Sanekpakpa yɛ Internet lɛ Nɔ

Yɛ wɔ tsɔnei ahe nitsumɔ yi­nɔ nɛɛ mli lɛ, mɛi komɛi anine shɛɔ saji anɔ kɛtsɔɔ ilɛtrɔnik nɔ, ni nɔ ni fata he ji Internet lɛ. No hewɔ lɛ, Asafo lɛ kɛ saji komɛi ni ja ni kɔɔ Yehowa Odasefoi ahemɔkɛyelii kɛ amɛnitsumɔi ahe ewo Internet lɛ nɔ.

Wɔ Internet Web hé lɛ adrɛs ji http://www.watchtower.org, ni nɔ ni yɔɔ jɛmɛ ji dɛhiɛmɔ woji, woji bibii, kɛ Buu-Mɔɔ kɛ ­Awake! ni ahala, ni yɔɔ Ŋleshi blɔfo, China (Ni afee lɛ mlɛo), Germany, Russia, kɛ Spain wiemɔi amli lɛ, kɛ wiemɔi krokomɛi. Woji ni yɔɔ Web hé nɛɛ yɛ asafoi lɛ amli momo, ni akɛmiitsu nii yɛ sɔɔmɔ nitsumɔ lɛ mli. Yiŋtoo ni yɔɔ wɔ Web hé lɛ jeee ni wɔkɛjie woji heei akpo, shi moŋ bɔni afee ni wɔha maŋbii lɛ anine ashɛ saji anɔ kɛtsɔ ilɛtrɔnik gbɛ nɔ. Ehe ehiaaa ni mɔ aŋkro ko abua saji ni kɔɔ Yehowa Odasefoi, wɔ nitsumɔi, loo wɔhemɔkɛyelii anaa ni ekɛtsu nii yɛ Internet lɛ nɔ. He ni akɛha wɔ yɛ mla naa lɛ kɛ saji ni ja haa mɔ fɛɛ mɔ ni miitao.

Eyɛ mli akɛ wɔ gbɛhe lɛ bɛ gbɛjianɔtoo ko kɛha shɛɛ saji amajemɔ kɛtsɔ ilɛtrɔnik nɔ (E-mail) moŋ, shi eto nitsumɔhe niji ni yɔɔ jeŋ fɛɛ lɛ adrɛs lɛ naa. No hewɔ lɛ, gbɔmɛi baanyɛ aŋma koni amɛbi saji lolo, loo koni amɛnine ashɛ yelikɛbuamɔ nɔ kɛjɛ Odasefoi ni yɔɔ jɛmɛ lɛ aŋɔɔ. Okɛ mɔ fɛɛ mɔ ni ekolɛ ebaasumɔ ni ebɔi Biblia mli anɔkwale lɛ kasemɔ kɛtsɔ nɛkɛ gbɛ nɔ lɛ agba Internet lɛ nɔ adrɛs ni yɔɔ ŋwɛigbɛ lɛ he sane yɛ miishɛɛ mli.