Asafo Woloŋ Nikasemɔ he Gbɛjianɔtoo
Fa 5—Sɔɔmɔ Nɔkwɛlɔ Iɛ Saramɔ Lɛ
1 Esa akɛ sɔɔmɔ nɔkwɛlɔ lɛ afee sanekpakpa shiɛlɔ kɛ tsɔɔlɔ. Etsuɔ babaoo yɛ asafo lɛ mlibii ni eyeɔ ebuaa amɛ ni amɛtsu amɛgbɛnaa nii akɛ amɛshiɛ ni amɛtsɔɔ sanekpakpa lɛ yɛ amɛ shikpɔŋkuku ni akɛwo amɛdɛŋ lɛ mli lɛ mli. (Mar. 13:10) Kɛ ekɛ hiɛdɔɔ tsu egbɛnaa nii lɛ he nii ni mɔ fɛɛ mɔ kɛ lɛ fee ekome lɛ, shiɛlɔi lɛ ahe baasa babaoo yɛ sanekpakpa lɛ kɛhamɔ mli ni abaatsu shikpɔŋkuku lɛ mli nii babaoo kɛmɔ shi.
2 Sɔɔmɔ nɔkwɛlɔ lɛ susuɔ kanyamɔ ni eeekanya he ni akɛaawo sɔɔmɔ nitsumɔ lɛ mli babaoo lɛ he. Afeɔ enɛ titri kɛtsɔɔ Asafo Woloŋ Nikasemɔ lɛ nɔ. Nɔ ni afeɔ ji, akɛ nitsumɔ woɔ sɔɔmɔ nɔkwɛlɔ lɛ dɛŋ koni ekwɛ woloŋ nikasemɔ kome nɔ, shi mɔ ni kwɛɔ esɛɛ lɛ baaye enajiaŋ shikome daa nyɔŋ kome yɛ be mli ni esaraa kuu kroko lɛ.—kmGA 2/82 bf. 1, 2.
3 Hesaamɔ kɛha Saramɔ Lɛ: Dani nɛkɛ saramɔ otsi nɛɛ aaaje shishi lɛ, esa akɛ sɔɔmɔ nɔkwɛlɔ lɛ akwɛ Congregation’s Publisher Record woji lɛ amli ni ele mɛi ni kɛ kuu lɛ bɔɔ lɛ. Agbɛnɛ esa akɛ eto gbɛjianɔ ni ekɛ nikasemɔ nɔkwɛlɔ lɛ akpe ni ekɛ lɛ asusu shiɛlɔi ni yɔɔ kuu lɛ mli lɛ asɔɔmɔ nitsumɔ lɛ he. Nikasemɔ nɔkwɛlɔ lɛ baanyɛ agba sɔɔmɔ nɔkwɛlɔ lɛ sɔɔmɔ nitsumɔ lɛ mli naagbai kɛ hiamɔ nii komɛi ni ejeŋ kpo yɛ records loo amɛhe woji lɛ anɔ lɛ ahe sane. Esa akɛ akai nikasemɔ nɔkwɛlɔ lɛ akɛ nikasemɔ lɛ baahe minitii fiɔ̃ pɛ koni sɔɔmɔ nɔkwɛlɔ lɛ kɛ minitii 15 aha sɔɔmɔ he wiemɔ eha kuu lɛ. Kɛ ajie naatsii lɛ, akɛ gbɛjianɔtoo ni atsi ta yɛ yiteŋgbɛ nɛɛ baatsu nii kɛmɔ shi. Shi kɛ naatsii Iɛ yɛ lolo, ni nyɛ asafo lɛ kɛ minitii 30 pɛ feɔ Woloŋ Nikasemɔ lɛ, belɛ kɛ akɛ minitii 30 fee nikasemɔ lɛ agbe naa lɛ, akɛ minitii 15 kroko aha sɔɔmɔ nɔkwɛlɔ lɛ kɛha ewiemɔ lɛ, koni fɛɛ afee minitii 45.
4 Yiŋtoo ni yɔɔ wiemɔ nɛɛ sɛɛ ji ni akɛtswa hiɛsɔɔ babaoo aha sɔɔmɔ nitsumɔ lɛ. Kɛ yelikɛbuamɔ he miihia shiɛlɔi lɛ yɛ sɔɔmɔ lɛ mli yɛ gbɛ ko nɔ lɛ, esa akɛ sɔɔmɔ nɔkwɛlɔ lɛ kɛ ŋaawoo ni anyɛɔ atsuɔ he nii ni baasaa nibii aha. Esa akɛ ekɛ jwɛŋmɔ kpakpa awie ni ewo hewalɛ koni ekawo mɔ ko hiɛgbele loo eje mɔ ko nijiaŋ wui kɛtsɔ wiemɔ ko ni ejaaa nɔ. Enɛ baafite yiŋtoo ni yɔɔ esaramɔ lɛ sɛɛ lɛ. Esa akɛ wiemɔ lɛ awo mɔ fɛɛ mɔ hewalɛ kɛha hiɛyaa.
