Sɔɔmɔ Kpee He Gbɛjianɔtoo
KADIMƆ: Akɛ “Okɛ nɔ ní Ŋmalɛ lɛ Kɛɔ yɛ Yarafeemɔ He lɛ Atsu Nii” Fã ni ji Ejwɛ lɛ ewo nɔ ni aŋma ahɔ Wɔ Maŋtsɛyeli Sɔɔmɔ nɛɛ mli lɛ mli, ni abaasusu he yɛ September 15 kɛ September 22 otsii lɛ amli. Kɛ́ nyɛbaaya kpokpaa nɔ kpee yɛ nɛkɛ otsii nɛɛ eko mli lɛ, no lɛ esa akɛ onukpai lɛ ato fãi nɛɛ ahe gbɛjianɔ ni afee yɛ otsi kroko mli, ni akɛ be ni ato akɛ akɛtsu he nii lɛ nɔŋŋ afee.
Otsi ni Jeɔ Shishi September 8
Lala 204
Min. 10: Asafoŋ adafitswai. Wó mɛi fɛɛ hewalɛ ni amɛsaa amɛhe kɛha nɔ ni aŋma ahɔ Wɔ Maŋtsɛyeli Sɔɔmɔ nɛɛ mli lɛ kuku 1-8 lɛ hesusumɔ yɛ otsi ni nyiɛ sɛɛ lɛ mli. Saamɔ ohe ni okɛ woji tɛtrɛbii heei lɛ aha. Bi toibolɔi lɛ ni amɛtsɔɔ saji ni yɔɔ woji tɛtrɛbii heei lɛ amli lɛ ateŋ nɔ ni mɛi ni yɔɔ shikpɔŋkuku lɛ mli lɛ enya he waa. Bi amɛ ni amɛtsɔɔ sanebimɔi kɛ ŋmalɛi ni amɛkɛtsu nii kɛkpa saji ni yɔɔ woji tɛtrɛbii lɛ amli lɛ hiɛ. Ha afee bɔ ni abaanyɛ akɛ shiɛmɔ wiemɔi ni yɔɔ Wɔ Maŋtsɛyeli Sɔɔmɔ lɛ mli lɛ eko atsu nii lɛ he nɔkwɛmɔnɔ. Ha asafoŋ onukpai lɛ ateŋ mɔ kome kɛ shiɛmɔ wiemɔ ni ekɛsaa ehe ni damɔ sane ko ni baahi aha nyɛsafo lɛ shikpɔŋkuku lɛ nɔ lɛ atsu nii ní ekɛfee nɔkwɛmɔnɔ kuku.
Min. 15: Ye Obua Biblia Kaselɔi lɛ ni Amɛbatsɔmɔ Tsɔɔlɔi. Wiemɔ ni abaajɛ January 15, 2007 Buu-Mɔɔ lɛ baafa 29-30, kuku 14-20 lɛ mli aha. Ha afee nɔkwɛmɔnɔ ko ni tsɔɔ shiɛlɔ ko ni miitsɔɔ Biblia kaselɔ hee ko bɔ ni afeɔ maŋshiɛmɔ kɛ Buu-Mɔɔ Nikasemɔ lɛ ahaa, ni efɔ̃ lɛ nine koni eba.
Min. 20: Bɔ ni Ooofee Okpee Hetsɛ̃ ní Anáa Kɛhaa Wɔ yɛ Shiɛmɔ Nitsumɔ lɛ Mli lɛ Naa. Wiemɔ ni onukpa ko baajɛ sane ko ní akala ni kɔɔ bɔ ni hetsɛ̃ saa wɔshiɛmɔ nitsumɔ lɛ he ehaa lɛ nɔ eha. Gbálamɔ bɔ ni abaafee aye hetsɛ̃ nɔ lɛ mli. Bei komɛi lɛ, bɔ ni wɔfeɔ wɔnii wɔhaa yɛ shiɛmɔ nitsumɔ lɛ mli, kɛ bɔ ni wɔfeɔ wɔnii yɛ daa gbi shihilɛ mli lɛ baanyɛ ajie hetsɛ̃ ni mɛi yɔɔ kɛha wɔ lɛ kɛjɛ jɛmɛ, ni ebaaha amɛbo anɔkwale lɛ toi. No hewɔ lɛ ehe miihia ni wɔkwɛ wɔwiemɔ kɛ wɔjeŋba be fɛɛ be. (1 Pet. 2:12; 3:1, 2) Wiemɔ niiashikpamɔi fioo ni aná loo nɔ ni yɔɔ woji ni akala lɛ amli ni tsɔɔ bɔ ni abaanyɛ aye hetsɛ̃ ni anáa ahaa wɔ lɛ nɔ lɛ he.
Otsi ni Jeɔ Shishi September 15
Min. 5: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
Min. 40: “Okɛ nɔ ní Ŋmalɛ lɛ Kɛɔ yɛ Yarafeemɔ He lɛ Atsu Nii—Fã 4.” Okɛ toibolɔi lɛ asusu kuku 1-8 lɛ he. Onukpa ko ni feɔ nɔkwɛmɔnɔ kpakpa yɛ sane nɛɛ mli lɛ baatsu he nii. Esa akɛ akane kukuji lɛ fɛɛ. Akane ŋmalɛi lɛ ekomɛi, ni asusu he. Wó toibolɔi lɛ hewalɛ ní amɛkɛ ŋmalɛi lɛ atsu nii kɛ́ amɛmiiha saji lɛ ahetoo, ni amɛtsɔɔ bɔ ni shishitoo mlai ni yɔɔ ŋmalɛi lɛ amli lɛ baanyɛ akɔ sane ni asusuɔ he lɛ he. Wó mɛi fɛɛ hewalɛ ni amɛsaa amɛhe kɛha kuku 9-16 ni abaasusu he otsi ni nyiɛ sɛɛ lɛ.
