1996 “Nyɔŋmɔ Toiŋjɔlɛ he Tsuji” Kpokpaa Wulu nɔ Kpee
BLEMA lɛ, Yehowa webii yeɔ gbijuji wuji etɛ daa afi. Nakai nɔŋŋ hu, yɛ ŋmɛnɛŋmɛnɛ beaŋ lɛ, Yehowa webii ni egbɛi kã amɛnɔ lɛ hu kpeɔ shii etɛ yɛ afi mli kɛhaa gbijurɔyeli bei. Amɛnaa henaabuamɔ mli ŋɔɔmɔ kɛhaa gbi-kome kpee krɛdɛɛ gbi, kɛ gbii enyɔ kpokpaa nɔ kpee, kɛ gbii etɛ loo gbii ejwɛ kpokpaa wulu nɔ kpee. Afi nɛɛ, kpokpaa wulu nɔ kpee ni abaafee lɛ yitso ji “Nyɔŋmɔ Toiŋjɔlɛ he Tsuji.”
Kwɛ bɔ ni nakai saneyitso lɛ sa jogbaŋŋ! Wɔ-Nyɔŋmɔ, Yehowa lɛ, ‘toiŋjɔlɛ Nyɔŋmɔ’ ni, hɛɛ, ‘Nyɔŋmɔ ni haa mɔ naa toiŋjɔlɛ.’ Wɔ Hiɛnyiɛlɔ, Yesu Kristo lɛ, ‘Toiŋjɔlɛ Lumɔ’ ni, ni shɛɛ sane ni Yehowa tsuji kɛyahaa mɛi lɛ, eji Nyɔŋmɔ toiŋjɔlɛ lɛ he shɛɛ sane. (Filipibii 4:9; Romabii 15:33; Yesaia 9:6; Nahum 2:1) Ato kpee shishi wiemɔi kpakpai ahe gbɛjianɔ koni eye ebua mɛi fɛɛ ni amɛnu bɔ ni Nyɔŋmɔ toiŋjɔlɛ lɛ he hiaa ha lɛ shishi jogbaŋŋ.
Afi nɛɛ abaafee kpeei wuji 27 yɛ Ghana pɛ, kɛ 10 hu yɛ Togo. Eka shi faŋŋ akɛ, abaafee kpee lɛ eko yɛ he ko ni bɛŋkɛ bo. Mɛni hewɔ obiii Yehowa Odasefoi ni yɔɔ nyɛ akutso lɛ mli lɛ ni amɛtsɔɔ bo be pɔtɛɛ ni abaafee, kɛ he ni abaafee yɛ hu, koni onyɛ oto ogbɛjianɔ ni oya? Abaahere mɛi fɛɛ ni sumɔɔ anɔkwa toiŋjɔlɛ ni sɛɛ tsɛɔ lɛ atuu diɛŋtsɛ kɛba kpee lɛ shishi.