1 Thessaloniciens

2 Paské zòt menm, zòt byen savé ki jou Jéova-a ka vini kou roun volèr pannan lannwit. 3 Lò yé ké di : « Lapè ké sékirité ! », atò roun dèstriksyon ké yenki tonbé asou yé lanmenm, kou doulò ka tonbé asou roun fanm ansent lò i ka akouché ; é yé pa ké pouvé chapé pyès. 4 Mé zòt, mo frè-ya, zòt pa annan soukou. Sa jou-a pa ké baré zòt menm fason jou-a ka louvri é ka baré roun volèr, 6 Donk, annou pa dronmi kou ròt-ya, mé annou gardé nou wéy byen louvri é annou gardé nou bon sans. 7 Paské, sa-ya ki ka dronmi, a lannwit yé ka dronmi, é sa-ya ki ka bwè pou sou, a lannwit yé ka bwè pou sou. 8 Mé nou menm ki sa moun lajournen, annou gardé nou bon sans, annou mété kwiras lafwa ké lanmou-a, é annou mété èspwar délivrans-a asou nou tèt kou roun kas, 11 A pou sa, kontinyé ankourajé ké bay zòt konpanyen plis fòrs, kou zòt ja ka fè l’. 12 Nou frè-ya, nou ka doumandé zòt rèspèkté sa-ya ki ka travay rèd anmitan zòt, ki ka gidé zòt annan Sényèr-a é ki ka avèrti zòt, 13 épi montré yé bokou rèspè ké lanmou, akoz di travay yé ka fè. A pou zòt rété byen ké zòt konpanyen. 14 Anplis di sa, nou frè-ya, men sa nou ka di zòt fè : avèrti sa-ya ki pa ka maché drèt, palé roun fason pou konsolé sa-ya ki krazé, idé sa-ya ki fèb, é pran pasyans ké tout moun. 17 Priyè tout tan. 18 Di mèrsi pou tout bagaj. A sa Bondjé lé zòt fè paské zòt ka fè rounsèl ké Jézi Kris. 19 Pa étenn difé lèspri-a. 20 Pa méprizé profési-ya. 21 A pou zòt vérifyé tout bagaj, a pou zòt kontinyé kontan sa ki bon. 23 A pou Bondjé lapè-a li menm fè zòt vin pròp. É mo frè-ya, a pou zòt lèspri, zòt nanm ké zòt kò rété san pyès défo annan tout bagaj pannan prézans nou Sényèr Jézi Kris.