Shiɛmɔ Wiemɔi

Maŋtsɛyeli Sane ni Ji 38

“Mifata mɛi ni jaa woji ni kɔɔ sane nɛɛ ni he hiaa yɛ jeŋ fɛɛ lɛ he lɛ ahe. Onɔ lɛ nɛ.”

Kadimɔ: Bɔni afee ni onyɛ otsu shikpɔŋkuku lɛ mli nii ogbe naa lɛ, ha oshiɛmɔ wiemɔ lɛ afee kuku. Kɛlɛ, bei komɛi lɛ, shiatsɛ lɛ baaná wiemɔ lɛ he miishɛɛ ni ebaasumɔ ni okɛ lɛ agba sane. Kɛ́ ebalɛ nakai lɛ, obaanyɛ obi esusumɔ yɛ sanebimɔ ni yɔɔ wolo lɛ hiɛ lɛ he, ni okane hetoo ni Biblia lɛ kɛhaa ni yɔɔ wolo lɛ mli lɛ oha lɛ, ni okɛ lɛ asusu saji ni yɔɔ mli lɛ ekomɛi ahe bɔ ni be baaŋmɛ gbɛ. Dani obaashi lɛ lɛ, okɛ sanebimɔ “Kɛha Hesusumɔ” lɛ ni yɔɔ wolo lɛ sɛɛ lɛ atsɔɔ lɛ ni oto gbɛjianɔ ni oku osɛɛ okɛ lɛ ayasusu he.

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ November mli lɛ nɔ

“Hɛloo. Mɛi babaoo ni wɔkɛgba sane lɛ miikpa gbɛ akɛ, kɛ́ amɛgbo lɛ, amɛbaaya ŋwɛi. Ani bo hu onuɔ he nakai?” [Ŋmɛɛ gbɛ ni eha hetoo.] Okɛ sane ni yɔɔ November 1 Buu-Mɔɔ lɛ sɛɛ lɛ atsɔɔ lɛ, ni okɛlɛ asusu sane ni yɔɔ klɛŋklɛŋ sanebimɔ lɛ shishi lɛ kɛ kɛ́ hooo kwraa lɛ ŋmalɛi ni atsɛ lɛ ateŋ ekome he. Okɛ woji tɛtrɛbii lɛ aha lɛ, ni okɛ lɛ ato gbɛjianɔ koni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ November 1

“Mɛni osusuɔ akɛ eji amale ni ehiii fe fɛɛ ni awie yɛ Nyɔŋmɔ he? [Ŋmɛɛ gbɛ ni eha hetoo.] Biblia lɛ tsɔɔ akɛ Nyɔŋmɔ miisumɔ ni mɛi asumɔ lɛ ni amɛkɛ amɛhe afɔ̃ enɔ. [Kanemɔ Yesaia 41:13.] Wolo tɛtrɛɛ nɛɛ kpaa amalei etɛ ni mɛi fɔɔ wiemɔ yɛ Nyɔŋmɔ he ni haa ewaa kɛhaa mɛi komɛi akɛ amɛaabɛŋkɛ lɛ lɛ ahe mama.”

Awake! November

“Wɔkɛ be kukuoo ko miisara mɛi ejaakɛ mɛi babaoo atsui miiye yɛ bɔ ni mɛi ajeŋba miifite kwraa lɛ hewɔ. Ani osusuɔ akɛ mɛi ajeŋba efite lɛɛlɛŋ? [Ŋmɛɛ gbɛ ni eha hetoo.] Biblia lɛ gba akɛ mɛi ajeŋba kɛ amɛsubaŋ baatsake. [Kanemɔ 2 Timoteo 3:1-5.] Wolo tɛtrɛɛ nɛɛ tsɔɔ wɔ nɔ hewɔ ni wɔbaanyɛ wɔkɛ wɔhe afɔ̃ jeŋba he tɛi ni yɔɔ Biblia lɛ mli lɛ anɔ lɛ.”