Ehechaukákena nde rapichápe mbaʼéichapa ojestudia reñemongeta ypy guive hendive
Ñaikuaveʼẽ jave estúdio pyʼỹinte umi hénte ndoikuaaséi mbaʼeve térã heʼi oñemboʼeha voi chupekuéra irrelihiónpe. Oiméne opensa hikuái ñaporomboʼeha irrelihionpekuéra ojejapoháicha. Ha ni noimoʼãi mbaʼeichaitépa igústo ha oñemyesakã porã umi informasión pe estúdio rupive. Upévare ñaikuaveʼẽ rangue derechoite, mbaʼére piko ndajahechaukái ñande rapichápe mbaʼéichapa ojestudia ñañemongeta ypy guive hendive? Ñapensamína, mbaʼépa iporãve; jaʼéramo ñakosinakuaaitereiha ha ótro jajúvape ñatanteakataha chupe, térã ñatanteakáma voi chupe michĩmi jajapovaʼekue? Jahechamína koʼág̃a mbaʼéichapa ikatu jajapo upéva predikasiónpe. Upearã ikatu jaiporu pe informasión osẽvaʼekue Ñane Rembiapo Rréino Rehegua enero 2006, páhina 6-pe:
“Ndépa ere oñekumplitaha ko promésa? [Elee Isaías 33:24, ha ehaʼarõ tombohovái.] Tahechaukamína ndéve peteĩ mbaʼe iñimportánteva.” Emeʼẽ chupe lívro Mbaʼépa omboʼe la Biblia? ha ere toheka páhina 36, párrafo 22. Upéi elee upe porandu ha ere chupe tohechamahína mbaʼéichapa ombohováita relee aja pe párrafo, upe rire elee jey chupe pe porandu ha ehendu mbaʼépa ombohovái. Pehechapa rire upéva pelee oñondive ótro téysto ha eporandu chupe peteĩ mbaʼe oikuaasétava, ikatu hag̃uáicha rembohovái chupe ótro rehóvape ha ere arakaʼetépa reho jeýta hendápe. Péicha rejapóramo remoñepyrũmareína peteĩ estúdio!