Sɔɔmɔ Kpee He Gbɛjianɔtoo
Otsi ni Jeɔ Shishi September 11
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
15 min: “Yehowa Jɔɔmɔ Feɔ Wɔ Niiatsɛmɛi.” Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.—Kwɛmɔ Insight, Kpo 2, baafa 804, kukuji 6-7.
20 min: “Okɛ Saji ni Yaa nɔ Bianɛ lɛ Atsu Nii Kɛtee Miishɛɛ Shi.” Toibolɔi ni akɛaagba sane kɛ nɔkwɛmɔnii. Tsɔɔmɔ saji babaoo ni yaa nɔ bianɛ ni etee miishɛɛ shi yɛ he ni nyɛyɔɔ lɛ. Mɛɛ wɔsɛɛ be he susumɔi enɛɛmɛi etee lɛ shi? Okɛ Reasoning wolo lɛ, baafai 10-11 atsu nii, ní okɛ gbɛtsɔɔmɔi komɛi aha ni tsɔɔ bɔ ni aaafee hiɛkpamɔ wiemɔ ni baatsá nɔ kɛbote Biblia mli sanegbaa mli. Ha afee nɔkwɛmɔnii enyɔ ni asaa he jogbaŋŋ yɛ mli ni tsɔɔ nibii ni yaa nɔ.
Lala 224 kɛ naagbee sɔlemɔ.
Otsi ni Jeɔ Shishi September 18
8 min: Asafoŋ adafitswai. Shika he akɔntaabuu.
10 min: “Ani Esa akɛ Mabi Yelikɛbuamɔ Kɛjɛ Maŋsɛɛ?” Wiemɔ ni onukpa kɛbaaha.
12 min: Te Wɔtee nɔ Wɔha Tɛŋŋ Nyɛsɛɛ Afi Lɛ? Wiemɔ ni sɔɔmɔ nitsumɔ nɔkwɛlɔ lɛ kɛbaaha. Wiemɔ saji otii ni jɛ asafo lɛ shiɛmɔyaa he akɔntaabuu kɛha afi 2000 sɔɔmɔ afi lɛ mli lɛ he. Jiemɔ amɛ yi yɛ nibii kpakpai ni atsu lɛ hewɔ. Tsɔɔmɔ hei komɛi ni ekolɛ ehe baahia ni aya hiɛ yɛ mli lɛ. Gbalamɔ jwɛŋmɔ kɛya bɔ ni asafo lɛ kpeeibaa, Biblia mli nikasemɔi ashishijee kɛ efeemɔ, kɛ shiɛmɔ nitsumɔ ni akɛ he woɔ mli daa lɛ tee nɔ ha lɛ nɔ. Tsɔɔmɔ otii ni abaanyɛ atsu he nii ni akɛbaama hiɛ yɛ afi ni baa lɛ mli.
15 min: “Wala He Eba Oshara!” Toibolɔi ni akɛaagba sane. Maa ŋmalɛi ni aŋmalako mli wiemɔi yɛ sane lɛ mli lɛ nɔ mi.
Lala 30 kɛ naagbee sɔlemɔ.
Otsi ni Jeɔ Shishi September 25
15 min: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha September aha. Tĩi Sanebimɔ He lɛ mli.
15 min: Asafoŋ hiamɔ nii.
15 min: Wɔ Woji Tɛtrɛbii lɛ Ahe Sɛɛnamɔ Etãaa. Mɛni ofeɔ kɛ́ Buu-Mɔɔ kɛ Awake! memeji lɛ babua shi? Shiɛlɔi komɛi sumɔɔ ni amɛshɛrɛ amɛshwie akɛni amɛsusuɔ akɛ emli saji lɛ be eho lɛ hewɔ. Yɛ no najiaŋ lɛ, September 1993 Wɔ Maŋtsɛyeli Sɔɔmɔ lɛ baafa 3 wo wɔ hewalɛ koni wɔhiɛ ememeji komɛi ni wɔkɛha yɛ he ni sa. Obaanyɛ ohala saji ni yɔɔ ebe naa ni ekolɛ hii, yei, mɛi ni yɔɔ nitsumɔi wuji amli, mɛi ni egbɔlɔ, kɛ mɛi ni yeko afii nyɔŋmai enyɔ baanya he; no sɛɛ lɛ, feemɔ klalo akɛ okɛ woji tɛtrɛbii lɛ baaha kɛ́ hegbɛ ba. Ha afee nɔkwɛmɔnɔ ni tsɔɔ bɔ ni abaanyɛ ahala saji lɛ koni akɛha. Gbaa niiashikpamɔi ni shiɛlɔi lɛ ená ni omanyeyeli jɛ mli kɛba yɛ woji tɛtrɛbii memeji kɛhamɔ lɛ mli.
Lala 115 kɛ naagbee sɔlemɔ.
Otsi ni Jeɔ Shishi October 2
Lala 169
15 min: Asafoŋ adafitswai. Ha asafo lɛ ale woji ajaa krɛdɛɛ ni ato he gbɛjianɔ kɛha Maŋtsɛyeli Sanekpakpa No. 36 lɛ jaa ni baaje shishi Ju, October 16 lɛ, ní baatsá nɔ aahu kɛyashi Sohaa, November 17. Wo mɛi fɛɛ hewalɛ, ni gbekɛbii kɛ mɛi heei fata he lɛ koni amɛbɔ mɔdɛŋ ni amɛkɛ amɛhe awo mli jogbaŋŋ kɛmɔ shi. Esa akɛ nikasemɔ nɔkwɛlɔi aje shishi amrɔ nɛɛ ni amɛwo mɛi fɛɛ ni yɔɔ amɛkuu lɛ mli lɛ hewalɛ ni amɛto gbɛjianɔ koni amɛkɛ amɛhe awo mli kɛ ekãa bɔ ni amɛaanyɛ. Okɛ niiashikpamɔi ni tswaa mɔ emaa shi ni aná kɛjɛ nyɛsɛɛ Maŋtsɛyeli Sanekpakpa lɛ jaa mli lɛ afata he.
15 min: “Ani Mifã Kɛya?” Wiemɔ ni onukpa kɛbaaha. Tsɔɔmɔ nɔ hewɔ ni ehe hiaa ni akɛ sɛɛyoomɔ atsu nii be mli ni akpɛɔ yiŋ akɛ aaafã kɛyahi he kroko lɛ. Tsɔɔmɔ bɔ ni aaafee ni akɛ ŋaawoo ni yɔɔ Abɛi 22:3 lɛ atsu nii. Okɛ saji ni tsɔɔ bɔ ni esa akɛ akwɛ he nɔ jogbaŋŋ ni yɔɔ August 15, 1988 Watchtower lɛ baafa 22 afata he.
15 min: Niiashikpamɔi ni Aná Kɛjɛ Sanegbaai Ashishijee Mli. Akɛ ŋaawoo ha yɛ Sɔɔmɔ Kpee he gbɛjianɔtoo kɛha September 11 otsi lɛ mli akɛ, wɔfee saji ni yaa nɔ bianɛ lɛ he hiɛkpamɔ wiemɔi ni wɔkɛtee miishɛɛ shi ni wɔkɛje sanegbaai ashishi yɛ shiɛmɔ nitsumɔ lɛ mli. Ha toibolɔi lɛ agba yibiiwoi kpakpai ni amɛná mli ŋɔɔmɔ kɛbashi bianɛ yɛ ŋaawoi nɛɛ kɛ nitsumɔ mli lɛ he sane.
Lala 205 kɛ naagbee sɔlemɔ.