Adafitswai

◼ Wolo ni akɛbaatsu nii yɛ September: Nilee Ni Kɛ Mɔ Yaa Naanɔ Wala Mli. October: Buu-Mɔɔ kɛ Awake! lɛ shɛɛ. November: Mɛni Nyɔŋmɔ Taoɔ yɛ Wɔdɛŋ? aloo Nilee Ni Kɛ Mɔ Yaa Naanɔ Wala Mli. December: Nilee Ni Kɛ Mɔ Yaa Naanɔ Wala Mli kɛ New World Translation lɛ.

◼ Kɛ oyɛ shiɛmɔ nitsumɔ lɛ mli lɛ, ekolɛ okɛ toimulɔ baakpe. Kɛ mumuii awiemɔ kuu ko miitsu nii yɛ nyɛ akutso lɛ mli lɛ, no lɛ esa akɛ nyɛnyiɛ gbɛtsɔɔmɔ ni akɛha yɛ December 15, 1998 wolo ni Asafo lɛ ŋma kɛyaha asafoi fɛɛ lɛ sɛɛ. Etsɔɔ mli akɛ: “Akɛ ‘Please Follow Up’ wolo lɛ baatsu nii ni akɛkadi mɛi ní yɔɔ nyɛ asafo lɛ shikpɔŋkuku lɛ mli loo amɛbɛ mli, ni wieɔ wiemɔ kroko, ní mumuii awiemɔ fata he lɛ. Yɛ fɛɛ mli lɛ, esa akɛ akɛtsu nii kɛha nɛkɛ yiŋtoo nɛɛ kɛji akɛ mɔ lɛ ejieee miishɛɛ kpo po yɛ Maŋtsɛyeli shɛɛ sane lɛ he. . . . Beni aŋmala ‘Please Follow Up’ wolo lɛ nɔ nii agbe naa sɛɛ lɛ, esa akɛ akɛha asafoŋ woloŋmalɔ lɛ tɛ̃ɛ loo akɛwo adeka ni akɛ shiɛmɔ nitsumɔ he akɔntaabuu woɔ mli yɛ Maŋtsɛyeli Asa lɛ nɔ lɛ mli.” Kɛ shiɛlɔ fɛɛ shiɛlɔ hiɛ hi ehe nɔ koni eye ebua yɛ nɛkɛ gbɛ nɔ lɛ, mumuii awiemɔ kui baanyɛ aŋmala toimulɔi ni amɛkɛkpeɔ yɛ amɛ akutso lɛ mli lɛ agbɛi amɛshwie shi.

◼ Onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika mli yɛ September 1 loo no sɛɛ nɔŋŋ. Kɛ afee enɛ momo lɛ, tswaa asafo lɛ adafi beni akane shika he akɔntaabuu ni baanyiɛ sɛɛ lɛ agbe naa.

◼ Aakai onukpai lɛ ni amɛnyiɛ gbɛtsɔɔmɔi ni akɛha yɛ April 15, 1991 Buu-Mɔɔ (Vol. 112, No. 8GA) lɛ baafai 21-23 lɛ ni kɔɔ mɛi fɛɛ ni ashwie amɛ kɛjɛ asafo lɛ mli, loo mɛi ni akɛ amɛ ekpá bɔɔ lɛ ni amɛaasumɔ akɛ ahe amɛ ekoŋŋ lɛ ahe lɛ sɛɛ.

◼ Ehe miihia ni kui ni feɔ gbɔmɛi 20 loo nɔ ni fá fe nakai ni toɔ gbɛjianɔ koni amɛyakwɛ Betel tsũi lɛ aŋma wolo kɛtsɔ hiɛ koni amɛkɛtsɔɔ mɛi abɔ ni baa kɛ gbi ni amɛkɛbaasara. Bei pii lɛ, Accra Betel tsũi lɛ amli shisharamɔ lɛ heɔ ŋmɛlɛtswai enyɔ, ni vidio ni ajieɔ atsɔɔ kui wuji lɛ fata he. No hewɔ lɛ, kɛ́ nyɛmiito saramɔ he gbɛjianɔ lɛ, nyɛfainɛ ni nyɛnáa nyɛlea akɛ Betel nitsumɔ ŋmɛlɛtswai be ji: leebi 8 kɛyashi shwane 12 kɛ shwane 1:15 kɛyashi gbɛkɛ 5:10. Atsuɔ nii Hɔɔ kɛjɛ leebi 8 kɛyashi shwane 12.

