Sɔɔmɔ Kpeei Kɛha September
Otsi ni Jeɔ Shishi September 7
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Atĩ saneyitso ni ji, “Ŋaawoo Ko” ni yɔɔ akrabatsa lɛ mli lɛ mli.
15 min: “Wɔbaanyɛ Wɔtsu Nitsumɔi Wuji.” Sanebimɔi kɛ hetooi. Wo mɛi fɛɛ hewalɛ koni amɛkɛ otii ni sa ama amɛhiɛ kɛha sɔɔmɔ afi hee lɛ, ni amɛtsu nii waa koni amɛshɛ he.—Kwɛmɔ Our Ministry wolo lɛ, baafai 116-118.
20 min: “Gbɛgbalɔi Yeɔ Buaa Mɛi Krokomɛi.” Onukpa ko tsɔɔ mli akɛ, kɛfata tsɔsemɔ ni akɛhaa yɛ Teokrase Sɔɔmɔ Skul lɛ mli lɛ he lɛ, ato gbɛjianɔi srɔtoi kɛha gbɛgbalɔi kɛ mɛi ni egbe Sɔɔmɔ Tsɔsemɔ Skul lɛ naa lɛ koni amɛye amɛbua mɛi krokomɛi yɛ shiɛmɔ nitsumɔ lɛ mli. Ebibii saji ni damɔ nikasemɔ lɛ nɔ, ni efɔ̃ toibolɔi lɛ anine koni amɛha hetoo, titri lɛ, kɛjɛ gbɛgbalɔi kɛ shiɛlɔi ni kɛ amɛhe ewo gbɛjianɔtoo lɛ mli lɛ. Asusu bɔ ni aaafee ni nine ashɛ nɔ ni fe fɛɛ kɛjɛ mli lɛ he. Gbɛgbalɔi lɛ baanyɛ atsɔɔ bɔ ni amɛná mɛi krokomɛi ni amɛyeɔ amɛbuaa amɛ lɛ he miishɛɛ kɛ sɛɛnamɔi ni amɛná lɛ hu. Shiɛlɔi ni aye abua amɛ lɛ baanyɛ atsɔɔ bɔ ni amɛhiɛ sɔɔ nɛkɛ gbɛjianɔtoo ni suɔmɔ yɔɔ mli nɛɛ, ni amɛtsĩ otii komɛi ni eye ebua amɛ ni eha amɛye omanye ni amɛna miishɛɛ yɛ shiɛmɔ nitsumɔ lɛ mli lɛ tã.
Lala 172 kɛ naagbee sɔlemɔ.
Otsi ni Jeɔ Shishi September 14
Lala 160
10 min: Asafoŋ adafitswai. Shika he akɔntaabuu.
15 min: Mɛni Nyɔŋmɔ Taoɔ yɛ Wɔdɛŋ? Wiemɔ ni akɛbaaha. Wɔbaaje wolo bibioo nɛɛ kasemɔ shishi wɔsɛɛ otsi yɛ woloŋ nikasemɔ lɛ shishi. Wo mɛi fɛɛ hewalɛ ni amɛtsɔ hiɛ amɛsaa amɛhe, ni amɛba emli eko fɛɛ eko, bɔni afee ni amɛle nibii ni yɔɔ wolo bibioo lɛ mli lɛ jogbaŋŋ, koni amɛkase bɔ ni afeɔ akɛ mɛi krokomɛi kaseɔ lɛ ahaa lɛ he nii. Akane kuku ni yɔɔ “Bɔ ni Okɛ Wolo Bibioo Nɛɛ Aaatsu Nii Aha” lɛ shishi lɛ. Okɛ sane ni yɔɔ January 15, 1997 Buu-Mɔɔ lɛ baafai 16-17 lɛ atsu nii ni okɛma bɔ ni ehe hiaa ni akɛ sanebimɔi, ŋmalɛi, kɛ mfonirii ni yɔɔ wolo bibioo lɛ mli lɛ atsu nii lɛ nɔ mi. Esa akɛ woloŋ nikasemɔ nɔkwɛlɔi lɛ afee mɛi ni feɔ Biblia nikasemɔi he nɔkwɛmɔnɔ kpakpa, kɛtsɔ wiemɔi ni amɛwieŋ pii tsɔ, kɛ saji krokomɛi ni amɛkɛfataaa he lɛ nɔ.—Kwɛmɔ Wɔ Maŋtsɛyeli Sɔɔmɔ July 1996, baafa 3, kuku 5 lɛ.
20 min: Te Wɔtee nɔ Wɔha Tɛŋŋ Nyɛsɛɛ Afi Lɛ? Asafo woloŋmalɔ lɛ kɛ sɔɔmɔ nitsumɔ nɔkwɛlɔ lɛ atĩ asafo lɛ sɔɔmɔ akɔntaabuu, kɛ kpee baa yibɔ kɛha afi ni ho lɛ mli. Amɛtsɔɔ hei ni woɔ mɔ hewalɛ ni yɔɔ akɔntaabuu lɛ mli lɛ, ni amɛtsɔɔ hei ni abaanyɛ aya hiɛ yɛ lɛ. Ani shiɛlɔi fɛɛ ji mɛi ni kɛ amɛhe wo shiɛmɔ nitsumɔ lɛ mli August? Atsɔɔ otii ni onukpai kɛ amɛjwɛŋmɔ baafɔ̃ nɔ yɛ nyɔŋ ni baa lɛ mli, ni mɛi krokomɛi fɛɛ ni aaaye abua amɛ koni amɛtsɔmɔ daa gbɛgbalɔi lɛ hu fata he. Ha ale otii ni sa ni kpokpaa nɔkwɛlɔ lɛ kɛha nyɛsɛɛ lɛ.
