Halamɔ Saji Otii Ni Sa Ni Abaanyɛ Akɛtsu Nii

¹ Mɛni wɔbaanyɛ wɔfee koni wɔwo mɛi krokomɛi ahewalɛ ni amɛkane Buu-Mɔɔ lɛ kɛ Awake! lɛ daa? Ehe miihia ni wɔna saji otii ni yɔɔ miishɛɛ ni wɔbaawie he beni wɔkɛ woji tɛtrɛbii lɛ haa mɛi krokomɛi lɛ. Kɛ wɔbale gbɔmɛi ni yɔɔ wɔ shikpɔŋkuku lɛ mli lɛ jogbaŋŋ ni wɔkaiɔ amɛ beni wɔkaneɔ woji tɛtrɛbii lɛ belɛ wɔbaatao saji otii ni ŋɔɔ ni baanyɛ atee amɛmiishɛɛ shi yɛ mli.

² Hei komɛi yɛ ni gbɔmɛi ni yɔɔ jɛmɛ lɛ hiɛ su kome, ni ehaa onyɛɔ oleɔ nɔ ko ni yɔɔ amɛhe ni amɛ fɛɛ amɛsumɔɔ. Shi hei krokomɛi hu yɛ ni gbɔmɛi lɛ jɛ shihilɛi sɔrɔtoi amli. Kɛ wɔyɛ saji otii pii yɛ wɔjwɛŋmɔ mli, ni wɔbaanyɛ wɔkɛtsu nii lɛ, wɔbaanyɛ wɔhala eko ni sa gbɔmɛi ni wɔkɛ amɛ kpeɔ lɛ.

³ Kaaye oyai ni oshɛrɛ woji tɛtrɛbii memeji lɛ oshwie beni onine shɛɔ ehee nɔ lɛ. Nyɛmi nuu ko jieɔ Buu-Mɔɔ lɛ sɔrɔtoi etɛ loo ejwɛ kpo shikome ni egbɛɔ mli etsɔɔ shiatsɛ lɛ koni ehala emli nɔ ni esumɔɔ ni ekane. Kɛ wɔna akɛ wɔnine shɛɔ woji tɛtrɛbii lɛ babaoo tsɔ nɔ fe bɔ ni wɔnyɛɔ wɔkɛhaa lɛ, no lɛ esa akɛ wɔsusu enɔtsemɔ he.

⁴ Kɛ wɔkɛ emli saji otii ni sa tsu nii be fɛɛ be lɛ, wɔbaanyɛ wɔkanya mɛi krokomɛi ni amɛkane wɔ woji tɛtrɛbii lɛ, ni ekolɛ wɔbaanyɛ wɔha amɛbɔi wala gbɛ lɛ nɔ nyiɛmɔ. (Mat. 7:14) Kɛ wɔsusu sane ni he hiaa nɛɛ he jogbaŋŋ lɛ, wɔnine baashɛ Yehowa dɛŋ jɔɔmɔ nɔ.