Buu-Mɔɔ INTANƐT NƆ WOJIATOOHE
Buu-Mɔɔ
INTANƐT NƆ WOJIATOOHE
Ga
@
  • ɛ
  • ɔ
  • ɛ́
  • ɛ̃
  • ɔ̃
  • ã
  • ŋ
  • á
  • BIBLIA
  • WOJI
  • ASAFOŊ KPEEI
  • km 12/98 bf. 1
  • Amɛbaanyɛ Amɛna akɛ Wɔyɛ Srɔto

Vidio ko bɛ kɛhã nɔ ni ohala nɛɛ.

Ofainɛ waa, be ni wɔtaoɔ wɔjie vidio lɛ, wɔná naagba ko.

  • Amɛbaanyɛ Amɛna akɛ Wɔyɛ Srɔto
  • Wɔ Maŋtsɛyeli Sɔɔmɔ—1998
  • Saji Ni Tamɔ Enɛ
  • Ni Wɔɔkpa Yibii Yɛ Wɔ Aŋkroaŋkro Mɔdɛŋbɔɔ Lɛ Naa
    Wɔ Maŋtsɛyeli Sɔɔmɔ—1991
  • Shɛɛ Sane ni Esa akɛ Wɔjaje
    Ná Teokrase Sɔɔmɔ Skul Tsɔsemɔ lɛ He Sɛɛ
  • Yehowa Ni Kudɔɔ Asafo Lɛ
    Buu-Mɔɔ Eetswa Yehowa Maŋtsɛyeli He Adafi (Nikasemɔ Nɔ)—2020
  • Kristofoi Jáa yɛ Mumɔ kɛ Anɔkwale Mli
    Buu-Mɔɔ Eetswa Yehowa Maŋtsɛyeli He Adafi—2002
Kwɛmɔ Ekrokomɛi Hu
Wɔ Maŋtsɛyeli Sɔɔmɔ—1998
km 12/98 bf. 1

Amɛbaanyɛ Amɛna akɛ Wɔyɛ Srɔto

1 Nyɛsɛɛ afi lɛ, mɛi heei ni fe 300,000 bafata wɔhe kɛtsɔ baptisimɔ nɔ. Mɛni ji nɔ ni nɛkɛ gbɔmɛi nɛɛ ena yɛ Yehowa Odasefoi ahe ni no haa amɛsumɔɔ koni amɛbafee Nyɔŋmɔ gbɛjianɔtoo lɛ fã lɛ? Mɛni hewɔ esoro wɔ kwraa yɛ jamɔi krokomɛi fɛɛ he lɛ? Naa hetooi komɛi ni yɔɔ faŋŋ:

—Wɔkɛ wɔhe kpɛtɛɔ Biblia lɛ he moŋ fe wɔ diɛŋtsɛ wɔsusumɔi: Wɔjaa Yehowa Nyɔŋmɔ yɛ “mumɔ kɛ anɔkwale mli,” taakɛ bɔ ni Yesu Kristo kɛɛ afee lɛ. Enɛ tsɔɔ apasa jamɔ mli nifeemɔi akpoomɔ kɛ Nyɔŋmɔ Wiemɔ ni aŋma lɛ kɛ nitsumɔ.​—⁠Yoh. 4:​23, 24; 2 Tim. 3:​15-​17.

—Wɔyaa gbɔmɛi aŋɔɔ moŋ fe ni wɔɔmɛ ni amɛba wɔŋɔɔ: Wɔkpɛlɛɔ Kristo nitsumɔ akɛ wɔshiɛ ni wɔtsɔɔ nii lɛ nɔ, ni wɔkaseɔ enɔkwɛmɔnɔ ni ji mɛi ni hiɛ anɔkwa tsui lɛ ataomɔ. Wɔtaoɔ amɛ yɛ amɛshiai amli, yɛ gbɛjegbɛ nɔ, loo yɛ he fɛɛ he ni abaanyɛ ana amɛ yɛ.​—⁠Mat. 9:​35; 10:11; 28:​19, 20; Bɔf. 10:⁠42.

