Sɔɔmɔ Kpeei Kɛha April
Otsi ni Jeɔ Shishi April 5
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Tĩi “Ani Wɔkɛ Creator Wolo lɛ Aha? lɛ Mli” Fɔ̃ɔ mɛi fɛɛ ni yɔɔ wiemɔ lɛ he miishɛɛ lɛ nine koni amɛbabo maŋshiɛmɔ krɛdɛɛ ni abaaha yɛ April 18 lɛ toi. Wiemɔ lɛ yitso ji, “Anɔkwa Naanyobɔɔ ní akɛ Nyɔŋmɔ kɛ Naanyo Gbɔmɔ Aaaná.”
15 min: “Okɛ Miishɛɛ Ashiɛ Sanekpakpa Lɛ.” Okɛ nɔ ni shɛɛɛ miniti kome akpa sane lɛ hiɛ, ni okɛ sanebimɔ kɛ hetoo anyiɛ sɛɛ. Okɛ ekãawoo ni yɔɔ School Guidebook lɛ baafã 191-192, kukuji 12-13 lɛ mli lɛ amu sane lɛ naa.
20 min: “Bɔ ni Weku Mli Bii Feɔ Ekome Koni Amɛná Mli Gbɛfaŋnɔ Kɛmɔ Shi—Yɛ Sɔɔmɔ Nitsumɔ lɛ Mli.” Sanegbaa ni baakã weku mli bii ateŋ. Tsɔɔmɔ yiŋtoi ahewɔ ni esa akɛ weku lɛ mli bii fɛɛ abu shiɛmɔ nitsumɔ lɛ akɛ eji nifeemɔ ko ni esa akɛ amɛkɛ amɛhe awo mli daa otsi lɛ mli. Tĩi ekãawoo ni akɛha yɛ September 1, 1993 Buu-Mɔɔ baafãi 17-19, kukuji 9-12 lɛ mli. Tsɛ́ fɔlɔi kɛjɛ toibolɔi lɛ ateŋ koni amɛtsɔɔ bɔ ni amɛfeɔ amɛyeɔ omanye yɛ weku lɛ he gbɛjianɔtoo kɛha daa otsi sɔɔmɔ nitsumɔ ni amɛkɛ amɛhe aaawo mli lɛ mli.
Lala 67 kɛ naagbee sɔlemɔ.
Otsi ni Jeɔ Shishi April 12
10 min: Asafoŋ adafitswai. Shika he akɔntaabuu.
15 min: Asafoŋ hiamɔ nii.
20 min: “Odaseyeli Nitsumɔ lɛ ní Wɔɔwo Mli Hewalɛ Beni Naagbee lɛ Bɛŋkɛɔ Nɛɛ.” Sanebimɔi kɛ hetooi. Bi shiɛlɔ kome loo enyɔ ni susuko dã akɛ amɛbaanyɛ amɛkɛ amɛhe awo shiɛmɔ nitsumɔ lɛ mli, shi amrɔ nɛɛ amɛmiifee nakai daa gbi, ejaakɛ amɛbana bɔ ni ehe hiaa ni agbɛ Maŋtsɛyeli shɛɛ sane lɛ ashwã lɛ saji. Kɛ́ be aaaŋmɛ gbɛ lɛ, no lɛ okɛ niiashikpamɔi ni yɔɔ 1997 Yearbook lɛ baafai 42-48 lɛ afata he, ni otsɔɔ bɔ ni shiɛlɔi kɛ amɛhe ewo odaseyeli nitsumɔ lɛ mli waa lɛ kɛtsɔ mɛi aŋɔɔ ni amɛyaa yɛ he fɛɛ he ni amɛaana amɛ yɛ lɛ nɔ.
Lala 93 kɛ naagbee sɔlemɔ.
Otsi ni Jeɔ Shishi April 19
5 min: Asafoŋ adafitswai.
10 min: “Ani Oyɛ Woji Tɛtrɛbii lɛ Yibɔ ko ni Oheɔ Daa?” Wiemɔ ni kɛ aaahi lɛ onukpa loo asafoŋ sɔɔlɔ ni kwɛɔ woji tɛtrɛbii anɔ lɛ kɛbaaha. Ha asafo lɛ ale woji tɛtrɛbii abɔ ni nine shɛɔ nɔ daa nyɔŋ kɛ bɔ ni kɛ abua naa ni aja mli lɛ akɛhaa yɛ maŋ lɛ mli ni abuɔ he akɔntaa. Esaaa ni wɔhaa woji tɛtrɛbii lɛ feɔ efolo. Okɛ ŋaawoo ni tsɔɔ bɔ ni abaanyɛ akɛ ememeji ni ayɔɔ lɛ aha.—Kwɛmɔ August 1993 Wɔ Maŋtsɛyeli Sɔɔmɔ lɛ baafa 1 lɛ mli.