◼ Esa akɛ mɛi ni kɛ asafo ko bɔɔ lɛ, kɛ Buu-Mɔɔ kɛ Awake! woji tɛtrɛbii ni ashɛɔ lɛ ehee kɛ nɔ ni abaashɛ ekoŋŋ lɛ he woji ni akɛshɛɔ lɛ fɛɛ, ni amɛ diɛŋtsɛ amɛnɔ ni amɛshɛɔ lɛ fata he lɛ amaje kɛtsɔ asafo lɛ nɔ.

◼ Asafo lɛ ŋmalaaa shiɛlɔi aŋkroaŋkroi awolo ni atsɔɔ nɔ akɛshɛɔ woji lɛ anɔ nii. Esa akɛ onukpai asɛinɔtalɔ lɛ ato gbɛjianɔ ni atswa adafi daa nyɔŋ nɔ, dani akɛ wolo ni asafo lɛ kɛshɛɔ woji lɛ amaje Asafo lɛ, bɔni afee ni mɛi fɛɛ ni sumɔɔ akɛ amɛshɛ woji komɛi lɛ akɛɛ nyɛmi nuu ni kwɛɔ woji anɔ lɛ. Nyɛfainɛ, nyɛhaa woji ni ashɛɛɛ ashwieee shi lɛ ahia nyɛ jwɛŋmɔ mli.

◼ Afi 1998 “Nyɔŋmɔ Shihilɛ Gbɛ” Kpokpaa Wulu kɛ Majimaji Ateŋ Kpeei lɛ bafee jɔɔmɔ diɛŋtsɛ eha mɛi fɛɛ ni ba lɛ. Mɛi ni fata mɛi ni ba lɛ ahe ji mɛi 2,764 ni ji maŋsɛɛ sanekpakpa shiɛlɔi kɛ majimaji ateŋ sɔɔlɔi ni nyɛ amɛtee amɛmaji amli yɛ shika babaoo ni asafoi lɛ kɛke lɛ hewɔ. Hiɛ esɔ gbɛjianɔtoo nɛɛ sɛɛ ni afĩ lɛ jogbaŋŋ. Akɛni agbe kpeei nɛɛ anaa hewɔ lɛ, akɛ shika ni akɛke yɛ yiŋtoo nɛɛ hewɔ lɛ mli nɔ ni eshwɛ lɛ baatsu nii koni akɛfĩ jeŋ muu fɛɛ shiɛmɔ nitsumɔ lɛ sɛɛ.

◼ Vidio Kasɛt ni Nine Eshɛ nɔ Ekoŋŋ:

Jehovah’s Witnesses—The Organization Behind the Name—Blɔfo

◼ Abaakala Buu-Mɔɔ lɛ yɛ Kazakh wiemɔ mli akɛ nɔ ni baa daa nyɔŋ nɔ kɛjɛ September 1, 1999 nɔ̃ lɛ nɔ kɛyaa.

Sanebimɔ he

◼ Ani osaa ohe kɛha oshara ni baanyɛ aba?

Bei pii lɛ, “be kɛ nibii ni aleee ni baa trukaa” lɛ feɔ ekome koni ekɛ tsofafeemɔ mli oshara aba yɛ ŋmɛnɛŋmɛnɛ jeŋ ni wɔyɔɔ mli nɛɛ mli, ni nɔ ni fata he ji nɔnyɛɛ ni akɛbaa mɔ nɔ koni eha agbala lá awo emli. (Jaj. 9:11, NW) No hewɔ lɛ, bɔni afee ni wɔnyɛ wɔsaa wɔhe wɔha nii ni baanyɛ aba trukaa nɛɛ, Yehowa etsɔ egbɛjianɔtoo lɛ nɔ ekɛ yelikɛbuamɔ eha wɔ yɛ gbɛ̀i srɔtoi pii anɔ, shi ekpaa wɔ gbɛ akɛ wɔbaafee wɔgbɛfaŋnɔ. Gbɛtsɔɔmɔi ni yɔɔ shishigbɛ nɛɛ baaye abua bo.