—Wɔkɛ Biblia mli tsɔsemɔ haa mɔ fɛɛ mɔ ni wɔheee nɔ ko: Wɔkɛ nii ni wɔyɔɔ kɛ wɔhewalɛ tsuɔ nii yaka, ni wɔkɛ ŋmɛlɛtswai ni fe akpekpei akpe kome woɔ Nyɔŋmɔ sɔɔmɔ lɛ mli daa afi. Wɔkɛ gbɔmɛi srɔtoi fɛɛ kaseɔ Biblia lɛ ní wɔkwɛɛɛ hiɛaŋ.​—⁠Mat. 10:8; Bɔf. 10:​34, 35; Kpoj. 22:⁠17.

—Átsɔse wɔ jogbaŋŋ koni wɔye wɔbua mɛi yɛ mumɔŋ: Kɛtsɔ Biblia mli teemɔŋ nikasemɔ ni wɔfeɔ kɛ tsɔsemɔ ni akɛhaa yɛ asafoŋ kpeei, kpeei bibii, kɛ kpeei wuji ashishi lɛ nɔ lɛ, wɔnine shɛɔ teokrase tsɔsemɔ ni jara wa, ní yaa nɔ daa, ni yeɔ ebuaa wɔ koni wɔnyɛ wɔhɛle mɛi krokomɛi ashi yɛ mumɔŋ lɛ nɔ.​—⁠Yes. 54:13; 2 Tim. 2:​15; 1 Pet. 3:​15.

—Wɔhiɛ dɔɔ yɛ anɔkwale lɛ he, ni wɔkɛtsuɔ nii yɛ wɔshihilɛi amli daa: Suɔmɔ ni wɔyɔɔ kɛha Nyɔŋmɔ hewɔ lɛ, wɔfeɔ tsakemɔi, ni wɔhãa wɔshihilɛi kɛ esuɔmɔnaa nii kpãa gbee. Wɔjeŋba hee ni tamɔ Kristo nɔ lɛ gbalaa mɛi krokomɛi kɛbaa anɔkwale lɛ he.​—⁠Kol. 3:​9, 10; Yak. 1:​22, 25; 1 Yoh. 5:⁠3.

—Wɔbɔɔ mɔdɛŋ ni wɔkɛ mɛi krokomɛi ahi shi ni wɔkɛ amɛ atsu nii yɛ toiŋjɔlɛ mli: Sui ni Nyɔŋmɔ gbeyeishemɔ yɔɔ mli ni wɔnaa lɛ yeɔ ebuaa wɔ koni wɔbu wɔnifeemɔi kɛ wɔwiemɔi ahe. ‘Wɔtaoɔ’ wɔkɛ mɛi fɛɛ ateŋ ‘toiŋjɔlɛ ni wɔnyiɛɔ no sɛɛ.’​—⁠1 Pet. 3:​10, 11; Efe. 4:​1-3.

2 Kristofoi ashihilɛ he nɔkwɛmɔnii ni gbɔmɛi naa yɛ Yehowa gbɛjianɔtoo lɛ mli lɛ kanyaa mɛi babaoo ni amɛkpɛlɛɔ anɔkwale lɛ nɔ. Eba akɛ wɔ diɛŋtsɛ wɔnɔkwɛmɔnɔ lɛ baaná hewalɛ ni tamɔ nakai nɔŋŋ yɛ mɛi ni le wɔ ní amɛyɔseɔ wɔ lɛ anɔ.

    Ga Woji (1980-2025)
    Shi Mli
    Botemɔ Mli
    • Ga
    • Kɛmaje
    • Bɔ Ni Misumɔɔ Lɛ Mihãa
    • Copyright © 2025 Watch Tower Bible and Tract Society of Pennsylvania
    • Mlai Ni Yɔɔ He
    • Ohe Saji
    • Ohe Saji Lɛ Ahe Gbɛjianɔtoo
    • JW.ORG
    • Botemɔ Mli
    Kɛmaje