VIVLIOTÉKA OĨVA INTERNÉTPE Watchtower
Watchtower
VIVLIOTÉKA OĨVA INTERNÉTPE
guarani
ã
  • ã
  • ẽ
  • ĩ
  • õ
  • ũ
  • ỹ
  • g̃
  • ʼ
  • ñ
  • BIBLIA
  • PUVLIKASIONKUÉRA
  • RREUNIONKUÉRA
  • w25 noviembre páh. 10-15
  • Revyʼakuaa rekuidáramo jepe peteĩ hasývare térã ijedávare

Ko párte ndorekói gueteri ni peteĩ vidéo.

Rombyasyeténgo, péro ndaikatúi ojehechauka ko vidéo.

  • Revyʼakuaa rekuidáramo jepe peteĩ hasývare térã ijedávare
  • Ñemañaha. Oanunsia Jehová Goviérno (ojestudiáva) 2025
  • Subtítulo
  • Informasión oñeʼẽva avei ko témare
  • ¿MBAʼÉREPA IKATU EJU NDEREVYʼAVÉI?
  • ¿MBAʼÉICHAPA IKATU RESEGI REVYʼA?
  • ÑAIPYTYVÕKENA UMI OKUIDÁVAPE HASÝVARE TÉRÃ IJEDÁVARE
  • ¿Mbaʼéichapa ikatu esegi evyʼa ndeedáramo jepe?
    Ñemañaha. Oanunsia Jehová Goviérno (ojestudiáva) 2025
  • Jehová ñanepytyvõ javyʼa añete hag̃ua
    Ñemañaha. Oanunsia Jehová Goviérno (ojestudiáva) 2025
  • ¿Mbaʼéichapa ikatu javyʼave predikasiónpe?
    Ñemañaha. Oanunsia Jehová Goviérno (ojestudiáva) 2024
  • Ñakonfia Jehováre jadesidíta jave
    Mbaʼéichapa Jaiko ha Japredika vaʼerã 2023
Oĩve informasión
Ñemañaha. Oanunsia Jehová Goviérno (ojestudiáva) 2025
w25 noviembre páh. 10-15

ARTÍKULO OJESTUDIÁVA 45

PURAHÉI 111 Umi mbaʼe ñanembovyʼáva

Revyʼakuaa rekuidáramo jepe peteĩ hasývare térã ijedávare

“Pe hesay hováre oñemitỹva, upéi vyʼápe okosecháta” (SAL. 126:5).

¿MBAʼÉPA ÑAAPRENDÉTA?

Ko artíkulope jahecháta unos kuánto konsého ikatúva nepytyvõ resegi hag̃ua evyʼa, oimérõ ekuida hína peteĩ ne amígo térã ne hénte ijedáva térã hasývare.

1, 2. Oimérõ ekuida hína peteĩ ne hénte térã ne amígore, ¿mbaʼépa Jehová opensa nderehe? (Proverbios 19:17). (Ehecha pe taʼanga).

PETEĨ ermáno oikóva Coréape hérava Jin-yeol ojapóma mas de 32 áño omenda hague. Haʼe heʼi: “Che 5 áñorema akuida che rembirekóre pórke haʼe hasykatu. Haʼe ningo oreko anga párkinson, ha ndaikatuvéima okuʼe porã. Che ahayhueterei che rembirekópe ha avyʼa voi ikatu haguére akuida hese. Ógape haʼe oke peteĩ tupa ojepurúva rehegua ospitálpe. Che katu amoĩ la che rupa ijykerete, ha káda pyhare roñakarama ojopóre roke hag̃ua”.