5 Sɔɔmɔ nɔkwɛlɔ lɛ bɔɔ mɔdɛŋ akɛ eeeye abua nyɛmimɛi hii kɛ yei aŋkroaŋkroi lɛ babaoo bɔ ni ebe he gbɛjianɔtoo lɛ aaaŋmɛ lɛ gbɛ. Ebaanyɛ ekɛ nyɛmimɛi sɔrɔtoi ato gbɛjianɔ ni ekɛ amɛ atsu nii yɛ sɔɔmɔ lɛ mli. Beni ekɛ shiɛlɔi lɛ tsuɔ nii yɛ shia kɛ shia lɛ, ebaanyɛ ekɛ ŋaawooi enyɔ ko loo nɔ aha yɛ gbɛi ni amɛaatsɔ nɔ ni amɛha amɛshiɛmɔ lɛ amɔ shi jogbaŋŋ nɔ. Esaaa akɛ ajeɔ enɛ yɛ gbɛ ni tamɔ hiɛkamɔ nɔ, shi moŋ akɛ aasumɔ diɛŋtsɛ ni aye abua. Ebaasumɔ hu ni efata shiɛlɔi lɛ ahe kɛya sɛɛsaramɔi kɛ shia Biblia mli nikasemɔi anɔ. Kɛ mɔ ko yɛ kuu lɛ mli ni yelikɛbuamɔ he miihia lɛ lɛ, ebaanyɛ eyasara nakai mɔ lɛ yɛ otsi lɛ mli koni eye ebua lɛ. Kɛkɛ lɛ ebaabɔ ŋaa ni ewo lɛ lɛ he amaniɛ etsɔɔ nikasemɔ nɔkwɛlɔ lɛ. Nɛkɛ nyɛmimɛi ayelikɛbuamɔ kɛ miishɛɛ nɛɛ ekanya mɛi ni kulɛ amɛfee kpɔkee yɛ amɛ sɔɔmɔ mli lɛ. Yɛ enɛ kɛ yiŋtoo krokomɛi ni he hiaa hewɔ lɛ, aawo sɔɔmɔ nɔkwɛlɔi ni ekolɛ amɛku amɛhiɛ amɛshwie amɛgbɛnaa nii lɛ fa nɛɛ nɔ yɛ naatsii lɛ hewɔ lɛ hewalɛ ni amɛje shishi amrɔ nɔŋŋ.
6 Kpee kɛha Shiɛmɔyaa: Esa akɛ sɔɔmɔ nɔkwɛlɔ lɛ akwɛ kpeei kɛha shiɛmɔyaa yɛ nakai otsi lɛ mli lɛ anɔ. Esa akɛ amɛje shishi yɛ be naa pɛpɛɛɛɛ kɛji akɛ mɛi fioo po ba. Esaaa akɛ kpee lɛ heɔ fe minitii 10 kɛyashi 15. Kɛ amɛmiisumɔ lɛ amɛbaanyɛ amɛsusu daa gbi ŋmalɛ lɛ he. Esa akɛ mɔ fɛɛ mɔ ni yɔɔ kuu lɛ mli lɛ ale he ni ebaatsu nii yɛ kɛ mɔ ni ekɛ lɛ baatsu nii. (1 Kor. 14:33, 40) Esa akɛ sɔɔmɔ nɔkwɛlɔ lɛ awo hewalɛ ni mɔ fɛɛ mɔ ashi kɛya shiɛmɔ ni be fitemɔ ko kwraa bɛ mli.
7 Sɔɔmɔ nɔkwɛlɔi ni saraa wolo nikasemɔ kui lɛ be fɛɛ be lɛ ji jɔɔmɔ diɛŋtsɛ kɛha asafo lɛ. Kɛ wɔteŋ mɔ fɛɛ mɔ kɛ lɛ fee ekome yɛ esaramɔ be lɛ mli lɛ, wɔsɔɔmɔ lɛ baafee nɔ ni ato he gbɛjianɔ jogbaŋŋ kɛ nɔ ni mɔɔ shi hu. Kɛfata he lɛ, ebaana miishɛɛ kɛjɛ enitsumɔ lɛ mli. (Heb. 13:17) Abaabua mɛi ni tamɔ gwantɛŋi lɛ anaa, ni wɔbaana miishɛɛ yɛ le ni wɔleɔ akɛ wɔtsu nitsumɔ ni ka wɔnɔ akɛ wɔshiɛ wɔtsɔɔ mɛi fɛɛ ni baabo toi lɛ mli.—Yes. 61:1, 2; Ezek .9:11; Yoh. 17:26.