Otsi ni Jeɔ Shishi September 22
Min. 5: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ.
Min. 40: “Okɛ nɔ ní Ŋmalɛ lɛ Kɛɔ yɛ Yarafeemɔ He lɛ Atsu Nii—Fã 4.” Okɛ toibolɔi lɛ asusu kuku 9-16 lɛ he. Onukpa ni tsu sane nɛɛ he nii otsi ni tsɔ hiɛ lɛ nɔŋŋ baatsu he nii. Esa akɛ akane kukuji lɛ fɛɛ. Akane ŋmalɛi lɛ ekomɛi, ni asusu he. Wó toibolɔi lɛ hewalɛ ní amɛya nɔ amɛye Yehowa anɔkwa kɛtsɔ amɛhe ni amɛaatsi kɛjɛ wɔŋjamɔ nifeemɔi kɛ je lɛŋ nibii ni esaaa lɛ ahe, be mli ni amɛkɛ nɔ ní Ŋmalɛ lɛ kɛɔ yɛ yarafeemɔ he lɛ tsuɔ nii lɛ.
Lala 190
Otsi ni Jeɔ Shishi September 29
Min. 10: Asafoŋ adafitswai. Wiemɔ May Sɔɔmɔ Akɔntaabuu lɛ mli saji otii lɛ ahe kuku, ni oha nyɛmimɛi lɛ ayekoo akɛni amɛkɛ amɛshiɛmɔyaa he akɔntaabuu haa mra lɛ hewɔ. Kaimɔ shiɛlɔi koni amɛkɛ shiɛmɔyaa he akɔntaabui kɛha September lɛ aha. Too gbɛjianɔ kɛtsɔ hiɛ ni oha shiɛlɔ kome loo enyɔ asaa amɛhe koni amɛgba niiashikpamɔi ni woɔ mɔ ekãa ni amɛná beni amɛyeɔ trukaa odase yɛ amɛ hejɔɔmɔ be ko mli, loo yɛ shihilɛi krokomɛi amli lɛ amɛtsɔɔ.
Min. 15: Mɛni Wɔnyɛ Wɔtsu Nyɛsɛɛ Afi Lɛ? Wiemɔ ni sɔɔmɔ nitsumɔ nɔkwɛlɔ lɛ loo onukpa kroko ni he esa baatsu he nii. Tĩi nibii ni nyɛsafo lɛ nyɛ etsu yɛ sɔɔmɔ afi ni ho lɛ mli lɛ mli, ni owie nibii kpakpai ni nyɛnyɛ nyɛtsu yɛ shiɛmɔ nitsumɔ lɛ mli lɛ ahe titri. Okɛ yijiemɔ ni sa aha. Too gbɛjianɔ kɛtsɔ hiɛ ni oha mɔ kome loo mɛi enyɔ asaa amɛhe koni amɛgba niiashikpamɔi ni woɔ mɔ ekãa ni amɛná lɛ amɛtsɔɔ. Tsĩi nɔ kome loo nibii enyɔ komɛi ni ehe baahia ni nyɛsafo lɛ atsu he nii yɛ afi ni baa lɛ mli lɛ tã, ni otsɔɔ gbɛ̀i ni nyɛbaanyɛ nyɛtsɔ nɔ nyɛya hiɛ.
Min. 20: “Dɛhiɛmɔ Wolo He Tafãa Krɛdɛɛ Kɛjɛ October 20 Kɛyashi November 16!”a Kɛ́ dɛhiɛmɔ wolo lɛ eko yɛ lɛ, ha mɔ fɛɛ mɔ ni eba kpee lɛ ekome. Kɛ́ nyɛmiisusu kuku 2 lɛ he lɛ, okɛ be fioo awie nibii ni yɔɔ dɛhiɛmɔ wolo lɛ mli lɛ he. Kɛ́ nyɛmiisusu kuku 4 lɛ he lɛ, ha afee nɔkwɛmɔnɔ ni tsɔɔ bɔ ni abaafee akɛ dɛhiɛmɔ wolo lɛ aha. Kɛ́ nyɛmiisusu kuku 5 lɛ he lɛ, ha afee nɔkwɛmɔnɔ ni tsɔɔ shiɛlɔ ko ní kɛ dɛhiɛmɔ wolo lɛ miitsu nii ní ekɛje Biblia mli nikasemɔ shishi beni efeɔ sɛɛkuu-kɛsaramɔ lɛ.
Otsi ni Jeɔ Shishi October 6
Min. 10: Asafoŋ adafitswai. Wiemɔ wolo ni jɛ nitsumɔhe nine lɛ dɛŋ ni jeɔ kpo yɛ baafa 1 lɛ he.
Min. 15: Sanebimɔ He. Toibolɔi ni akɛaagba sane. Okɛ June 15, 2005, Buu-Mɔɔ lɛ baafa 20-22, kuku 10-16 lɛ mli wiemɔi afata he.
Min. 20: “Tsɔɔmɔ Mɛi Krokomɛi Anii ní Amɛsumɔ Yehowa”b Ha toibolɔi lɛ awie ŋmalɛi ni aŋmalako amɛmli wiemɔi lɛ ahe bɔ ni be baaŋmɛ gbɛ.
[Shishigbɛ niŋmai]
a Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
b Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.