2 ¿Otokápa ndéve rekuida peteĩ ne hénte térã ne amígore? Oimérõ upéicha, katuete oiméne revyʼaiterei ikatu haguére mborayhúpe rekuida hese. Avei rejapo hína upéva rehayhúgui Jehovápe (1 Tim. 5:​4, 8; Sant. 1:27). Péro ndahaʼéi ningo la ifasilpáva jakuida peteĩ persónare, ha oiméne rehasa umi mbaʼe ijetuʼúva la hénte ndohecháiva jepi. Sapyʼánte eñandúne voi avave nontendeiha la rehasáva. Reime jave la héntendi ikatu reñehaʼãmbaite nderory ha repukavymi hag̃ua, péro reime jave neaño katu reñembyasy ha ikatu voi nerasẽ jepi (Sal. 6:6). Umi ótro ndoikuaaporãiramo jepe la nde reñandúva, Jehová si oikuaa porã (ekompara Éxodo 3:7 heʼívare). Jehová ohecha entéro umi sakrifísio rejapóva, haʼe oikuaa porã mbaʼeichaitépa reñehaʼã ha rembaʼapo jejopy rekuida porã hag̃ua pe persóna rehayhuetévare. Avei ohecha mboy vésemapa nerasẽ, upévare la nderayhueterei (Sal. 56:8; 126:5). Jehová oñandu voi tuicha odeveha ndéve la rejapóvare, ha opromete opagataha ndéve (elee Proverbios 19:17).

Taʼanga: Umi okuidáva hasýva térã ijedávare oĩ diferénte situasiónpe. 1. Peteĩ ermána oipytyvõ isy ijedáva oĩvape tupápe okaru hag̃ua. 2. Peteĩ ermána oipytyvõ iména oĩvape sílla de rruédape omoĩ hag̃ua la isapatu. 3. Peteĩ sy omoĩ imemby akãre peteĩ kásko espesiál imbaʼasýpe g̃uarã ohuga mboyve itúandi partído. 4. Peteĩ ermáno ovisita peteĩ ermáno ijedávape hógape ha oñemboʼe hendive.

¿Ndépa rekuida hína peteĩ hasýva térã ijedávare rehayhúvape? (Ehecha párrafo 2)


3. ¿Mbaʼe ijetuʼúvapa oiméne ohasa raʼe Abrahán ha Sara?

3 La Biblia omombeʼu heta káso ohechaukáva yma oĩ hague kuña ha kuimbaʼe okuidáva umi ijedáva térã hasývare. Por ehémplo jahechamína Abrahán ha Sara káso. Haʼekuéra osẽ vaʼekue Úrgui, ha upérõ Abrahán túa hérava Taré oreko vaʼekue 200 áñorupi. Taré ijedáramo jepe oho hendivekuéra, ha oviaha hikuái 960 kilómetrorupi Harán peve (Gén. 11:​31, 32). Abrahán ha Sara ohayhueterei vaʼekue Tarépe. Péro oiméne ijetuʼueterei raʼe chupekuéra okuida porã hag̃ua hese, koʼytevéntema oviaha aja hikuái. Provávlemente haʼekuéra oviaha kaméllo térã vúrro ári, ha epensamíntena mbaʼeichaitépa oiméne upéva ijetuʼúne raʼe Tarépe. Avei ikatu ñañeimahina Abrahán ha Sara ikaneʼõiterei hague okuida rupi Taré rehe. Tahaʼe haʼeháicha, Jehová omombarete vaʼekue chupekuéra oikotevẽrõ guare. Upévare nde ikatu avei reĩ segúro Jehová omeʼẽtaha ndéve pe fuérsa reikotevẽva, oipytyvõ haguéicha Abrahán ha Sárape (Sal. 55:22).

4. ¿Mbaʼépa jahecháta ko artíkulope?

4 Resegíramo revyʼa, ifasilvéta ndéve rekuida hag̃ua upe rehayhúvare (Prov. 15:13). Tahaʼe haʼéva la ne situasión, nemanduʼákena nde ikatuha resegi revyʼa (Sant. 1:​2, 3). ¿Mbaʼépa ikatu rejapo upearã? Eñemboʼékena Jehovápe ohechauka hag̃ua ndéve mbaʼérepa ikatu resegi revyʼa. Oimérõ ekuida hína peteĩ persónare, ko artíkulope rehecháta mbaʼépa ikatu rejapo resegi hag̃ua revyʼa. Avei ñaanalisáta mbaʼépa umi ótro ikatu ojapo nepytyvõ hag̃ua. Péro koʼág̃a ñaanalisa raẽta mbaʼe mbaʼérepa ikatu eju eñedesanima, ha avei mbaʼépa ikatu rejapo eiko hag̃ua vyʼápe.

