Sɔɔmɔ Kpeei Kɛha October
Otsi ni Jeɔ Shishi October 6
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Okɛ “Te Wɔtee nɔ Wɔha Tɛŋŋ yɛ June?” lɛ afata he.
15 min: “Ani Gbɔmɛi Fɛɛ Baasumɔ Amɛhe Gbi Ko?” Sanebimɔi kɛ hetooi. Tĩi Maŋtsɛyeli Sanekpakpa No. 35 mli saji otii lɛ amli. Tsɔɔmɔ yiŋtoi ahewɔ ni mɛi ni yɔɔ shikpɔŋkuku lɛ mli lɛ baaná sane nɛɛ he sɛɛ. Maa bɔ ni ehe hiaa koni ato gbɛjianɔi amrɔ nɛɛ ni akɛ he awo ejaa mli kwraa kɛmɔ shi, kɛ ekãa ni aaafee kɛdi miishɛɛ fɛɛ ni aná lɛ sɛɛ lɛ nɔ mi.
20 min: “Nyɛjaa Maŋtsɛyeli Sanekpakpa No. 35 lɛ Waa Diɛŋtsɛ.” Shishijee wiemɔ ni sɔɔmɔ nitsumɔ nɔkwɛlɔ kɛbaaha. Atsu kukuji 5-8 lɛ he nii kɛtsɔ sanebimɔi kɛ hetooi anɔ. Tĩi gbɛjianɔi ni nyɛ asafo lɛ toɔ kɛha nitsumɔ babaoo lɛ mli. Atsɔɔ gbɛ̀i ni aaatsɔ nɔ koni akwɛ ni atsu shikpɔŋkuku lɛ fɛɛ mli nii. Shiɛlɔi baanyɛ amɛkɛ Maŋtsɛyeli Sanekpakpa No. 35 lɛ atsu nii beni amɛyeɔ mɛi odase yɛ hei ni bɔs wáa yɛ lɛ, nitsumɔhei bibii amli, yɛ tsɔnei amaamɔhei, kɛ hei krokomɛi. Okɛ gbɛtsɔɔmɔi ni tsɔɔ bɔ ni aaafee aye abua mɛi heei ni sumɔɔ ni amɛbɔi shiɛmɔ nitsumɔ lɛ aha. Okɛ nɔ ni aŋma ahɔ April 1995 Wɔ Maŋtsɛyeli Sɔɔmɔ lɛ mli lɛ kuku 11 lɛ mli saji afata he. Yɛ shikpɔŋkukuji komɛi amli lɛ, ebaafee nɔ ni sɛɛnamɔ yɔɔ he akɛ mɔ kome too aaatsu mli nii ni ehiɛɛɛ shiɛmɔyaa baagi beni ejaa Maŋtsɛyeli Sanekpakpa lɛ. Ha afee shiɛmɔ wiemɔi kukuji enyɔ loo etɛ he nɔkwɛmɔnii.
Lala 126 kɛ naagbee sɔlemɔ.
Otsi ni Jeɔ Shishi October 13
12 min: Asafoŋ adafitswai. Shika he akɔntaabuu. Tĩi saji otii ni yɔɔ Buu-Mɔɔ kɛ Awake! heei lɛ amli lɛ mli. Kaimɔ mɛi fɛɛ akɛ, yɛ otsi lɛ naagbee nitsumɔ lɛ mli lɛ, abaaha ashɛ woji tɛtrɛbii lɛ kɛfata Maŋtsɛyeli Sanekpakpa No. 35 lɛ jaa he. Esa akɛ wɔdi miishɛɛ fɛɛ ni abaaná lɛ sɛɛ.
15 min: Asafoŋ hiamɔ nii.
18 min: “Mɛni Ofeɔ yɛ Shikpilikpii ni Afeɔ lɛ He?” Onukpai enyɔ ateŋ sanegbaa. Okɛ wiemɔi ni yɔɔ saneyitso bibioo ni ji “How You Can Attack Apathy” (Bɔ ni Ooofee Ote Shi Owo Shikpilikpiifeemɔ) lɛ mli ni yɔɔ July 15, 1974 Watchtower lɛ baafai 445-6 lɛ mli saji afata he.
Lala 130 kɛ naagbee sɔlemɔ.
Otsi ni Jeɔ Shishi October 20
15 min: Asafoŋ adafitswai. Tĩi 1996 Yearbook lɛ baafai 6-8 lɛ mli niiashikpamɔi komɛi ni damɔ “Global Distribution of Kingdom News” (Maŋtsɛyeli Sanekpakpa lɛ Jaa yɛ Jeŋ Fɛɛ) lɛ nɔ lɛ mli. Tsɔɔmɔ mɔdɛŋ ni shiɛlɔi aŋkroaŋkroi bɔ yɛ nyɛsɛɛ nɛɛ Maŋtsɛyeli Sanekpakpa lɛ jaa mli. Wo mɛi fɛɛ hewalɛ ni amɛkɛ amɛhe awo Maŋtsɛyeli Sanekpakpa No. 35 lɛ jaa mli kwraa kɛmɔ shi.