30 min: “Gbɛgbamɔ—Wɔbe ni Wɔkɛtsuɔ Nii yɛ Nilee Mli!” Sanebimɔi kɛ hetooi. Ha mɛi srɔtoi etɛ agba niiashikpamɔi ni akɛha yɛ kukuji 5-7 lɛ mli lɛ he sane. Okɛ ninefɔɔ koni mɛi fɛɛ ni baanyɛ lɛ asusu amɛhe ni amɛkɛaawo gbɛgbalɔi awalɔ loo daa gbɛgbamɔ nitsumɔ lɛ mli lɛ amu sane lɛ naa. Nine baanyɛ ashɛ woji ni akɛbiɔ gbɛ lɛ nɔ kɛjɛ Asafoŋ Sɔɔmɔ Ajinafoi Akuu lɛ ateŋ mɔ ko ŋɔɔ. Tsĩi tã akɛ, ekpeko sɛɛ tsɔ akɛ akɛ gbɛbimɔ wolo aaaha kɛha gbɛgbalɔi awalɔ nitsumɔ lɛ ni akɛ he aaawo mli yɛ May mli.
Lala 165 kɛ naagbee sɔlemɔ.
Otsi ni Jeɔ Shishi April 26
10 min: Asafoŋ adafitswai. Kaimɔ mɛi fɛɛ koni amɛkɛ amɛ April shiɛmɔyaa he akɔntaabuu aha. Tsɛ́ mɛi ni kɛ amɛhe baawo gbɛgbalɔi awalɔ nitsumɔ lɛ mli yɛ May lɛ agbɛi, koni owo mɛi krokomɛi hewalɛ ni amɛkɛ amɛhe awo mli. Okɛ yelikɛbuamɔ he ŋaawoi ni tsɔɔ bɔ ni aaafee ni akɛ woji tɛtrɛbii heei baaha lɛ aha.—Kwɛmɔ October 1996 Wɔ Maŋtsɛyeli Sɔɔmɔ lɛ baafa 8 lɛ mli.
17 min: “Mɛni Esa akɛ Mafee?” Kɛ okɛ toibolɔi lɛ tĩ sane lɛ mli kuku sɛɛ lɛ, kwɛmɔ gbekɛ ni eye kɛjɛ afii nyɔŋma kɛ etɛ kɛyaa ni kɛ efɔlɔ miisusu gbɛjianɔtoo kɛha wɔsɛɛ yɛ be mli ni egbe nɔtsamɔ skul naa lɛ he. Amɛ fɛɛ amɛtĩ July 1998 Wɔ Maŋtsɛyeli Sɔɔmɔ lɛ baafa 4 lɛ mli. Fɔlɔ lɛ kɛ ŋaawoo ni kɛ hewalɛwoo ni yɔɔ February 1, 1996 Buu-Mɔɔ lɛ baafa 14 lɛ, kɛ December 1, 1996 baafai 17-19 lɛ ha. Amrɔ nɛɛ ni atse gbɛgbamɔ ŋmɛlɛtswai ni ataoɔ lɛ anɔ nɛɛ lɛ, gbekɛ ni eye kɛjɛ afii nyɔŋma kɛ etɛ kɛyaa lɛ baanyɛ asusu gbɛgbamɔ nitsumɔ lɛ ni ekɛ ehe aaawo mli yɛ be mli ni egbe skul naa lɛ he.
18 min: Bi Gbɛgbalɔi Awalɔi Saji. Sɔɔmɔ nɔkwɛlɔ lɛ bibii shiɛlɔi komɛi ni kɛ amɛhe ewo gbɛgbalɔi awalɔ nitsumɔ lɛ mli yɛ nyɔŋ nɛɛ mli, kɛ mɛi krokomɛi hu ni efee nakai yɛ be ni eho lɛ mli lɛ saji. Ha ni amɛwie jɔɔmɔi komɛi ni amɛná mli ŋɔɔmɔ lɛ ekomɛi ahe, nɔ ni amɛnyɛ amɛtsu, kɛ nɔ hewɔ ni amɛbaasumɔ ni amɛsaa amɛkɛ amɛhe awo gbɛgbalɔi awalɔ nitsumɔ lɛ mli ekoŋŋ, kɛ hoo lɛ, shikome loo shii enyɔ yɛ afi mli.
Lala 69 kɛ naagbee sɔlemɔ.