Wolo ni Jɛ Nitsumɔhe Nine

Maŋtsɛyeli Shiɛlɔi ni Asumɔɔ:

Yɛ afii ni eho lɛ amli lɛ, mɛi babaoo ená skul ni Yehowa, ni ji wɔ-Tsɔɔlɔ Kpeteŋkpele lɛ toɔ he gbɛjianɔ kɛtsɔ esafo lɛ nɔ ní ekɛtsɔseɔ sanekpakpa lɛ he shiɛlɔi lɛ he sɛɛ. (Yes. 48:17, 18) Ákɛ nɔkwɛmɔnɔ lɛ, mɛi heei kɛ mɛi ni lé nikanemɔ kɛ niŋmaa lɛ ená Teokrase Sɔɔmɔ Skul lɛ kɛ nikanemɔ kɛ niŋmaa skul lɛ he sɛɛ.

Agbɛnɛ hu lɛ, asafoi lɛ ená Gbɛgbalɔi Asɔɔmɔ Skul, Sɔɔmɔ Tsɔsemɔ Skul, Maŋtsɛyeli Sɔɔmɔ Skul, kɛ Nɔkwɛlɔi Gbɛfalɔi Askul lɛ he sɛɛ. Wɔyɛ he miishɛɛ akɛ wɔɔha nyɛle amrɔ nɛɛ akɛ aje skul hee ko shishi yɛ United States.

Adafitswaa ko ni akɛha Brooklyn Betel weku lɛ yɛ February 4, 2008 lɛ ha amɛtswa amɛdɛ̃ waa. Nɔ ni akɛɛ nɛ: “Yɛ otsi ni ho lɛ mli lɛ, onukpai asɛinɔtalɔi ni jɛ asafoi srɔtoi ni yɔɔ United States lɛ fɛɛ naa bakpe shi . . . kɛha Skul ni ato he gbɛjianɔ aha Asafoŋ Onukpai lɛ nɔ ni ji klɛŋklɛŋ nɔ kwraa lɛ.” Nibii ni akase yɛ otsi lɛ mli lɛ kɔɔ sɔ̃i srɔtoi ni esa akɛ onukpai asɛinɔtalɔi atsu he nii koni eye ebua amɛ ni amɛsɔmɔ jogbaŋŋ lɛ he.—Bɔf. 20:28.

Skulbii lɛ kɛ Betel weku lɛ náa naanyobɔɔ mli ŋɔɔmɔ, ni amɛfataa Betel weku lɛ he kɛfeɔ daa gbi ŋmalɛ lɛ, kɛ Betel weku lɛ Buu-Muu Nikasemɔ ní afeɔ daa Ju gbɛkɛ lɛ. United States Nitsumɔhe Nine lɛ Ajinafoi Akuu lɛ mlinyo ko kɛ Nɔyeli Kuu lɛ mlinyo ko haa wiemɔi krɛdɛɛ yɛ skul lɛ naagbee gbi lɛ nɔ. Wɔyɛ gbɛjianɔ ni ajɛ suɔmɔ mli ato nɛɛ he miishɛɛ waa, ni wɔmiikpa be ni akɛbaaje gbɛjianɔtoo nɛɛ shishi yɛ wɔmaŋ nɛɛ mli lɛ gbɛ.

Nyɛnyɛmimɛi,

Ghana Nitsumɔhe Nine