Nɔ ni Esa akɛ Owie yɛ Woji Tɛtrɛbii lɛ Ahe

The Watchtower May 15

“Wɔnuɔ adafitswai ni kɔɔ awuiyeli he daa gbi. Ani osusuɔ akɛ shihilɛi ni tamɔ nɛkɛ ehi shi dã? [Ŋmɛɛ gbɛ ni eha hetoo.] Kadimɔ nɔ ni Biblia lɛ kɛɔ. [Kanemɔ Mateo 24:37.] Nibii ni tee nɔ yɛ Noa gbii lɛ amli lɛ ehiii kwraa aahu akɛ Nyɔŋmɔ kpata amɛ fɛɛ amɛhiɛ ákɛ ja Noa kɛ eweku lɛ pɛ. Nɛkɛ wolo tɛtrɛɛ nɛɛ tsɔɔ bɔ ni nakai nibii ni ba lɛ yɔɔ shishinumɔ ko kɛha wɔ ŋmɛnɛ.”

Awake! May 22

“Ŋmɛnɛ, hela ni kooloi bibii ni filikiɔ kɛbaa lɛ ji wɔgbɔmɔtsoŋ hewalɛnamɔ he osharai babaoo lɛ ateŋ ekome. Ani ole akɛ nifeemɔ gbɛjianɔtoi komɛi yɛ ni wɔbaanyɛ wɔkɛtsu nii koni wɔkɛbu wɔhe? [Ŋmɛɛ gbɛ ni eha hetoo.] Nɛkɛ wolo tɛtrɛɛ nɛɛ wieɔ nɛkɛ nifeemɔ gbɛjianɔtoi nɛɛ ahe, ni ewieɔ Biblia mli shiwoo ni kɔɔ be mli ni hela bɛ dɔŋŋ lɛ he lɛ hu he.” Kanemɔ Yesaia 33:24 ni okɛmu sane lɛ naa.

The Watchtower June 1

“Adafitswai ni kɔɔ shika ni akɛke ni atsuuu he nii jogbaŋŋ lɛ he lɛ eha mɛi komɛi esusu he kɛji nilee yɛ mli akɛ aaake ohiafoi anii. Kɛlɛ, mɛi babaoo yɛ ni ehia amɛ. Mɛni osusuɔ akɛ abaanyɛ afee? [Ŋmɛɛ gbɛ ni eha hetoo. Agbɛnɛ kanemɔ Hebribii 13:16.] Nɛkɛ wolo tɛtrɛɛ nɛɛ tsɔɔ nihamɔ ni saa Nyɔŋmɔ hiɛ.”

Awake! June 8

“Etamɔ nɔ ni gbɔmɛi ni yɔɔ ŋmɛnɛ lɛ ebuuu jeŋba kɛ sui kpakpai taakɛ afee yɛ afii ni eho lɛ amli lɛ. Ani oyɔse akɛ eji anɔkwale? [Ŋmɛɛ gbɛ ni eha hetoo.] Miishɛɛ sane ji akɛ, Biblia lɛ kɛ nɛkɛ shiwoo nɛɛ eha. [Kanemɔ 2 Timoteo 3:1-5.] Nɛkɛ Awake! nɛɛ wieɔ nɔ hewɔ ni adesai ashihilɛ gbɛ kpakpa lɛ tsakeɔ lɛ kɛ nɔ ni yɔɔ wɔsɛɛ be mli lɛ he.”