Sɔɔmɔ Kpee He Gbɛjianɔtoo
Otsi ni Jeɔ Shishi March 13
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
15 min: “Wɔshiɛɔ Sanekpakpa.” Okɛ nɔ ni shɛɛɛ miniti kome akpa hiɛ, ni okɛ sanebimɔ kɛ hetoo anyiɛ sɛɛ. Okɛ Ŋmalɛ mli saji otii ni ja ni yɔɔ Nilee wolo lɛ mli ni abaanyɛ akɛtsu nii yɛ be mli ni akɛhaa yɛ shiɛmɔ nitsumɔ lɛ mli lɛ he nɔkwɛmɔnɔ aha.
20 min: “Ani Wɔbaanyɛ Wɔha April 2000 Afee Nyɔŋ ni Hi Fe Fɛɛ?” (Kukuji 1-11) Sanebimɔi kɛ hetooi. Tsɔɔmɔ gbɛgbalɔi awalɔi ayifalɛ ni fe fɛɛ ni yɔɔ asafo lɛ mli yɛ nyɛsɛɛ nɛɛ akɔntaabuu lɛ mli. Ha amɛteŋ mɛi komɛi ni fata nakai yibɔ lɛ he lɛ atsɔɔ sɛɛnamɔi ni amɛná kɛjɛ shiɛmɔ nitsumɔ lɛ ni amɛná mli gbɛfaŋnɔ kɛtee hiɛ lɛ mli. Wo asafo lɛ hewalɛ koni amɛtsu nii ni amɛná gbɛgbalɔi awalɔi ayifalɛ ni fe fɛɛ yɛ April mli. Tĩi hesaai ni abiɔ ni atsɔɔ yɛ Our Ministry wolo lɛ baafai 113-114 lɛ mli. Shiɛlɔi ni sumɔɔ ni amɛkɛ amɛhe awo gbɛgbalɔi awalɔ nitsumɔ lɛ mli lɛ baanyɛ ahe gbɛbimɔ wolo kɛ́ agbe kpee lɛ naa.
Lala 187 kɛ naagbee sɔlemɔ.
Otsi ni Jeɔ Shishi March 20
10 min: Asafoŋ adafitswai. Shika he akɔntaabuu.
15 min: “Mɛni Manyɛ Mafee?” Woloŋ nikasemɔ nɔkwɛlɔ kɛ asafoŋ sɔɔlɔ kome loo enyɔ agba nikasemɔ lɛ he sane. Yɛ gbɛtsii nii komɛi ahewɔ lɛ, ekolɛ shiɛlɔi komɛi baasusu akɛ nɔ ni amɛfeɔ ni amɛkɛfĩɔ asafo lɛ nitsumɔ lɛ sɛɛ lɛ faaa. Tĩi gbɛ̀i srɔtoi babaoo lɛ ekomɛi ni wɔteŋ mɔ fɛɛ mɔ baanyɛ atsɔ nɔ efĩ sɛɛ babaoo kɛwo asafo lɛ hewalɛ ni amɛha Maŋtsɛyeli nitsumɔ lɛ aya hiɛ lɛ mli. Tsɔɔmɔ bɔ ni mɔ fɛɛ mɔ baanyɛ aná “Share in a Final Report” (Okɛ Ohe Awo Naagbee Akɔntaabuu lɛ Mli) lɛ mli gbɛfaŋnɔ.—Kwɛmɔ Our Ministry, baafai 108-110.
