Kaimɔ lɛ he Ninefɔ̃ɔ Tafãa lɛ Baaje Shishi March 22

Afi nɛɛ ta ni wɔbaafã kɛfɔ̃ mɛi anine kɛba Kaimɔ lɛ baaje shishi Hɔɔ, March 22. Aawo wɔ fɛɛ hewalɛ ni wɔkɛ wɔhe awo mli kɛmɔ shi. Yɛ otsii lɛ anaagbee lɛ, wɔbaanyɛ wɔkɛ woji tɛtrɛbii lɛ hu ahã, kɛ́ ebaahi nakai feemɔ. Yɛ klɛŋklɛŋ Hɔɔ ni yɔɔ April mli lɛ nɔ lɛ, wɔbaaja ninefɔ̃ɔ woji lɛ moŋ fe ni wɔɔje Biblia mli nikasemɔi ashishi. Shi, kɛ́ wɔkɛ mɔ ko ni yɔɔ wiemɔ lɛ he miishɛɛ waa kpe lɛ, wɔbaanyɛ wɔkɛ lɛ aje Biblia mli nikasemɔ shishi. Shiɛmɔ nitsumɔ nɔkwɛlɔ lɛ baakwɛ akɛ, ani nine baashɛ mɛi babaoo anɔ yɛ asafo lɛ shikpɔŋkuku lɛ mli kɛ́ akɛ ninefɔ̃ɔ woji lɛ tsu nii yɛ maŋ odaseyeli mli lo? Ŋmalamɔ owekumɛi, onanemɛi nitsulɔi, onanemɛi skulbii, mɛi ni oyasaraa yɛ shiɛmɔ nitsumɔ lɛ mli, kɛ mɛi krokomɛi ni obaasumɔ ni ofɔ̃ amɛ nine lɛ agbɛ́i oshwie shi bianɛ, koni kɛ́ aje tafãa lɛ shishi lɛ oyahã amɛ ninefɔ̃ɔ wolo lɛ eko. Wɔheɔ wɔyeɔ akɛ mɛi babaoo baaba abafata wɔhe kɛkai suɔmɔ ni nɔ bɛ ni Yehowa kɛ Yesu ejie kpo etsɔɔ wɔ lɛ.​—Yoh. 3:16; 15:13.