Biblia Mli Nikasemɔ Shishijee Yɛ December
1 Yesu fa ekaselɔi lɛ ni amɛfee sanekpakpa lɛ he tsɔɔlɔi. (Mat. 28:19, 20) Gbɛ krɛdɛɛ ni wɔtsɔɔ nɔ wɔkɛtsɔɔ mɛi anii ji kɛtsɔ Biblia mli nikasemɔi anɔ. Ahi oona nitsumɔ nɛɛ mli gbɛfaŋnɔ? Kɛ jeee nakai lɛ, belɛ te ooofee tɛŋŋ onyɛ oje nikasemɔ shishi bɔni afee ni onyɛ ona mɛi krokomɛi anitsɔɔmɔ mli ŋɔɔmɔ babaoo?
2 Ekolɛ wɔkɛ dɛhiɛmɔ wolo ko ha shiatsɛ lɛ ni wɔwo lɛ shi akɛ wɔbaaku sɛɛ wɔkɛ lɛ abagba emli saji.
Kɛ wɔmiiku wɔsɛɛ wɔyafee sɛɛsaramɔ yɛ shiatsɛ ni wɔshi dɛhiɛmɔ wolo “Ani je Nɛɛ Baaya nɔ Ahi Shi?” lɛ wɔha lɛ lɛ, wɔbaanyɛ wɔkɛɛ akɛ:
◼ “Beni miba biɛ gbii fioo ko ni eho lɛ, wɔsusu saji ni kɔɔ bɔni wɔ be nɛɛ he hiaa ha lɛ ahe, ni akɛ Yesu tsɔɔ shihilɛi ni yaa nɔ yɛ wɔgbii nɛɛ amli lɛ mli jogbaŋŋ. Masumɔ akɛ mikɛ bo aye minitii fioo ko pɛ ni wɔsusu sane ko ni jɛ dɛhiɛmɔ wolo ni mishi miha bo lɛ mli lɛ he kuku. Kadimɔ nɔ ni akɛɛ yɛ yitso fioo ni ji ‘Okadi’ Iɛ shishi.” Gbelemɔ baafa 3 yɛ dɛhiɛmɔ wolo Iɛ mli, ni okɛ lɛ asusu klɛŋklɛŋ kukuji enyɔ loo etɛ yɛ nakai yitso fioo lɛ shishi lɛ he, ni okane ŋmalɛi ni atsɛ sɛɛ lɛ kɛ be aaaŋmɛ gbɛ. Maa bɔ ni Yesu gbalɛ lɛ baa mli ehaa ŋmɛnɛ Iɛ nɔ mi. Too gbɛjianɔ ni oku osɛɛ okɛ Iɛ ayagba kukuji ni yɔɔ yitso fioo nɛɛ shishi Iɛ ahe sane. Wo shiatsɛ lɛ hewalɛ ni ekane emli sane lɛ dani oku sɛɛ oya eŋɔɔ.