¿MBAʼÉREPA IKATU EJU NDEREVYʼAVÉI?

5. Oimérõ ekuida hína peteĩ persónare, ¿mbaʼérepa iñimportánte esegi evyʼa?

5 Repensáramo umi mbaʼe ijetuʼúvarente, ikatu hína ndereguerekovéi fuérsa (Prov. 24:10). Avei nekaneʼõiterei rupi ikatu eju nderetrataporãvéima upe ne héntepe térã ne amígope, ha nereipytyvõvéima chupe jepiveguáicha. ¿Mbaʼe mbaʼérepa ikatu ijetuʼu ndéve resegi hag̃ua revyʼa rekuidáramo ótrore? Jahechamína upéva.

6. ¿Mbaʼérepa algúno okuidáva umi hasýva térã ijedávare ikatu ou ikaneʼõ ha nomeʼẽvéima?

6 Ikatu nekaneʼõiterei ha neremeʼẽvéima. Peteĩ ermána hérava Lea heʼi: “Ndoikóiramo jepe mbaʼeve ivaíva, pyharekue lomímonte añandu nameʼẽveimaha. Sapyʼánte ndarekovéima ni fuérsa akontesta hag̃ua peteĩ mensáhe”. Algúnope katu ijetuʼu oke porã hag̃ua ha ndaikatúi oñemotiémpo oñemboyvytumi ha opytuʼu hag̃ua oikotevẽramo jepe. Peteĩ ermána hérava Inés heʼi: “Chéve ijetuʼueterei akepaite hag̃ua, pyharekue pyʼỹinte apáy káda 2 óra añatende hag̃ua che suégrare. Avei ymaitereíma che ména ha che ndaikatuvéi hague roñemovakasionʼimi”. Oĩ algúno ndaikatúiva ohasa tiémpo iñamigokuérandi ni ndaikatúi ojapo hetave mbaʼe Jehová servísiope, pórke tódo el tiémpo okuida peteĩ hasývare térã ijedávare. Upéicha rupi oĩ oñeñandúva haʼeño, ha haʼete voi chupe ku ojejokuapáva ndaikatúigui ojapo ótra kósa.

7. ¿Mbaʼérepa algúno okuidáva ótrore ikatu oñeñandu vai?

7 Ikatu hína reñandu nerekumpliporãiha ne rresponsavilida, térã rembyasy la oikóva pe rehayhúvare. Peteĩ ermána hérava Jessica heʼi: “Pyʼỹinte añandu ajapove vaʼerãha álgo añangareko porãve hag̃ua che túare. Ha sapyʼánte añemotiémpo jave apytuʼumi hag̃ua añeñandu vai, pórke haʼete chéve apensáva chejehénte”. ¿Mbaʼérepa ikatu hína oñeñandu vai peteĩ persóna oñangarekóva ótrore? Ikatu hína oñeñandu upéicha openságui ndaipuʼakamoʼãveimaha pe situasiónre, térã orrenegágui la ohasávare. Oĩ katu ótro oñandúva nokumpliporãiha la itraváho, ha ótro katu oñeñandu kulpávle pórke ikaneʼõrõ guare ndotrataporãi pe ihénte térã pe iñamígo hasývape (Sant. 3:2). Algúno avei oñembyasy ohecha jave pe persóna ohayhúva oempeoraha ohóvo káda día. Peteĩ ermána hérava Barbara heʼi: “Ojapo vaieterei ningo cherehe ahechávo la che amíga ahayhuetéva amás día ivaiveha la isituasión”.

8. ¿Mbaʼéichapa algúno oñeñandu ojeagradese jave chupe la ojapóvare?

