa ni damɔ Our Ministry wolo lɛ, baafai 81-3 lɛ nɔ. Bi saji nɛɛ koni okɛma saji otii lɛ anɔ mi: (1) Mɛɛ sɛɛnamɔi wɔnaa kɛ́ wɔnyiɛ Yesu nɔkwɛmɔnɔ lɛ sɛɛ? (2) Te wɔ gbɛnaa nii akɛ wɔshiɛ lɛ he hiaa ha tɛŋŋ? (3) Mɛni kanya wɔ koni wɔjɔɔ wɔ wala nɔ wɔha Yehowa? (4) Mɛɛ subaŋ nɛkɛ ataoɔ kɛ́ mɔ ko aaasɔmɔ Nyɔŋmɔ? (5) Mɛni wɔbaanyɛ wɔkase kɛjɛ gbɛ nɔ ni Yesu tsɔɔ nɔ eshiɛɔ lɛ mli?
Lala 121 kɛ naagbee sɔlemɔ.