Sɛɛsaramɔ Feemɔ He Kaa Lɛ
1 Akɛ sanekpakpa lɛ he sɔɔlɔi lɛ, afa wɔ ni wɔfee kaselɔi. (Mat. 28:19, 20) Enɛ kɔɔ sɛɛsaramɔi ni wɔɔfee he. Ani oyɛ wɔ Kristofoi asɔɔmɔ nitsumɔ lɛ fa ni he hiaa nɛɛ he jwɛŋmɔ kpakpa? Ni ohe aaasa yɛ sɛɛsaramɔi afeemɔ mli lɛ baanyɛ afee kaa ni kanyaa mɔ waa.—Abɛi 22:29.
2 Esa akɛ Kristofonyo ni ejɔɔ ehe nɔ lɛ anu he akɛ gbɛnaa nii ka enɔ akɛ ekɛ ehe awo kaselɔ-feemɔ nitsumɔ lɛ mli. Ekolɛ enɛ baabi ni wɔkɛ nibii ni wɔ diɛŋtsɛ wɔsumɔɔ lɛ ama afa koni wɔgba mɛi krokomɛi Maŋtsɛyeli hiɛnɔkamɔ lɛ. Sɛɛsaramɔi haa wɔnaa hegbɛ koni wɔye wɔbua anɔkwafoi lɛ ni amɛnine ashɛ amɛmumɔŋ hiamɔ nii anɔ.
3 Dii Miishɛɛ ni Ajieɔ Iɛ Kpo Iɛ Fɛɛ Sɛɛ: Esa akɛ ayasara mɛi fɛɛ ni jieɔ miishɛɛ kpo yɛ Maŋtsɛyeli sane lɛ he lɛ, eyɛ mli akɛ ekolɛ amɛheee wɔwoji lɛ eko. Mɛi pii jieɔ miishɛɛ kpo kɛtsɔɔ bɔ ni amɛsumɔɔ ni amɛkɛ wɔ agba Biblia mli saji lɛ nɔ. Yesu kɛ bɔfoi lɛ tsɔɔ bɔ ni abaanyɛ akanya miishɛɛ yɛ Maŋtsɛyeli sane lɛ he kɛtsɔ ŋmalɛ mli saji pɔtɛɛ ni akɛ gbɔmɛi lɛ aaasusu he lɛ nɔ.—Mar 20:21; Bɔf. 2:37-41.
4 Yiŋtoo hewɔ ni wɔyaa sɛɛsaramɔ lɛ ji ni wɔje Biblia kasemɔ shishi. Wɔbaanya wɔfee bɔ ni afeɔ shia Biblia mli nikasemɔ ahaa lɛ he nɔkwɛmɔ nɔ wɔtsɔɔ shiatsɛ lɛ. Obaanyɛ ona nɔmimaa akɛ Yehowa baabo osɔlemɔ kɛha yelikɛbuamɔ koni ona mɔ ni hiɛ tsui jurɔ ni oootsɔɔ lɛ nii lɛ toi. Yehowa baajɔɔ omɔdɛŋbɔɔ yɛ anɔkwayeli mli yɛ esɔɔmɔ mli lɛ nɔ. Mɛni hewɔ otaooo Yehowa yelikɛbuamɔ ni okɛfee oti ni ma ohiɛ akɛ okɛ mɔ ko aaaje Biblia lɛ kasemɔ shishi?
5 Okɛ Oshiɛmɔ Woji Bibii lɛ Atsu Nii Jogbaŋŋ: Abaanyɛ akɛ dɛhiɛmɔ woji lɛ atsu nii yɛ gbɛ ni mɔɔ shi nɔ ni akɛje Biblia kasemɔ shishi. Mɛi pii enyɛ amɛje sanegbaa shishi kɛtsɔ ehiɛ mfoniri lɛ he susumɔ kɛkɛ nɔ. Okɛ shiatsɛ lɛ akane kuku kome shikome da. Kɛ abi sane lɛ, mɛɛ, ni ofɔ shiatsɛ lɛ nine ni etsɔɔ e-Jwɛŋmɔ. Nyɛkanea ŋmalɛi lɛ ni otsɔɔ bɔ ni amɛkɔɔ sane lɛ he. Kɛkɛ lɛ abaanyɛ akudɔ sanegbaa lɛ kɛya wolo ni abaanyɛ akase lɛ mli.
6 Okɛ Reasoning Wolo lɛ Atsu Nii: Abaanyɛ akɛ Reasoning wolo lɛ afee sɛɛsaramɔi ni mɔɔ shi. Emli saji otii ni ato naa loo index lɛ mlikwɛmɔ baaye abuao ni ohala saji ni sa ni obaanyɛ okɛ mɔ lɛ asusu he beni otsaa otsutsu sanegbaa lɛ nɔ lɛ. Efa ni Ji “Scriptures Often mis-applied” (Ŋmalɛi ni Akɛtsuɔ Hii yɛ Gbɛ ni Ejaaa Nɔ) lɛ baanyɛ afee nɔ ni sɛɛnamɔ yɔɔ he yɛ shitee-kɛ-woo ni baanyɛ ate shi lɛ ahe. Gbɛgbalɔi bɔɔ amaniɛ akɛ amɛyeɔ omanye babaoo yɛ Biblia kasemɔi ashishijee mli yɛ saji ni yɔɔ Reasoning wolo lɛ baafa 204 yɛ How Do Jehovah’s Witnesse’s arives at their explanation of the Bible?”(Te Yehowa Odasefoi feɔ tɛŋŋ ni amɛmuɔ Biblia mli sane naatsɔɔmɔ naa nakai lɛ?) ni amɛkɛtsuɔ nii lɛ hewɔ. Amɛtsɔɔ mɔ ni yɔɔ wiemɔ lɛ he miishɛɛ lɛ bɔ ni wɔhaa Biblia lɛ diɛŋtsɛ kɛ emlitsɔɔmɔ haa lɛ mli. Enɛ yeɔ omanye ni eha anyɛ aje Biblia mli nikasemɔi pii ashishi.
7 Ehe miihia ni wɔtsɔɔ akɛ wɔnyaa Yehowa tooi lɛ ahe waa taakɛ Yesu kɛ bɔfoi lɛ fee lɛ. (Luka 9:11) Suɔmɔ ni wɔyɔɔ kɛha gbɔmɛi lɛ baaye abua wɔ ni wɔkɛ Maŋtsɛyeli anɔkwalei lɛ aya amɛŋɔɔ. (2 Kor. 2:17) Kɛ wɔma wɔhe ni wɔkɛhaa gbɔmɛi koni ahi aha amɛ yɛ mumɔŋ lɛ nɔ mi babaoo lɛ, wɔnyɛɔ wɔbɔɔ sɛɛsaramɔi ni afeɔ lɛ he mɔdɛŋ.