15 min: Nyɛyaa Hei ni Gbɔmɛi lɛ Yɔɔ. Enɛ efee nɔ ko ni kanyaa wɔshiɛmɔ nitsumɔ lɛ yɛ afi ni ho lɛ mli. Nɔ ni yɔɔ nifeemɔ gbɛ hee nɛɛ mli ji gbɛ̀i kpakpai ni aaatsɔ nɔ aye gbɔmɛi ni yɔɔ he fɛɛ he lɛ odase—yɛ amɛ nitsumɔhei, bɔs kɛ oketeke maamɔhei, yɛ gbɛjegbɛ nɔ, yɛ jara nɔ, yɛ shwɛmɔhe. (Okɛto Romabii 15:20-23 he.) Nyɛgbaa niiashikpamɔi ni nyɛyɔɔ ni tsɔɔ nibii kpakpai ni ejɛ nifeemɔ gbɛ nɛɛ mli kɛba lɛ ahe saji. Abaanyɛ akɛ 1997 Yearbook lɛ baafai 42-48 lɛ mli niiashikpamɔi afata he.
15 min: “Ani Oji Be-Fɛɛ Odasefonyo?” Wiemɔ ni onukpa kɛbaaha.
Lala 133 kɛ naagbee sɔlemɔ.
Otsi ni Jeɔ Shishi October 27
12 min: Asafoŋ adafitswai. Tĩi bɔ ni Maŋtsɛyeli Sanekpakpa No. 35 lɛ jaa lɛ yaa nɔ ehaa lɛ mli. Ha toibolɔi agba niiashikpamɔi ni woɔ mɔ hewalɛ he sane amɛtsɔɔ. Bɔɔ amaniɛ ni tsɔɔ he ni atsu shikpɔŋkuku lɛ mli nii kɛyashi bianɛ, kɛ nɔ ni he baahia ni akɛgbe ejaa naa dani November 16 aho. Kɛ atsu shikpɔŋkuku lɛ mli nii agbe naa nɔŋŋ lɛ, wɔkɛ Nilee wolo lɛ baatsu nii yɛ nyɔŋ lɛ fã ni eshwɛ lɛ mli. Maa oti ni ma hiɛ akɛ aaaje nikasemɔi ashishi yɛ sɛɛsaramɔi amli yɛ hei ni ahere Maŋtsɛyeli Sanekpakpa lɛ nɔ jogbaŋŋ yɛ lɛ nɔ mi.
15 min: Bɔ ni Ooofee Oná Hiɛnɔkamɔ yɛ Nijiaŋwujee Mli. Wiemɔ ni onukpa kɛbaaha ni damɔ May 15, 1997 Buu-Mɔɔ lɛ baafai 22-5 lɛ nɔ.
18 min: Ha Ola lɛ Atso. Wiemɔ kɛ sanegbaa ni damɔ Our Ministry wolo lɛ baafai 84-8 lɛ nɔ. Too gbɛjianɔ kɛtsɔ hiɛ koni oha shiɛlɔi awie saji pɔtɛɛ ni kɔɔ sanebimɔi ni nyiɛ sɛɛ nɛɛ ahe: (1) Mɛni hewɔ Yehowa Odasefoi shiɛɔ yɛ shia kɛ shia lɛ? (2) Akɛ nifeemɔ gbɛ nɛɛ tsu nii yɛ klɛŋklɛŋ afii oha lɛ mli kɛyashɛ nɛgbɛ? (3) Mɛni hewɔ eji hiamɔ ni yɔɔ akɛ aaaya nɔ ashiɛ yɛ shia kɛ shia ŋmɛnɛ lɛ? (4) Mɛɛ shihilɛi baanyɛ aha efee nɔ ni wa akɛ wɔkɛ wɔhe aaawo shiɛmɔ nitsumɔ lɛ mli daa? (5) Te wɔɔfee tɛŋŋ wɔná yelikɛbuamɔ bɔni afee ni wɔya nɔ wɔtsu? (6) Mɛɛ gbɛ nɔ ajɔɔ wɔ yɛ, yɛ wɔla ni wɔhaa etsoɔ lɛ hewɔ? (7) Mɛni wɔbaanyɛ wɔfee koni wɔye omanye babaoo yɛ mɛi aŋɔɔ ni wɔyaa lɛ mli? Ha shiɛlɔi etɛ loo ejwɛ atsɔɔ mli kɛtsɔ niiashikpamɔi ni woɔ mɔ hewalɛ, ní amɛná mli ŋɔɔmɔ beni amɛtsuɔ nii yɛ shwapoi anaa loo beni amɛfeɔ gbɛjegbɛ nɔ odaseyeli lɛ he sane ni amɛaagba lɛ nɔ.
Lala 136 kɛ naagbee sɔlemɔ.