Vérité biblik tousenp nou enmé anségné

Jézi di kè moun ki sensè té’é sav rèkonnèt lavérité (Jan 10:4, 27). Donk lè ou ka préché, rété senp. Lè ou vé fè on moun konnèt on vérité ki an Bib-la, ou pé pozé on kèsyon ki ka koumansé konsa : « Ès yo ja di-w kè… ? » oben « Ès ou té sav kè… ? ». Aprésa, chwazi yonn oben plizyè vèwsé, ki ka koré vérité-la ou ka palé dè-y la. On vérité biblik tousenp kon on ti grenn. Dèstan nou planté grenn-lasa adan tchè a on moun, Bondyé pé fè-y pousé (1 Kor. 3:6, 7).

• Sa dèmen ké pòté

• Lafanmi

• Bondyé

• Lapriyè

• Jézi

• Wayòm a Bondyé

• Soufrans

• Lanmò

• Rèlijyon

SA DÈMEN KÉ PÒTÉ

1. 1. Tousa ki ka fèt alèla é konpòwtèman a sé moun-la jòdijou ka montré kay ni on gwo chanjman talè (Mat. 24:3, 7, 8 ; Lik 21:10, 11 ; 2 Tim. 3:1-5).

2. 2. Latè pé ké jen détwi (Sòm 104:5 ; Ékl. 1:4).

3. 3. Ayen pé ké malmenné latè ankò, é i ké vin on bèl paradi (Iz. 35:1, 2 ; Rév. 11:18).

4. 4. Toutmoun ké ni on santé ki pawfé (Iz. 33:24 ; 35:5, 6).

5. 5. Ou ké pé viv pou touttan asi latè (Sòm 37:29 ; Mat. 5:5).

LAFANMI

1. 6. Fò on mari ‘enmé madanm a-y kon limenm’ (Éféz. 5:33 ; Kol. 3:19).

2. 7. Fò on madanm « ni on gran gran rèspé pou mari a-y » (Éféz. 5:33 ; Kol. 3:18).

3. 8. Fò on mari é madanm a-y fidèl yonn a lòt (Mal. 2:16 ; Mat. 19:4-6, 9 ; Ébr. 13:4).

4. 9. Pou sé timoun-la kontan, fò yo rèspèkté fanmi a yo é kouté-yo (Pwov. 1:8, 9 ; Éféz. 6:1-3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

BONDYÉ

1. 10. Bondyé ni on non (Sòm 83:18 ; Jér. 10:10).

2. 11. Bondyé ni on biten enpòwtan a di-nou (2 Tim. 3:16, 17 ; 2 Pyè 1:20, 21).

3. 12. Bondyé jis é i pa ka fè préférans (Dét. 10:17 ; Akt 10:34, 35).

4. 13. Bondyé vlé édé-nou (Sòm 46:1 ; 145:18, 19).

LAPRIYÈ

1. 14. Bondyé ka kouté priyè an nou (Sòm 62:8 ; 65:2 ; 1 Pyè 5:7).

2. 15. Labib ka di kijan pou nou priyédyé (Mat. 6:7-13 ; Lik 11:1-4).

3. 16. Fò nou priyé akontinyé (Mat. 7:7, 8 ; 1 Tés. 5:17).

JÉZI

1. 17. Jézi té on bon anségnan toubònman, é sé konsèy-la i bay la ka sèvi jousalè (Mat. 6:14, 15, 34 ; 7:12).

2. 18. Jézi té ja anonsé tousa nou ka vwè ki ka fèt jòdijou (Mat. 24:3, 7, 8, 14 ; Lik 21:10, 11).

3. 19. Jézi sé Gason a Bondyé (Mat. 16:16 ; Jan 3:16 ; 1 Jan 4:15).

4. 20. Jézi pa Bondyé Toupuisan la (Jan 14:28 ; 1 Kor. 11:3).

Based on NASA/Visible Earth imagery

WAYÒM A BONDYÉ

1. 21. Wayòm a Bondyé sé on gouvènman byen réyèl ki an syèl-la (Dan. 2:44 ; 7:13, 14 ; Mat. 6:9, 10 ; Rév. 11:15).

2. 22. Wayòm a Bondyé ké ranplasé tout gouvènman ki asi latè (Sòm 2:7-9 ; Dan. 2:44).

3. 23. Sé wayòm a Bondyé ki ké réglé tout pwoblèm a limanité (Sòm 37:10, 11 ; 46:9 ; Iz. 65:21-23).

SOUFRANS

1. 24. A pa Bondyé ki rèsponsab a soufrans an nou (Dét. 32:4 ; Jak 1:13).

2. 25. Sé Satan ki ka dirijé mond-la (Lik 4:5, 6 ; 1 Jan 5:19).

3. 26. Bondyé ka vwè lè nou ka soufè é i vlé édé-nou (Sòm 34:17-19 ; Iz. 41:10, 13).

4. 27. Talè, Bondyé ké fè soufrans disparèt (Iz. 65:17 ; Rév. 21:3, 4).

LANMÒ

1. 28. Lè on moun mò, i pa ka rann-li kont dè ayen ; i pa’a soufè (Ékl. 9:5 ; Jan 11:11-14).

2. 29. Moun ki mò pé pa édé-nou é yo pé pa fè-nou ditò nonplis (Sòm 146:4 ; Ékl. 9:6, 10).

3. 30. Bon moun an nou ki mò ké résisité (Jòb 14:13-15 ; Jan 5:28, 29 ; Akt 24:15).

4. 31. Bondyé ké fin bat èvè lanmò pou touttan (Rév. 21:3, 4 ; Iz. 25:8).

RÈLIJYON

1. 32. A pa tout sé rèlijyon-la Bondyé ka aksèpté (Jér. 7:11 ; Mat. 7:13, 14, 21-23).

2. 33. Bondyé hay moun ki ipokrit (Iz. 29:13 ; Mich. 3:11 ; Mawk 7:6-8).

3. 34. Ou pé rèkonnèt vré rèlijyon-la grasa lanmou-la yonn ni pou lòt (Mich. 4:3 ; Jan 13:34, 35).