Sanekpakpa Lɛ Kɛhamɔ
Kɛtsɔ Dɛhiɛmɔ Woji Bibii ni Akɛaatsu Nii ni Emɔ Shi Iɛ Nɔ
1 Yɛ 1987 “Yehowa Mli Hekɛnɔfɔɔ” Kpokpaa Wulu nɔ kpee lɛ shishi lɛ, ajie dɛhiɛmɔ woji bibii heei ejwɛ kpo. Amɛji Nɔ Hewɔ ni Obaanyɛ Ohe Biblia Iɛ Oye?, Mɛni Yehowa Odasefoi Heɔ Yeɔ?, Shihilɛ yɛ Toiŋjɔlɛ Jeŋ Hee ko Mli, kɛ Mɛɛ Hiɛnɔkamɔ Yɔɔ Kɛha Suɔlɔi ni Amɛgboi? Ani okɛ nɛkɛ dɛhiɛmɔ woji bibii nɛɛ miitsu nii yɛ gbɛ ni mɔɔ shi nɔ?
2 Shiɛlɔi pii shiɔ dɛhiɛmɔ woji bibii nɛɛ yɛ shinai anaa hei ni mɔ ko bɛ. Ni amɛkɛhaa gbɔmɛi ni bɛ deka akɛ amɛaabo toi beni amɛtee amɛŋɔɔ. Mɛi komɛi naa akɛ kɛji akɛ amɛkɛ dɛhiɛmɔ wolo nɛɛ tsu nii ni amɛkɛjie amɛ diɛŋtsɛ amɛhe kpo yɛ shinaa naa lɛ, eyeɔ ebuaa ni ekanyaa shiatsɛmɛi lɛ amiishɛɛ. Mɛi krokomɛi sumɔɔ ni amɛkɛha akɛ nikeenii kɛ amɛheee woji shi amɛtsɔɔ miishɛɛ ko lɛ.
Be Kɛ Gbɛ Ni Atsɔɔ Nɔ Akɛtsuɔ Nii
3 Kɛ wɔfee tswaa ni wɔha wɔhiɛ hi wɔhe nɔ yɛ hegbɛi ni baa lɛ ahe lɛ, obaanyɛ ona gbɛi pii ni oootsɔ nɔ okɛ dɛhiɛmɔ woji bibii nɛɛ atsu nii. Akɛ nɔkwɛmɔ nɔ lɛ, obaanyɛ okɛ dɛhiɛmɔ woji bibii nɛɛ atsu nii ni eye ebua beni oyeɔ wekumɛi odase. Obaanyɛ okɛ dɛhiɛmɔ woji bibii nɛɛ hu atsu nii beni otee gbɛhamɔ, beni onyiɛ shwapoi amli kɛ be mli ni ofaa gbɛ, agbɛnɛ yɛ skul aloo yɛ onitsumɔ he. Ani okɛ dɛhiɛmɔ woji bibii nɛɛ hɔɔ he ni baaha onine ashɛ nɔ oya, ekolɛ yɛ okotoku mli, aloo obaagi bibioo loo oshiɛmɔyaa baagi mli? Kɛ dɛhiɛmɔ woji bibii nɛɛ eko yɛ ohe be fɛɛ be lɛ, ebaanyɛ ewo bo hewalɛ ni oye odase trukaa. Mɛni hewɔ otaooo hegbɛi ni ooona ni okɛ woji bibii nɛɛ aha?
4 Bɔ fɛɛ bɔ ni shihilɛ lɛ ji ha lɛ, obaanyɛ okɛ dɛhiɛmɔ woji nɛɛ atsu nii ni okɛye odase ni mɔɔ shi. Eyɛ mli akɛ emli saji lɛ yɛ kuku moŋ, shi nɔ ni amɛwieɔ he lɛ tsɔɔ mɔ yiŋ, ni Ŋmalɛ mli naatsɔɔmɔ ni mli ka shi faŋŋ fiɔ sɛɛ. Dɛhiɛmɔ woji bibii nɛɛ yɛ fɛo kɛ emli mfonirii ni abaanyɛ akɛtsu nɔ kpakpa yɛ sɔɔmɔ nitsumɔ lɛ mli akɛ dɛŋdadei. Ha ohiɛ ahi ohe nɔ ni okɛha gbɔmɛi yɛ he fɛɛ he.
