Gbɔmɔ Ni Fe Mɔ Fɛɛ Mɔ Ni Ehi Shi Pɛŋ Lɛ Kɛ Nitsumɔ
1 Yɛ afii ni eho lɛ amli fɛɛ lɛ, etamɔ nɔ ni wɔ woji lɛ Fɛɛ eko ewie Yesu Kristo shihilɛ kɛ esɔɔmɔ nitsumɔ lɛ he yɛ gbɛ ko nɔ. Enɛ sa jogbaŋŋ, ejaakɛ “yiwalaheremɔ bɛ mɔ ko mɔ ko mli; ni asaŋ gbɛi kroko hu bɛ ŋwɛi shishi ni aŋɔha gbɔmɛi ni sa akɛ atsɔ nɔ ahere wɔyiwala” (Bɔf. 4:12) Wolo hee nɛɛ yɛ sɔrɔto, ejaakɛ enɛ ji klɛŋklɛŋ be mli kwraa ni atu wɔ woji lɛ ekome aha Yesu shihilɛ pɛ.
2 Mɛi Krokomɛi ni Wɔkɛaaha Amɛ: Mɛni ji nibii komɛi ni yɔɔ miishɛɛ yɛ wolo nɛɛ he ni wɔbaanyɛ wɔkɛtsɔɔ? Yitso 5 teeɔ sanebimɔ ko ni sa shi ni kɔɔ “Yesu Fɔmɔ-Yɛ Nɛgbɛ ni Mɛɛ Be?” he. Obaanyɛ otee obalaŋta ko miishɛɛ shi kɛ miishɛɛ sane ni yɔɔ yitso 44 lɛ, “Ahum kpeteŋkpele ko ni Aha Efee Dioo.” Mɔ ni he yeɔ loo eyɔɔ gbɔmɔtsɔŋ gbɔjɔmɔi lɛ mii baashɛ ehe kɛ kɛtsɔ yitso 57, “Musuŋtsɔlɛ Kɛha Mɛi ni Piŋɔ Lɛ” nɔ. Yitso 90. “Gbohiiashitee he Hiɛnɔkamɔ Lɛ” baaŋɔɔ mɔ fɛɛ mɔ ni eye awerɛho pɛŋ yɛ suɔlɔ ko gbele hewɔ lɛ naa. Jeŋ shihilɛi ni haoɔ mɔ nɛɛ he susumɔ baanyɛ ekɛ nyɛ aya yitso 111, “Naagbee Gbii lɛ Ahe Okadi” lɛ he susumɔ mli.
3 Kɛ oshɛ shia loo shinaa ko naa lɛ, obaanyɛ okɛɛ akɛ: “Akɛ Kristofoi lɛ, mɛni ji nɔ ni Nyɔŋmɔ kpaa gbɛ kɛjɛɔ wɔdɛŋ? Biblia lɛ kudɔɔ wɔ koni wɔkase gbɔmɔ ni te mɔ tɛɛ mɔ yɛ je lɛŋ, Yesu Kristo, nɔkwɛmɔ nɔ lɛ. [Kanemɔ 1 Petro 2:21.] Etsɔɔ esɛɛnyiɛlɔi lɛ ni amɛsumɔ amɛnanemɛi, amɛha amɛhe atse yɛ jeŋba mli, ni amɛsɔle ni Nyɔŋmɔ Maŋtsɛyeli lɛ aba. Wɔyiwalaheremɔ damɔ Yesu ni wɔɔyɔse lɛ ni wɔbo lɛ toi akɛ wɔ Yiwalaherelɔ lɛ nɔ. [Kanemɔ Yohane 14:6.] Yesu jeee gbɔmɔ folo ko kɛkɛ. Wolo nɛɛ tsɔɔ bɔ ni eji akɛ gbɔmɔ ni le mɔ fɛɛ mɔ ni ehi shi pɛŋ. Yitso 59 maa enɛ nɔ mi, ni ewieɔ ehe akɛ. ‘Kristo, Nyɔŋmɔ hiɛkalɔ lɛ Bi’ Akɛni wɔyiwalaheremɔ damɔ enɔ hewɔ lɛ, ani onuuu he akɛ ehe miihia ni wɔkase enitsumɔ kɛ nɔ ni etsɔɔ lɛ he nii babaoo bɔ ni wɔɔnyɛ? Aje gbɛ afee wolo nɛɛ kɛha nakai yiŋtoo lɛ, ni eeeŋɔɔ minaa akɛ mikɛ enɛ aaahao.”
4 Eka shi faŋŋ akɛ onine baashɛ gbɔmɛi anɔkwafoi pii ni baahe wolo nɛɛ ni amɛkane lɛ anɔ. Bɔɔ mɔdɛŋ ni odi nɔ ni okɛhaa lɛ fɛɛ sɛɛ. Hei komɛi yɛ ni obaasumɔ ni okɛ wolo hee nɛɛ aje shia Biblia mli nikasemɔ shishi Ebaahi jogbaŋŋ kɛha weku nikasemɔ kɛ agbɛnɛ gbekɛbii ni akɛ amɛ aaakase enɛ. Gbɔmɔ ni Fe Mɔ Fɛɛ Mɔ ni Ehi Shi Pɛŋ lɛ ni wɔkɛaaha mɛi krokomɛi lɛ baanyɛ aye abua amɛ ni amɛna gbɛ ni kɛ mɔ yaa naanɔ wala mli lɛ.