Saamɔ Ohe Kɛha Woji Tɛtrɛbii Ajaa yɛ April

Taakɛ akadi yɛ wɔ 1996 Calendar lɛ nɔ lɛ, abaaye Nuntsɔ lɛ Gbɛkɛnaashi Niyenii lɛ yɛ April 2 afi nɛɛ. Akɛni be krɛdɛɛ nɛɛ ewo wɔ hewalɛ hewɔ lɛ, nyɛhaa wɔteŋ mɔ fɛɛ mɔ kɛ ekaa awoa woji tɛtrɛbii lɛ ajaa mli yɛ April mli fɛɛ. Mɛɛ woji tɛtrɛbii ni yɔɔ ebe naa pɛpɛɛpɛ wɔkɛbaatsu nii nɛkɛ! April 1 Buu-Mɔɔ lɛ baagbala jwɛŋmɔ kɛya nyɛsɛɛ afi lɛ kpokpaa wulu nɔ kpee shishi maŋshiɛmɔ krɛdɛɛ ni ji, “Jiemɔ Naanɔ Maŋtsɛ lɛ Yi!” lɛ nɔ. April 15 Buu-Mɔɔ lɛ baanyiɛ nyɛsɛɛ April 21 maŋshiɛmɔ krɛdɛɛ ni ji, “Apasa Jamɔ Naagbee Ebɛŋkɛ” lɛ sɛɛ. Esa akɛ afi nɛɛ wiemɔ krɛdɛɛ ni ji, “Ni Aaahi Shi akɛ Mɔ ni He Bɛ Shwamɔ ko Yɛ Yinɔ Kɔɔdɔŋ Mli” lɛ awo wɔ ekaa babaoo. Wɔbaawie April 22 Awake! lɛ saneyitso ni ji, “Beni Ta Bɛ Dɔŋŋ” lɛ he.

Esa akɛ April nɛɛ afee nyɔŋ ni hi jogbaŋŋ kɛha woji tɛtrɛbii lɛ ajaa kɛ amɛ shɛɛ, koni akɛnyiɛ nyɛsɛɛ afi Maŋtsɛyeli Sane he tafaa lɛ sɛɛ. Be ni akɛbaato he gbɛjianɔ lɛ nɛ. Mɛi babaoo baasumɔ ni amɛkɛ amɛhe aha akɛ gbɛgbalɔi awalɔi. Esa akɛ ashɛ April woji tɛtrɛbii ni he baahia lɛ ekoŋŋ afata he. Abaanyɛ ato gbɛjianɔ kɛha Woji Tɛtrɛbii Agbii koni mɔ fɛɛ mɔ ni baanyɛ lɛ kɛ ehe awo mli—leebi, shwane, loo/kɛ gbɛkɛ. Nyɛhaa wɔ fɛɛ ‘wɔtsɔmɔa wiemɔ lɛ nɔyelɔi.’ Taakɛ agba Mesia lɛ he sane afɔ shi yɛ Lala 69:10 lɛ, eba akɛ wɔ hu wɔbaanyɛ wɔkɛɛ: “Owe lɛ he hiɛdɔɔ lɛ eye mi.”—Yak. 1:22; Yoh. 2:17.