Sanebimɔ He

◼ Mɛni hewɔ esa akɛ wɔkwɛ jogbaŋŋ beni wɔyeɔ odase kɛtsɔ woloŋmaa nɔ lɛ?

Odase ni aaaye kɛtsɔ woloŋmaa nɔ lɛ efee gbɛ ni yeɔ omanye ni atsɔɔ nɔ akɛ sanekpakpa lɛ haa yɛ be babaoo mli. Shi kɛlɛ, nibii ni yaa nɔ yɛ je lɛ mli yɛ bei nɛɛ amli lɛ, eha mɛi kwɛɔ amɛhenɔ jogbaŋŋ yɛ woji ni aŋmala ni amɛleee nɔ ni yɔɔ mli lɛ anaagbelemɔ he. Bei pii lɛ anáa jwɛŋmɔ fɔŋ yɛ wolo kotokui ni jɛ jɛɛhei ni aleee loo ehiɛɛɛ mɔ ni kɛmaje lɛ adrɛs yɛ nɔ lɛ he, titri lɛ kɛji ákɛ akɛ niji ŋmala ni eda agbo. Ekolɛ shiatsɛmɛi baashɛrɛ woji ni tamɔ nɛkɛ amɛshwie ni amɛgbeleee naa. Mɛɛ gbɛ nɔ wɔɔtsɔ wɔtsĩ enɛ feemɔ naa?

Kɛji ebaahi lɛ, akɛ taip-raita atswa wolo ni aŋma lɛ kɛ wolo kotoku lɛ fɛɛ nɔ nii. Aŋma shiatsɛ lɛ gbɛi diɛŋtsɛ yɛ wolo kotoku lɛ nɔ. Kaaŋma wolo lɛ akɛ okɛ miimaje “Mɔ ni yɔɔ shia lɛ.” Kɛfata he lɛ, okɛ adrɛs ni onine shɛɔ woloŋmaa nɔ kɛtsɔɔ nɔ lɛ awo nɔ be fɛɛ be. Kɛji akɛ ehiii akɛ okɛ bo diɛŋtsɛ odrɛs baatsu nii lɛ, ŋmaa ogbɛi kɛ Maŋtsɛyeli Asa lɛ adrɛs. Kɛ woji ni gbɛi bɛ he akamaje. Okɛ nitsumɔhe nine lɛ adrɛs akatsu nii kɔkɔɔkɔ.—Kwɛmɔ November 1996 Wɔ Maŋtsɛyeli Sɔɔmɔ lɛ Sanebimɔ He lɛ.

Abaanyɛ ana susumɔi krokomɛi kɛ wolo ni aŋma lɛ eko henɔ yɛ Benefit From Theocratic Ministry School Education (Ná Teokrase Sɔɔmɔ Skul Tsɔsemɔ lɛ He Sɛɛ) wolo lɛ baafa 71-73 lɛ mli. Gbɛtsɔɔmɔi nɛɛ baaye abua wɔ ni wɔkɛ woloŋmaa atsu nii jogbaŋŋ koni wɔgba mɛi krokomɛi sanekpakpa lɛ he sane.