Lala 144 kɛ naagbee sɔlemɔ.
Otsi ni Jeɔ Shishi September 21
10 min: Asafoŋ adafitswai. Teokrase lɛ He Saji.
15 min: “Nuntsɔ lɛ Nibii Anɔkwɛmɔ.” Wiemɔ ni onukpa ko kɛbaaha, ni baakɔ saji ni yɔɔ nɔ ni aŋma ahɔ mli lɛ he.
20 min: “Nyɛlea Nyɛnyɛmimɛi Lɛ.” Sanebimɔi kɛ hetooi. Okɛ saji ni yɔɔ October 1, 1988 Watchtower lɛ, baafai 10-11 lɛ afata he. Wo mɛi fɛɛ hewalɛ koni amɛtsɔ hiɛ amɛle mɛi krokomɛi jogbaŋŋ.
Lala 34 kɛ naagbee sɔlemɔ.
Otsi ni Jeɔ Shishi September 28
12 min: Asafoŋ adafitswai. Kaimɔ mɛi fɛɛ koni amɛkɛ amɛshiɛmɔ nitsumɔ lɛ he akɔntaabuu kɛha September aha. Wo mɛi fɛɛ hewalɛ koni amɛto gbɛjianɔ ni amɛfee babaoo yɛ shia-kɛ-shia nitsumɔ lɛ mli yɛ October koni amɛha woji tɛtrɛbii ni amɛkɛhaa lɛ aya hiɛ. Tsɛ October 1996 Wɔ Maŋtsɛyeli Sɔɔmɔ lɛ baafa 8 lɛ yisɛɛ kɛha ŋaawoo ni kɔɔ bɔ ni asaa he kɛha shiɛmɔ wiemɔ lɛ he. Akɛ woji tɛtrɛbii heei ni yɔɔ lɛ afee bɔ ni akɛhaa lɛ he nɔkwɛmɔnɔ, koni atsɔɔ gbɛ ni abaanyɛ atsɔ nɔ atsɔɔ eshɛɛ he gbɛjianɔtoo lɛ mli aha shiatsɛmɛi lɛ. Hemɔ woji tɛtrɛbii lɛ eko kɛha otsi lɛ naagbee mli nitsumɔ.
20 min: “Nɔkwɛlɔi ni Nyiɛɔ Hiɛ—Sɔɔmɔ Nitsumɔ Nɔkwɛlɔ Lɛ.” Wiemɔ ni sɔɔmɔ nitsumɔ nɔkwɛlɔ lɛ kɛbaaha. Yɛ be mli ni etĩ nii ni etsuɔ lɛ mli lɛ sɛɛ lɛ, etsɔɔ gbɛ diɛŋtsɛ ni asafo lɛ baanyɛ atsɔ nɔ amɛkɛ lɛ afee ekome koni amɛha nii ni etsuɔ lɛ amɔ shi jogbaŋŋ yɛ shiɛmɔ ni amɛshiɛɔ yɛ he ni amɛyɔɔ lɛ mli.
13 min: Mɛni Haa Mɔ ko Bafeɔ Asafoŋ Shiɛlɔ Kpakpa? Wiemɔ, kɛ agbɛnɛ toibolɔi kɛ sanegbaa. Ehe ehiaaa ni ená nyɛmɔ loo nilee ni nɔ kwɔ waa; shi moŋ asumɔɔ waa akɛ wɔ fɛɛ wɔjɛ wɔsuɔmɔ mli, ni wɔjie suɔmɔ, heshibaa, ekãa, kɛ hiɛsɔɔ kpo wɔtsɔɔ. Bi toibolɔi lɛ ni amɛtsɔɔ yiŋtoo hewɔ ni saji ni nyiɛ sɛɛ nɛɛ sa lɛ mli: (1) miishɛɛ mumɔ, (2) kpeeiyaa daa, kɛ he ni akɛwoɔ kpeei lɛ amli, (3) suɔmɔ mli ni ajɛɔ akpɛlɛɔ nitsumɔi anɔ ni atsuɔ hu, (4) onukpai kɛ gbɛjianɔi ni ato kɛha asafo lɛ ni akɛaafee ekome, (5) anɔkwale mli ni ajɛɔ asusuɔ mɔ he yɛ yelikɛbuamɔ ni akɛhaa mɛi krokomɛi lɛ amli, kɛ (6) he ni akɛwoɔ shiɛmɔ nitsumɔ lɛ mli daa, kɛ akɔntaabuu ni akɛhaa oya daa nyɔŋ.
Lala 25 kɛ naagbee sɔlemɔ.