Wolo ni Jɛ Nitsumɔhe Nine

Suɔmɔ Maŋtsɛyeli Shiɛlɔi:

“Nyɔŋmɔ ha shwere.” (1 Kor. 3:6) Kwɛ bɔ ni eyɔɔ miishɛɛ akɛ aaana nɔyaa yɛ Ghana shikpɔŋkuku lɛ mli! Yɛ afi 2003 sɔɔmɔ afi lɛ mli lɛ, aje Biblia mli nikasemɔi heei ni fa fe 30,000 shishi! Enɛ sa yijiemɔ.

He kome ni Yehowa ejɔɔ wɔnitsumɔ lɛ nɔ yɛ ji tsuŋwoohe shikpɔŋkuku lɛ mli. Ato kui ashishi yɛ tsuŋwoohei 12 ni yɔɔ shweshweeshwe lɛ amli yɛ maŋ lɛ mli fɛɛ. Amaniɛbɔɔ tsɔɔ akɛ gboklɛfoi babaoo miikase Biblia lɛ. Amɛteŋ mɛi komɛi ahe esa akɛ shiɛlɔi ni abaptisiko amɛ. Mɔ kome miisaa ehe kɛha baptisimɔ.

Bɔni afee ni anyɛ akɛ woji amaje jeŋ muu fɛɛ shikpɔŋkuku ni woɔ yibii babaoo lɛ, aalɛɛ woji akalamɔhe ni yɔɔ Watchtower Farms, ni bɛŋkɛ Wallkill, New York lɛ mli. Aaná nɔyaa kpakpa yɛ mlilɛɛmɔ hɛkta 1.4 ni akɛfataa he lɛ mli. Enɛ baafee tamɔ Maŋtsɛyeli Asai 30 adalɛ ni sa! Ato gbɛjianɔ koni aha woji akalamɔ tsɔnei wuji enyɔ ni hi fe fɛɛ lɛ abashɛ Wallkill yɛ afi 2004 mra mli. Tsɔne lɛ eko fɛɛ eko baanyɛ akala woji tɛtrɛbii ni naa shɛɔ 25 yɛ hiŋmɛitswaa mli. Abaato woji atsaramɔ kɛ majemɔ tsɔji heei hu ahe gbɛjianɔ yɛ afi 2004 mli. Wɔmiijie nyɛyi nyɛmimɛi yɛ nitsumɔ fɛfɛo ni nyɛtsuɔ yɛ shiɛmɔ nitsumɔ lɛ mli lɛ hewɔ.

Yɛ be mli ni wɔjeɔ afi 2004 lɛ shishi lɛ, wɔmiisɔle akɛ Yehowa baaya nɔ ajɔɔ wɔ ni ‘eha eya nɔ eshwere.’

Nyɛnyɛmimɛi,

Ghana Nitsumɔhe Nine