20 min: “Ani Wɔbaanyɛ Wɔha April 2000 Afee Nyɔŋ ni Hi Fe Fɛɛ?” (Kukuji 12-18) Sanebimɔi kɛ hetooi. Ha afee nɔkwɛmɔnɔ kuku ko afata he, ní tsɔɔ bɔ ni mɔ ko aaafee efɔ̃ mɔ ko ni ele lɛ lɛ nine kɛba Kaimɔ lɛ shishi. Nyɛsusua April ni yɔɔ 2000 Calendar lɛ nɔ lɛ he, ní otsɔɔ kpeei kɛha shiɛmɔyaa ni ato he gbɛjianɔ yɛ nyɛ asafo lɛ mli. Kaimɔ mɔ fɛɛ mɔ koni lɛ diɛŋtsɛ eto gbɛjianɔ kpakpa koni ekɛ ehe awo shiɛmɔ nitsumɔ lɛ mli bɔ ni eeenyɛ yɛ nyɔŋ lɛ mli, koni kɛtsɔ no nɔ lɛ akɛfee oti ni ma asafo lɛŋ bii fɛɛ ahiɛ akɛ amɛkɛ amɛhe baawo mli. Wo mɛi fɛɛ ni baanyɛ lɛ hewalɛ koni amɛkɛ amɛhe awo gbɛgbalɔi awalɔ nitsumɔ lɛ mli ni amɛhe gbɛbimɔ woji kɛ́ agbe kpee lɛ naa.
Lala 65 kɛ naagbee sɔlemɔ.
Otsi ni Jeɔ Shishi March 27
10 min: Asafoŋ adafitswai. Kaimɔ mɛi fɛɛ ni amɛkɛ amɛshiɛmɔyaa he akɔntaabuu kɛha March aha. Tsɛ́ mɛi ni kɛ amɛhe baawo gbɛgbalɔi awalɔ nitsumɔ lɛ mli yɛ April mli lɛ agbɛi. Ha ale akɛ ekpeko sɛɛ tsɔ akɛ akɛ gbɛbimɔ wolo aaaha. Tsɔɔmɔ nyɔŋ nɛŋ shiɛmɔyaa be he gbɛjianɔ fɛɛ ni ato lɛ mli. Wó mɔ fɛɛ mɔ hewalɛ koni ekɛ ehe awo shiɛmɔ nitsumɔ lɛ mli otsi nɛɛ naagbee, koni aje April nyɔŋ lɛ shishi jogbaŋŋ. Wɔkɛ Buu-Mɔɔ kɛ Awake! lɛ baaha yɛ nyɔŋ nɛɛ mli. Maa sane kome ni aŋma kɛ sane oti kome ni abaanyɛ akɛtsu nii jogbaŋŋ kɛfee shiɛmɔ wiemɔi lɛ nɔ mi yɛ eheei ni eba lɛ eko fɛɛ eko mli. Esa akɛ mɔ fɛɛ mɔ ahiɛ Taoɔ wolo bibioo lɛ eko ni ebɔ mɔdɛŋ ni ekɛtsu nii ni ekɛ mɛi ni yɔɔ wiemɔ lɛ he miishɛɛ lɛ aje Biblia mli nikasemɔi ashishi.
13 min: “Bi Koni Aye Abua Bo.” Wiemɔ kɛ toibolɔi ni akɛaagba sane ni onukpa ko baatsu he nii. Tsɔɔmɔ bɔ ni yɛ be kɛ bei amli lɛ yelikɛbuamɔ ko he hiaa wɔteŋ mɔ fɛɛ mɔ. Eji anɔkwale akɛ esa akɛ mɔ fɛɛ mɔ tereɔ lɛ diɛŋtsɛ ejatsu. (Gal. 6:5) Shi kɛlɛ, kɛ́ wɔnyɛɛɛ wɔdamɔ naa lɛ, esaaa akɛ wɔshashaoɔ shi akɛ wɔɔkɛɛ koni asafo lɛ mlinyo ko ni eda yɛ mumɔŋ lɛ aye abua wɔ. Ha toibolɔi agba niiashikpamɔi ni tsɔɔ bɔ ni mlihilɛ ni mɛi krokomɛi jɛ mli ye bua amɛ lɛ wo amɛ hewalɛ ha.
10 min: Asafoŋ hiamɔ nii.
