Shiɛmɔ Wiemɔi

Kɛhã Biblia mli Nikasemɔi Ashishijee yɛ Klɛŋklɛŋ Hɔɔ ni yɔɔ November mli lɛ Nɔ

“Ofainɛ kwɛmɔ sanebimɔ ni sa kadimɔ nɛɛ. [Kanemɔ klɛŋklɛŋ sanebimɔ ni yɔɔ November 1 Buu-Mɔɔ lɛ sɛɛ lɛ.] Te osusuɔ tɛŋŋ? [Kanemɔ kukuji enyɔ ni yɔɔ nakai sanebimɔ lɛ shishi lɛ, kɛ kɛhooo lɛ ŋmalɛi ni yɔɔ jɛmɛ lɛ ateŋ ekome.] Ani manyɛ maku misɛɛ be kroko ni mikɛ bo abasusu nɔ hewɔ ni Yesu tee mɛi nɛɛ ashi kɛ bɔ ni enɛ he baanyɛ aba sɛɛnamɔ ahã wɔ lɛ he?”

Buu-Mɔɔ November 1

“Ani osusu nɔ hewɔ ni nibii gbohii babaoo baa je lɛ mli lɛ he pɛŋ? [Ŋmɛɛ gbɛ ni ehã hetoo.] Biblia lɛ tsɔɔ nɔ hewɔ yɛ Kpojiemɔ 12:9 lɛ. [Kanemɔ.] Kɛ̃lɛ, kuku 12 lɛ hãa wɔ hiɛnɔkamɔ. [Kanemɔ Kpojiemɔ 12:12.] Etsɛŋ kwraa ni hewalɛ ni Satan náa yɛ mɛi anɔ lɛ sɛɛ baafo. Sane nɛɛ ni yitso ji, ‘Ani Esa akɛ Wɔshe Satan Gbeyei?’ lɛ tsɔɔ wɔ bɔ ni wɔɔfee wɔbu wɔhe kɛjɛ hewalɛ ni enáa yɛ mɛi anɔ bianɛ lɛ he kɛ nɔ ni etsɛŋ ni baaba Satan nɔ lɛ. Onɔ lɛ nɛ.”

Awake! November

“Mɔ fɛɛ mɔ sumɔɔ ni ená miishɛɛ, shi ŋmɛnɛ lɛ, mɛi babaoo bɛ miishɛɛ. Mɛni osusuɔ akɛ no ji nɔ ni hãa anáa miishɛɛ diɛŋtsɛ? [Ŋmɛɛ gbɛ ni ehã hetoo.] Minaa akɛ Biblia lɛ yeɔ ebuaa ni anáa miishɛɛ yɛ shihilɛ mli. Akɛ nɔkwɛmɔnɔ lɛ, kwɛmɔ Biblia mli shishitoo mla nɛɛ. [Kanemɔ Hebribii 13:5.] Wolo tɛtrɛɛ nɛɛ wieɔ nibii titrii ejwɛ ni Biblia lɛ tsɔɔ akɛ ehãa anáa miishɛɛ diɛŋtsɛ lɛ ahe.”