Nɔ ni Esa akɛ Owie yɛ Woji Tɛtrɛbii lɛ Ahe

The Watchtower June 15

“Ani osusuɔ akɛ wɔbaana naagbai ni tamɔ nɛkɛ lɛ anaagbee gbi ko? [Kanemɔ klɛŋklɛŋ sane ni aŋma lɛ shishijee wiemɔi lɛ ni oŋmɛ lɛ gbɛ ni ewie.] Nyɔŋmɔ Wiemɔ ni jɛ mumɔŋ lɛ maa nɔ aduatsɔ kɛhaa wɔ akɛ etsɛŋ kwraa ni naagbai ni tamɔ nɛkɛ baaba naagbee. [Kanemɔ Lala 72:12-14.] Buu-Mɔɔ nɛɛ tsɔɔ bɔ ni abaatsu enɛ he nii aha lɛ mli.”

Awake! June 22

“Ani osusuɔ akɛ heyeli diɛŋtsɛ baanyɛ aba kɛha mɔ fɛɛ mɔ ni yɔɔ shikpɔŋ nɔ? [Ŋmɛɛ gbɛ ni eha hetoo.] Kadimɔ shiwoo ni yɔɔ miishɛɛ ni jɛ Nyɔŋmɔ ŋɔɔ nɛɛ. [Kanemɔ Romabii 8:21.] Bɔni afee ni nakai shiwoo lɛ aba mli anɔkwale lɛ, esa akɛ nyɔŋyeli fɛɛ aba naagbee, aloo jeee nakai? Awake! nɛɛ tsɔɔ gbɛ ni enɛ baatsɔ nɔ aba.”

The Watchtower July 1

“Gbɔmɛi akpekpei abɔ kɛ amagai loo jamɔ he nibii tsuɔ nii yɛ amɛjamɔ mli, yɛ be mli ni akpekpei abɔ krokomɛi susuɔ akɛ nakai feemɔ ejaaa. Ani osusu bɔ ni Nyɔŋmɔ jwɛŋɔ enɛ he lɛ he pɛŋ? [Ŋmɛɛ gbɛ ni eha hetoo. Agbɛnɛ kanemɔ Yohane 4:24.] Saji ni aŋmala nɛɛ tsɔɔ bɔ ni jamɔ he nibii lɛ je shishi kɛ nɔ ni Biblia lɛ wieɔ yɛ amaga jamɔ he.”

Awake! July 8

“Biblia lɛ gba akɛ jaramɔ bei baaba yɛ naagbee gbii lɛ amli. [Kanemɔ 2 Timoteo 3:1, 3.] Awuiyelii ni yaa nɔ yɛ je lɛŋ fɛɛ lɛ yeɔ enɛ he odase. Kwɛ bɔ ni shihilɛ lɛ baafite kwraa aha kɛji polisifoi bɛ kulɛ! Awake! nɛɛ wieɔ naagbai ni polisifoi kɛkpeɔ yɛ jeŋ fɛɛ lɛ he.”