Yehowa Ji Toiŋjɔlɛ Nyɔŋmɔ

1. Yehowa, wɔ-Nyɔŋmɔ,

Hã wɔná toiŋjɔlɛ pii.

Ofainɛ, hã wɔ omumɔ

Koni wɔwo eyibii.

Kristo ye anɔkwa;

Kɛ́ wɔhe enɔ wɔye,

Wɔbaatsɔmɔ onanemɛi,

Ni obaakplɛ wɔnɔ daa.

2. Omumɔ hãa wɔnuɔ

O-Wiemɔ shishi jogbaŋŋ.

Ebuɔ wɔhe, etsɔɔ wɔ gbɛ

Yɛ Satan jeŋ fɔŋ nɛɛ mli.

Be ni wɔmɛɔ jeŋ hee

Ni awuiyeli bɛ mli,

Hã omumɔ awa wɔ fɛɛ

Ni wɔtiu toiŋjɔlɛ sɛɛ.

3. Otsuji pii yɛ ŋwɛi,

Jalɔi hu yɛ shikpɔŋ nɔ;

Omumɔ feɔ wɔ ekome,

Ni wɔshiɛɔ Maŋtsɛyeli.

Onɔyeli lɛ ja;

Ebaafo tai fɛɛ asɛɛ.

Ni jalɔi baaná toiŋjɔlɛ

Kɛ miishɛɛ kɛya naanɔ.