3 Aloo obaanyɛ okɛɛ nɔ ko nɛkɛ akɛ:
◼ “Be ko ni wɔ gba sane lɛ, mishi dɛhiɛmɔ wolo ko ni hiɛ yitso akɛ Ani Je Nɛɛ Baaya nɔ Afi Shi? miha bo. Yɛ nakai be lɛ mli lɛ wɔsusu sane ni kɔɔ gbɛfaŋnɔ ni Yesu Kristo naa yɛ jeŋ saji amli lɛ he. Wɔkane ewiemɔi ni aŋma yɛ Biblia lɛ mli yɛ Yohane 17:3 lɛ. [Kanemɔ.] Akɛni ehe miihia ni wɔkase Nyɔŋmɔ kɛ Yesu he sane kɛ wɔmiisumɔ ni wɔna naanɔ wala lɛ hewɔ Iɛ, ehe baaba sɛɛnamɔ akɛ wɔɔfee bɔ ni wɔnyɛ ni wɔna nilee ni tamɔ nɛkɛ. Beni Yesu yɔɔ shikpɔŋ nɔ Iɛ ejie Nyɔŋmɔ sui babaoo ni yɔɔ naakpɛɛ lɛ akpo etsɔɔ. Ani ejeee nɔ ni jwɛŋmɔ yɔɔ mli akɛ beni wɔyaa nɔ wɔleɔ Yesu kɛ esɔɔmɔ nitsumɔ lɛ he nii babaoo Iɛ, wɔbaleɔ e-Tsɛ Iɛ he nii babaoo hu? [Ŋmɛɛ gbɔ ni ewie.] Kadimɔ nɔ ni wolo ni ji Gbɔmɔ ni Fe Mɔ Fɛɛ Mɔ ni Ehi Shi Pɛŋ, lɛ kɛɔ.” Kanemɔ klɛŋklɛŋ kukuji enyɔ lɛ yɛ yitso 116 lɛ baafa ni ji nyɔŋma lɛ mli. Maa nɔ mi akɛ Sanekpakpa Iɛ mli saji ejwɛ ni kɔɔ Yesu he lɛ tɛɛ yɛ wolo nɛɛ mli ni eto nikasemɔi sɔrɔtoi lɛ anaa pɛpɛɛpɛ yɛ bɔ ni eko fɛɛ eko nyiɛ eko sɛɛ ba lɛ naa. Tsɔɔmɔ lɛ yitsei lɛ amli wiemɔi pɔtɛɛ komɛi, mfonirii, kɛ shikpɔŋ he mfoniri ni yɔɔ wolo Iɛ shishijee gbɛ lɛ. No hewɔ lɛ beni otee emiishɛɛ shi sɛɛ Iɛ, okɛ wolo lɛ aha.
4 Beni wɔŋa shiatsɛ ni he “Gbɔmɔ ni Fe Mɔ Fɛɛ Mɔ” wolo lɛ sɛɛ lɛ, wɔbaanyɛ wɔkɛɛ akɛ:
◼ “Taakɛ mitsi ta mitsɔɔ bo yɛ miklɛŋklɛŋ saramɔ be lɛ mli lɛ, ato Gbɔmɔ ni Fe Mɔ Fɛɛ Mɔ wolo Iɛ he gbɛjianɔ jogbaŋŋ kɛha Biblia mli nikasemɔ. Masumɔ akɛ mafee bɔ ni abaanyɛ akɛtsu nii jogbaŋŋ kɛmɔ shi lɛ matsɔɔ bo.” Gbelemɔ wolo lɛ yitso 1 ni ji, “Shɛɛ Saji ni Jɛ Ŋwɛi.” Gbalamɔ shiatsɛ lɛ jwɛŋmɔ kɛya sanebimɔi ni akala lɛ anɔ. Kanemɔ klɛŋklɛŋ sanebimɔ Iɛ, no sɛɛ lɛ okɛ lɛ asusu kukuji ni jeɔ shishi lɛ ahe. No sɛɛ lɛ ha mfoniri ni yɔɔ baafa ni ji enyɔ lɛ akɔ sane lɛ he.Okɛlɛ asusu sanebimɔi ni eshwɛ lɛ ahe, ni oma hetoi lɛ anɔ mi kɛ be aaaŋmɛ gbɛ. Dani okɛ saramɔ lɛ aaaba naagbee Iɛ, too gbɛjianɔ ni oku sɛɛ obatsa sanegbaa Iɛ nɔ.
5 Kɛ wɔtsɔ jwɛŋmɔ kpakpa ni wɔɔna nɔ, ni wɔsaa wɔhe jogbaŋŋ, ni wɔkɛ hegbɛ fɛɛ ni wɔɔna lɛ tsu nii lɛ, belɛ wɔbaawaje wɔhe jogbaŋŋ, koni wɔje Biblia mli nikasemɔ shishi yɛ December mli.