Nɔ ni Esa akɛ Owie yɛ Woji Tɛtrɛbii lɛ Ahe

The Watchtower Feb. 15

“Ani osusu gbɛ ni hi fe fɛɛ ni oootsɔ nɔ okudɔ oshihilɛ ni ofee yiŋkpɛi titrii? [Ŋmɛɛ gbɛ ni eha hetoo.] Anaa gbɛtsɔɔmɔi ni hi fe fɛɛ lɛ ateŋ ekomɛi, tamɔ Mla Kpakpa lɛ, yɛ Biblia lɛ mli. [Kanemɔ Mateo 7:12.] Mɛɛ shishitoo mlai krokomɛi ni Nyɔŋmɔ gbeyeishemɔ yɔɔ mli lɛ he baanyɛ aba sɛɛnamɔ kɛha wɔ tɛ̃ɛ? Obaana hetoo lɛ yɛ nɛkɛ wolo tɛtrɛɛ nɛɛ mli.”

Awake! Feb. 22

“Ekolɛ ona akɛ nitsumɔhei pii efee hei ni yɔɔ oshara babaoo. Ŋaawoi ni kɔɔ gbɛ ni abaanyɛ atsɔ nɔ ni jɛmɛ afee hei ni yɔɔ shweshweeshwe lɛ yɛ wolo tɛtrɛɛ nɛɛ mli. Etsɔɔ hu akɛ, wɔ hilɛ-kɛhamɔ kɔɔ heloo gbɛfaŋ nitsumɔ he jwɛŋmɔ ni ŋmɛɔ pɛpɛɛpɛ ni wɔyɔɔ lɛ he. Ofainɛ kanemɔ.”

The Watchtower Mar. 1

“Yɛ nibii babaoo ni yaa nɔ ŋmɛnɛ hewɔ lɛ, wɔteŋ mɛi pii miisusu nɔ ni wɔsɛɛ be kɛbaaba lɛ he. Yesu Kristo jie nɔ hewɔ ni wɔbaanyɛ ni wɔkɛ hekɛnɔfɔɔ akwɛ wɔsɛɛ be gbɛ lɛ kpo yɛ sɔlemɔ ko ni ehe gbɛi lɛ mli. [Kanemɔ Mateo 6:9, 10.] Adesai miiti tɔmɔi ni atɔ yɛ jeeŋmɔ be ko ni eho lɛ amli ekoŋŋ. Shi mɛi ni sɔmɔ Nyɔŋmɔ yɛ nakai gbii lɛ amli lɛ anine shɛ wɔsɛɛ be ni miishɛɛ yɔɔ mli nɔ. Wolo tɛtrɛɛ nɛɛ tsɔɔ bɔ ni wɔ hu wɔɔfee wɔná enɛ.”

Awake! Mar. 8

“Biblia lɛ maa wolo kasemɔ kpakpa nɔ mi. [Kanemɔ Abɛi 2:10, 11.] Wɔteŋ mɛi pii yɔseɔ bɔ ni ehe hiaa ni gbekɛbii aná tsɔɔlɔi ni he esa. Awake! maa nitsumɔ ni he hiaa waa ni tsɔɔlɔi tsuɔ lɛ nɔ mi, bɔ ni esa akɛ wɔhiɛ asɔ afɔlei ni amɛshãa, kɛ nɔ ni fɔlɔi baanyɛ afee ni amɛkɛye amɛbua amɛ yɛ amɛ nitsumɔ ni wa lɛ mli.”