Nɔ ni Esa akɛ Owie yɛ Woji Tɛtrɛbii lɛ Ahe

The Watchtower Apr. 15

“Ekɔɔɔ he eko he ni gbɔmɛi yɔɔ lɛ, amɛmiisumɔ ni amɛhi shi shweshweeshwe, ni eko ji nitsumɔ kpakpa ni aaana atsu nɛkɛ. Shi ani osusu he pɛŋ akɛ shweshweeshwefeemɔ jɛɛhe ko ní hiɔ shi daa yɛ, ni baaha ohi shi shweshweeshwe kɛya naanɔ? [Kanemɔ Lala 16:8, 9.] Buu-Mɔɔ nɛɛ epɛi he ni abaanyɛ aná anɔkwa shweshweeshwefeemɔ shihilɛ yɛ lɛ mli.”

Awake! Apr. 22

“Ŋmɛnɛ, mɛi babaoo miishi sɔlemɔ ni ato he gbɛjianɔ lɛ koni amɛyaja Nyɔŋmɔ yɛ amɛ diɛŋtsɛ amɛgbɛ nɔ. Te onuɔ nakai nifeemɔ lɛ he ohaa tɛŋŋ? [Ŋmɛɛ gbɛ ni eha hetoo.] Biblia lɛ tsɔɔ akɛ bɔ ni wɔjaa Nyɔŋmɔ wɔhaa lɛ he miihia lɛ waa. [Kanemɔ Yohane 4:24.] Awake! nɛɛ gbaa bo gbɛ ni hi fe fɛɛ ni oootsɔ nɔ otsu omumɔŋ hiamɔ nii lɛ ahe nii.”

The Watchtower May 1

“Ani ole mɔ ko ni bɛ hewalɛ waa, loo mɔ ko ni eje kpa? Ŋwanejee ko bɛ he akɛ okpɛlɛɔ nɔ akɛ hewalɛwoo he miihia mɛi ni tamɔ nɛkɛ. Shi mɛni wɔbaanyɛ wɔkɛɛ ni wɔkɛwo amɛ hewalɛ? Biblia lɛ kɛ hiɛnɔkamɔ wiemɔi haa. [Kanemɔ Yesaia 35:5, 6.] Buu-Mɔɔ nɛɛ tsɔɔ wɔ nɔ hewɔ ni wɔbaanyɛ wɔna nɔmimaa akɛ nɛkɛ gbalɛ nɛɛ baaba mli anɔkwale.”

Awake! May 8

“Yɛ afi ni eho nɛɛ mli lɛ, afite toiŋjɔlɛ fe be fɛɛ ni eho. Ani osusuɔ akɛ adesai anɔyelii baanyɛ amɛkɛ jeŋ toiŋjɔlɛ aba? [Beni eha hetoo sɛɛ lɛ, kanemɔ Yesaia 2:4.] Awake! nɛɛ tsɔɔ wɔ nɔ hewɔ ni wɔbaanyɛ wɔna nɔmimaa akɛ, etsɛŋ ni jeŋ toiŋjɔlɛ baaba mli diɛŋtsɛ.”