Taomɔ Hiɛkpamɔ Wiemɔ ni Kanyaa Mɔ
1 Buu-Mɔɔ lɛ kɛ Awake! lɛ fɛɛ he yɛ sɛɛnamɔ yɛ anɔkwale dumɔwui lɛ ni amɛtɛoɔ yɛ mɛi ni kaneɔ lɛ ajwɛŋmɔi kɛ tsuii amli lɛ mli. No hewɔ lɛ wɔmiisumɔ ni wɔtao gbɛi ni mɔɔ shi jogbaŋŋ ni wɔɔtsɔ nɔ wɔba woji tɛtrɛbii nɛɛ abote mɛi ni mumɔŋ agugui ni yɔɔ mli Iɛ he aaaba sɛɛnamɔ aha amɛ lɛ ashiai amli.
2 Te wɔɔfee tɛŋŋ wɔkanya shiatsɛmɛi lɛ ni amɛhe ni amɛkane wɔ woji tɛtrɛbii lɛ? Babaoo damɔ gbɛ ni wɔtsɔɔ nɔ wɔkɛhaa amɛ lɛ nɔ. Anaa ŋaawoi ni nɔ bɛ ni atsɔɔ nɔ asaa he ahaa hiɛkpamɔ wiemɔi ni mɔɔ shi yɛ Reasoning wolo lɛ baafai 9-15.
3 Kɛ okɛ October 1 Buu-Mɔɔ lɛ miiha lɛ, obaanyɛ obɔ mɔdɛŋ ni okɛ ŋaawoo ni ji etɛ ni yɔɔ yitso “Current Events” shishi yɛ Reasoning wolo lɛ baafai 10-11 lɛ atsu nii.
Beni ojie ohe kpo lɛ, obaanyɛ okɛɛ akɛ:
“Kɛ obaanyɛ ohala lɛ, te naagbai babaoo ni jwere je lɛ nɔ bianɛ lɛ ateŋ nɔ ni obaasumɔ ni a jie no kɛya klɛŋklɛŋ?” Bo shiatsɛ lɛ hetoo lɛ toi, ni okpɛlɛ bɔ ni esusuɔ sane he Iɛ nɔ. Kɛkɛ lɛ obaanyɛ oya nɔ ni owie nɔ ko tamɔ nɛkɛ: “Susumɔ nɔ ni Biblia lɛ kɛhaa akɛ naagbai nɛɛ anaa tsabaa lɛ he okwɛ. [Kanemɔ Yesaia 9:6, 7] No hewɔ lɛ adesai anaagbai fɛɛ anaa tsabaa damɔ Mesia, Yesu Kristo nɔyeli ni ja lɛ nɔ.” Agbɛnɛ gbelemɔ baafa 8 ni ogbala jwɛŋmɔ kɛya sane. “Mesia Lɛ—Ani Eji Hiɛnɔkamɔ Diɛŋtsɛ?” lɛ naagbee kukuji etɛ lɛ nɔ.
4 Anaa hiɛkpamɔ wiemɔi krokomɛi enyɔ ni obaanyɛ okɛtsu October 1 Buu-Mɔɔ lɛ he nii lɛ yɛ Reasoning wolo lɛ baafa 11 yɛ yitso. “Employment/Housing” shishi. Obaanyɛ otsɔɔ enɛɛmɛi amli kɛ sanebimɔi yɛ bo diɛŋtsɛ owiemɔi amli aloo oti nɔ ni awie yɛ Reasoning wolo lɛ mli lɛ mli kɛkɛ. Yɛ be mli ni okpɛlɛ gbɔmɔ lɛ wiemɔ nɔ lɛ sɛɛ lɛ, yaa nɔ kɛtsɔ nibii ni ona yɛ klɛŋklɛŋ kuku ni yɔɔ baafa 4 lɛ he sanegbaa yɛ yitso bibioo “Ani Tsabaa ko Kwraa Bɛ He?” shishi lɛ nɔ. Agbɛnɛ kanemɔ Yesaia 65:21-23, ni otsɔɔ lɛ jɔɔmɔi ni Mesia lɛ nɔyeli lɛ kɛbaaba lɛ mli.
5 Kɛ okɛ October 8 Awake! lɛ ni wieɔ ‘Obaanyɛ Oye Henumɔi ni Ejaaa lɛ Anɔ Kunim’ he lɛ mitsu nii lɛ, obaanyɛ okɛ hiɛkpamɔ wiemɔ ni ji etɛ ni yɔɔ yitso “Life/Happiness” shishi yɛ Reasoning wolo lɛ baafa 13 Iɛ atsu nii. Yɛ be mli ni okɛ Lala 1:1, 2, eto he lɛ, obaanyɛ ogbala jwɛŋmɔ kɛya sane titri ko ni sa yɛ Awake! wolo tɛtrɛɛ lɛ mli lɛ nɔ. Okɛ September woji tɛtrɛbii lɛ atsu nii kɛ nyɛbɛ October nɔ lɛ eko.
6 Eka shi faŋŋ akɛ okɛ shiatsɛmɛi ni baakɛɛ akɛ amɛyɛ amɛ diɛŋtsɛ amɛjamɔ mli woji baakpe Obaanyɛ otsɔɔ mli akɛ wɔ hu wɔyɛ woji ni ji wɔ pɛ wɔnɔ (tamɔ Wɔ Maŋtsɛyeli Sɔɔmɔ lɛ nɛkɛ) ; shi gbɔmɛi akpekpei abɔ ni jeee Yehowa Odasefoi kaneɔ wɔ woji lɛ. Agbɛnɛ okɛ nɔ ni ashɛɔ lɛ atsɔɔ lɛ. Obaanyɛ ni okɛ wolo tɛtrɛɛ ko loo dɛhiɛmɔ wolo ko aha lɛ kɛ enyɛɛɛ eshɛ.
7 Paulo kɛɛ yɛ 1 Korintobii 3:6 akɛ: “Mitɛo, Apolo shwie nɔ nu, shi Nyɔŋmɔ ha shwere.” Kɛ wɔmiisumɔ ni Yehowa aha anɔkwale dumɔwui ni wɔtɛoɔ yɛ mɛi ni yɔɔ wiemɔ lɛ he miishɛɛ lɛ atsuii amli lɛ ashwere lɛ, belɛ esa akɛ wɔtɛo nɛkɛ dumɔwui nɛɛ jogbaŋŋ yɛ gbɛ ni mɔɔ shi nɔ kɛtsɔ hiɛkpamɔ wiemɔi ni kanyaa mɔ nɔ.