Jehovah’s Witnesses—Faith in Action, Part 2: Let the Light Shine
Beni ajie Nyɛminuu Rutherford kɛ enanemɛi lɛ kɛjɛ tsuŋwoo mli yɛ afi 1919 mli lɛ, no mli lɛ nitsumɔ kpele kã Biblia Kaselɔi lɛ ahiɛ. Taakɛ vidio ni ji Jehovah’s Witnesses—Faith in Action, Part 2: Let the Light Shine lɛ tsɔɔ lɛ, Biblia Kaselɔi lɛ kɛ shiteekɛwoo babaoo baakpe, amɛbaaya nɔ amɛnu Ŋmalɛi lɛ ashishi jogbaŋŋ, ni abaatsuu amɛhemɔkɛyeli lɛ he. (Abɛi 4:18; Mal. 3:1-3; Yoh. 15:20) Beni okwɛ vidio lɛ otã lɛ, ani obaanyɛ oha sanebimɔi nɛɛ ahetoo?
(1) Mɛɛ gbɛi anɔ Biblia Kaselɔi lɛ tsɔ amɛgbɛ sanekpakpa lɛ amɛshwã? (2) Mɛni ba yɛ kpeei krɛdɛi ni afee yɛ afi 1931 kɛ afi 1935 lɛ ashishi? (3) Mɛɛ sane ni he hiaa waa awie he yɛ November 1, 1939, The Watchtower lɛ mli? (4) Tsɔɔmɔ nɔ ni ba beni Nyɛminuu Rutherford haa wiemɔ ni yitso ji “Government and Peace” yɛ Madison Square Garden lɛ? (5) Mɛni sa kadimɔ yɛ Nyɛminuu Knorr wiemɔ ni yitso ji “Peace—Can It Last?” lɛ he? (6) Mɛɛ gbɛjianɔi Yehowa Odasefoi to yɛ afi 1942 mli koni amɛkɛlɛɛ amɛshiɛmɔ nitsumɔ lɛ mli? (7) Tsɔɔmɔ saji komɛi ni akɛtee saneyelihei yɛ United States, Canada, kɛ Greece. (8) Mɛɛ gbɛ nɔ Gilead Skul lɛ ha shiɛmɔ nitsumɔ lɛ shwere? (9) Mɛɛ nitsumɔ ni he hiaa waa abɔi tsumɔ yɛ afi 1946, ni mɛni hewɔ? (10) Mɛɛ nibii Yehowa Odasefoi fee koni amɛjeŋba kɛ Biblia mli shishitoo mlai akpã gbee? (11) Bɔni afee ni Yehowa asafo lɛ anyiɛ nɔkwɛmɔnɔ ni yɔɔ Biblia lɛ mli lɛ sɛɛ pɛpɛɛpɛ lɛ, mɛɛ tsakemɔi komɛi afee yɛ afi 1970 afii lɛ amli? (12) Mɛɛ gbɛ nɔ vidio nɛɛ ni okwɛ lɛ eha oná nɔmimaa babaoo akɛ Yehowa asafo lɛ nɛ, ni ákɛ lɛ ekudɔɔ esafo lɛ? (13) Mɛɛ gbɛ nɔ vidio nɛɛ ewaje ofai shi ní otswa akɛ obaaya nɔ okɛ hiɛdɔɔ ashiɛ, ekɔɔɔ he eko gbɛtsiinii ni okɛaakpe lɛ? (14) Te wɔɔfee tɛŋŋ wɔkɛ vidio nɛɛ aye abua wɔwekumɛi, wɔ-Biblia mli nikaselɔi, kɛ mɛi krokomɛi?
Gbi fɛɛ gbi ni hoɔ lɛ kɛ nɔ ko hee fataa Yehowa Odasefoi ayinɔsane he. Mɛni abaanyɛ awie wɔsɛɛ yɛ mɔdɛŋ ni wɔ-bɔɔ yɛ shiɛmɔ nitsumɔ lɛ mli ŋmɛnɛ lɛ he? Taakɛ wɔnyɛmimɛi ni hi shi yɛ blema lɛ fee lɛ, nyɛhaa wɔyaa nɔ wɔkɛ hiɛdɔɔ ahaa ‘la lɛ akpɛa’!—2 Kor. 4:6.