• Hiɛmɔ “Advance Medical Directive/Release” wolo hee lɛ be fɛɛ be.

• Kwɛmɔ koni obii lɛ ahiɛ “Identity Card” hee lɛ.

• Tĩi nɔ ni aŋma ahɔ January 1995 Wɔ Maŋtsɛyeli Sɔɔmɔ lɛ mli lɛ mli, ní okase bɔ ni okɛ datrɛfoi kɛ kojolɔi baasusu obi lɛ helatsamɔ lɛ he.

• Tĩi saji ni aŋmala ni kɔɔ lá mli nibii komɛi kɛ nibii ni yeɔ lá najiaŋ lɛ ahe lɛ amli. (Aajie yi aaha: Buu-Mɔɔ, October 1, 1994, baafa 31; June 1, 1990, baafai 14-15; March 1, 1989, baafai 30-31; Awake!, December 8, 1994, baafai 23-27; August 8, 1993, baafai 22-25; November 22, 1991, baafa 10; kɛ nɔ ni aŋma ahɔ Wɔ Maŋtsɛyeli Sɔɔmɔ, January 1995 kɛ January 1991 lɛ mli. Okɛwo nɔ ko mli koni onine ashɛ nɔ mra.)

• Okɛ henilee akpɛ oyiŋ kɛ́ obaanyɛ oha akɛ tsɔnei ni haa lá bɔleɔ shi yɛ gbɔmɔtso lɛ he lɛ atsu nii loo kɛ́ obaanyɛ oha akɛ nibii ni lá mli nibii yɔɔ mli lɛ atsu nii.

• Dani oooya helatsamɔhe lɛ, kɛ́ eeehi kwraa lɛ, ha onukpai lɛ ale bɔni afee ni amɛnyɛ amɛye amɛbua bo koni amɛnine ashɛ Hospital Liaison Committee (HLC) lɛ nɔ, kɛ́ ehe miihia. Yɛ gbekɛ bibioo gbɛfaŋ lɛ, bi onukpai lɛ koni amɛkɛɛ HLC lɛ mra kɛ́ oshara ko ba loo kɛ́ lá ni agbalaa awoɔ mɔ mli baje sane lɛ mli.

Ha Efee Faŋŋ akɛ Osumɔɔɔ Lá: Amaniɛbɔi tsɔɔ akɛ, nyɛmimɛi hii kɛ yei komɛi mɛɔ aahu kɛyashi beni ekpeɔ sɛɛ tsɔ̃ dani amɛkɛɔ datrɛfoi ni tsáa amɛ hela lɛ akɛ amɛsumɔɔɔ lá. Enɛ esaaa tsofafeemɔŋ nitsulɔi ahiɛ ni ehaa oboteɔ oshara mli koni aha bo lá. Kɛ datrɛfoi lɛ le ohemɔkɛyelii lɛ ní nɔ ni otaoɔ akɛ afee aha bo lɛ ji nɔ ni woji ni akɛ waonaa gbɛi ewo shishi ni kɔɔ gbɛtsɔɔmɔ pɔtɛɛ ni okɛhaa lɛ he lɛ fĩɔ sɛɛ lɛ, eyeɔ ebuaa koni amɛtsu he nii ni shishashaomɔ ko kwraa bɛ mli ni bei pii lɛ, etsɔɔ amɛ tsofafeemɔ mli helatsamɔ nibii krokomɛi ni amɛbaanyɛ amɛkɛtsu nii.

Akɛni tsofafeemɔ mli oshara baanyɛ aba be fɛɛ be ní bei pii lɛ okpaaa gbɛ tsɔ̃ hewɔ lɛ, feemɔ nibii amrɔ nɛɛ koni okɛbu bo kɛ obii ahe kɛjɛ lá ni agbalaa awoɔ mɔ mli lɛ he.—Abɛi 16:20; 22:3.