Yɛ Shiɛmɔ Mli
5 Ani oŋɔɔ dɛhiɛmɔ woji bibii lɛ ayitsei ni kanyaa saji ahe susumɔ lɛ koni okɛtee miishɛɛ shi yɛ Maŋtsɛyeli lɛ he sane lɛ mli? Shiɛlɔi komɛi maa dɛhiɛmɔ wolo bibioo lɛ yitso lɛ nɔ mi yɛ amɛ hiɛkpamɔ wiemɔ lɛ mli nɔŋŋ. Mɛni hewɔ obɔɔɔ enɛ feemɔ he mɔdɛŋ bo diɛŋtsɛ? Obaanyɛ okɛɛ akɛ: “Hello, eŋɔɔ minaa akɛ mina bo yɛ shia. Mijɛ misuɔmɔ mli mikɛ mihe ewo shɛɛ sane ko ni he hiaa lɛ jaa mli. Anaa yɛ nɛkɛ dɛhiɛmɔ wolo bibioo ni ji Shihilɛ yɛ Jeŋ Hee ko Mli lɛ mli. Naa onɔ. Akɛhaa yaka. [Okɛwo shiatsɛ lɛ dɛŋ ni ogbala ejwɛŋmɔ kɛya ehiɛ wiemɔ lɛ nɔ.] Ani osumɔŋ ni ohi shi yɛ toiŋjɔlɛ shihilɛ ni tamɔ nɛkɛ mli?” Kɛ shihilɛi ŋmɛ gbɛ lɛ, okɛ Saneyitso Kɛha Sanegbaa lɛ atsa nɔ ni okɛtsa wolo ni akɛtsuɔ nii yɛ nyɔŋ lɛ mli lɛ nɔ.
6 Kɛ osusu he ni oyɔɔ lɛ he lɛ, ekolɛ ebaana akɛ ehe baaba sɛɛnamɔ akɛ oootsɔɔ akɛ owiemɔ lɛ damɔ Biblia lɛ nɔ. Dɛhiɛmɔ wolo ni ji Nɔ Hewɔ ni Obaanyɛ Ohe Biblia yɛ Oye lɛ baanyɛ afee nɔ ni hi jogbaŋŋ yɛ he ni oyɔɔ lɛ. Akɛ nɔkwɛmɔ nɔ lɛ, obaanyɛ okɛɛ akɛ: “Wɔkɛ Biblia mli shɛɛ sane miiha wɔ akutsei amlibii lɛ yaka ŋmɛnɛ. Naa onɔ. [Okɛwo shiatsɛ lɛ dɛŋ.] Kadimɔ akɛ wiemɔ lɛ kɔɔ Biblia lɛ he. Ani osusuɔ akɛ gbɔmɛi elaaje hekɛnɔfɔɔ ni amɛyɔɔ yɛ Biblia lɛ mli lɛ ŋmɛnɛ? [Ŋmɛɛ lɛ gbɛ ni eha hetoo.] Wolo bibioo nɛɛ baaye ebua bo ni ona nɔ hewɔ ni wɔbaanyɛ wɔhe nɔ ni Biblia lɛ kɛɔ lɛ wɔye lɛ.” Tsa nɔ kɛ Saneyitso Kɛha Sanegbaa lɛ, ni otsɔɔ jɔɔmɔi ni Nyɔŋmɔ eto he gbɛjianɔ kɛha shikpɔŋ lɛ.
7 Biblia mli dɛhiɛmɔ woji bibii nɛɛ jaa ji nɔ ko ni mɔɔ shi diɛŋtsɛ ni aka akwɛ ni atsɔɔ nɔ akɛ “sanekpakpa” lɛ haa. (Mateo 24:14) Etsuɔ nii ni he hiaa diɛŋtsɛ yɛ wɔ maŋ sɔɔmɔ lɛ mli kɛ agbɛnɛ yɛ be mli ni wɔyeɔ odase trukaa. Nyɛhaa wɔkɛ wɔ dɛhiɛmɔ woji bibii fɛfɛji nɛɛ atsua nii yɛ gbɛ ni mɔɔ shi nɔ koni wɔkɛye odase fɛfɛo ni wɔkɛye wɔbua mɛi krokomɛi ni amɛkase Nyɔŋmɔ Maŋtsɛyeli lɛ he nii.