12 min: Tĩi 2000 Yearbook lɛ Mli. Okɛ toibolɔi asusu “1999 Grand Totals” (Akɔntaabui Fɛɛ Anaabuamɔ) ni yɔɔ baafa 31 lɛ mli saji otii ahe, ní okɛ amɛ atĩ mli. Agbɛnɛ hu, nyɛsusua “A Letter From the Governing Body” (Wolo ni Jɛ Nɔyeli Kuu lɛ Dɛŋ) ni yɔɔ baafai 3-5 lɛ he. Bi koni mɛi komɛi atsɔɔ bɔ ni amɛaafee amɛkɛ hewalɛwoo ni akɛha lɛ baatsu nii kɛmɔ shi.
Lala 195 kɛ naagbee sɔlemɔ.
Otsi ni Jeɔ Shishi April 3
10 min: Asafoŋ adafitswai kɛ shiɛmɔ nitsumɔ mli niiashikpamɔi. Okɛ nyɛsɛɛ nɛɛ niiashikpamɔi ni ahala kɛjɛ nyɛshikpɔŋkuku lɛ mli lɛ atsu nii koni okɛwo mɛi krokomɛi hewalɛ ni amɛkɛ amɛhe awo mli.
17 min: “Daniel Gbalɛ Wolo lɛ Kasemɔ.” Sanebimɔi kɛ hetooi. Okɛ wiemɔ fioo ko atsɔɔ bɔ ni wɔɔnyɛ wɔná Biblia wolo ni ji Daniel lɛ kasemɔ he sɛɛ. (Kwɛmɔ yitso 1, kukuji 15-17 lɛ yɛ Daniel Gbalɛ wolo lɛ mli.) Wó mɛi fɛɛ hewalɛ ni amɛya Asafo Woloŋ Nikasemɔ lɛ shishi daa.
18 min: Ani Esa akɛ Mabɔ Efɔŋfeemɔ ni Hiɛdɔɔ Yɔɔ He lɛ He Amaniɛ? Wiemɔ ni hiɛdɔɔ yɔɔ mli ni onukpa ko kɛbaaha ni kɔɔ oblahii kɛ oblayei ahe tɛ̃ɛ. Naagbai babaoo ete shi yɛ ŋmɛnɛŋmɛnɛ adesai ashihilɛ mli ni eye oblahii kɛ oblayei lɛ awui waa: jeŋba he tɛi ni fiteɔ, basabasafeemɔ ni faa, tsofai fɔji kɛ nitsumɔ ni kaa mɔ he, kɛ bulɛ ni abɛ kɛha hegbɛ ni yeɔ nɔ. Mɛi komɛi ni yeko afii nyɔŋmai enyɔ lɛ hiɛ jeŋbai srɔtoi enyɔ, ni amɛkɛ amɛjeŋba fɔŋ lɛ teeɔ. Enɛ woɔ asafo muu lɛ fɛɛ mumɔŋ hilɛ-kɛhamɔ lɛ he gbeyei waa. Mɛi komɛi kɛ amɛhe woɔ efɔŋfeemɔ ni hiɛdɔɔ yɔɔ mli lɛ mli ni amɛkɛteeɔ. Kɛ oná ole akɛ nyɛmi nuu ko loo nyɛmi yoo ko ni yɔɔ asafo lɛ mli lɛ efee nɔ ko ni teɔ shi ewoɔ Nyɔŋmɔ mla lɛ waa lɛ, mɛni esa akɛ ofee? Susumɔ shishitoo mla ni atsɔɔ yɛ 3 Mose 5:1 lɛ he. (Kwɛmɔ August 15, 1997 Buu-Mɔɔ lɛ baafai 27-30 lɛ mli.) Gbalamɔ jwɛŋmɔ kɛya Young People Ask wolo lɛ, baafai 68-69 lɛ nɔ, ní otsɔɔ nɔ ni esa akɛ mɔ afee yɛ sane ni tamɔ nɛkɛ mli.
Lala 68 kɛ naagbee sɔlemɔ.