8 Ikatu hína epensa noñemombaʼeiha la rejapóva. Ikatu oime eñeñandu upéicha pórke ndaiporiguasúi oagradeséva ndéve rejesakrifika haguére. Péro katuete ningo nekyreʼỹeterei oĩ jave oagradeséva ndéve la rejapóvare (1 Tes. 5:18). Peteĩ ermána hérava Melissa okuida umi ijedávare itraváhope. Pe ermána omombeʼu: “Sapyʼánte cherasẽ voi chekaneʼõitereígui térã añedesanimágui. Péro umi persóna akuidáva heʼi jepi chéve: ‘Grásiamante la rejapóvare cherehehápe’. Ahendu haguérentema upéva avyʼaiterei, ha al día sigiénte cheretiaʼevéntema ikatu hag̃uáicha asegi akuida hesekuéra”. Peteĩ ermáno hérava Amadu omombeʼu avei mbaʼéichapa oñeñandu ojehechauka jave chupe oñemombaʼeha la ojapóva. Haʼe ha hembireko oñangareko isovrína michĩvare oikóva hendivekuéra, la isovrína ningo oreko epilepsia. Pe ermáno heʼi: “La che sovriníta ikatu hína ndopillapái gueteri la rojapóva rokuida hag̃ua hese, péro haʼe sapyʼánte oagradese oréve algúna kósare, térã oskrivi vai vai: ‘Pohayhu’. Péicha jave ningo avyʼaiterei voi”.

¿MBAʼÉICHAPA IKATU RESEGI REVYʼA?

9. ¿Mbaʼéichapa rehechaukáta hína rerrekonoseha la ndaikatúiva rejapo?

9 Errekonose umi mbaʼe ndaikatúiva rejapo (Prov. 11:2). Ndaikatumoʼãi voi ningo siémpre jareko tiémpo ha fuérsa jajapo hag̃ua entéro mbaʼe jajaposéva. Upévare edesidímante vaʼerã mbaʼépa hína umi mbaʼe si ikatúva rejapo. Sapyʼánte tekotevẽta avei ere la héntepe ndaikatumoʼãiha rejapo peteĩ mbaʼe ojeruréva ndéve hikuái, ha oimérõ upéicha natekotevẽi eñeñandu vai. Nde ningo rehechaukánte hína errekonoseha oĩha umi mbaʼe ndaikatúiva rejapo. Avei oimérõ oĩ nepytyvõséva, easeptákena pe ajúda oñemeʼẽséva ndéve. Peteĩ ermáno hérava Jay heʼi: “Ndaikatúi ningo jajapo entéro mbaʼe una vetépe voi. Upévare jasegi hag̃ua javyʼa ñarrekonosémante vaʼerã umi mbaʼe ndaikatúiva jajapo, ha ndajahasái vaʼerã la rrája”.

10. ¿Mbaʼérepa iñimportánte rehechauka neentendidoha oimérõ eñangareko peteĩ persónare? (Proverbios 19:11).

10 Eñehaʼãkena neentendído (elee Proverbios 19:11). Pe persóna rekuidáva ikatu hína nandetrataporãi, péro reñehaʼãramo neentendído, upéva nepytyvõta pyʼaguapýpente rembohovái hag̃ua upe situasión. Pe iñentendídova oñehaʼãmbaite ohechakuaa hag̃ua mbaʼérepa peteĩ persóna ojapo peteĩ mbaʼe. Jaikuaa ningo peteĩ mbaʼasy káusare la hénte ikatuha heʼi térã ojapo peteĩ mbaʼe normálmente ndojapomoʼãiva (Ecl. 7:7). Por ehémplo peteĩ persóna anteve ikalida ha imbaʼeporã vaʼekue, ikatu hína oñepyrũ nekontrease ha oiko vaisénte voi nendive. Ikatu avei oiko ojeplageaháre ha ndaikatuvéi oñemeʼẽ chupe gústo. Oimérõ nde eñangareko hína peteĩ persóna hasykatúvare, ideprovéchota ndéve reñehaʼãramo reikuaave upe mbaʼasýgui. Amáske reikuaa porã mbaʼéichapa omeʼẽ pe mbaʼasy, rentendéta pe persóna heʼi térã ojapoha peteĩ mbaʼe imbaʼasy káusare ha ndahaʼeiha ojaposégui reínte (Prov. 14:29).

11. ¿Mbaʼe iñimportántevapa tekotevẽ rejapo káda día? (Salmo 132:​4, 5).

11 Eñemotiémpokena emombarete hag̃ua ne amista Jehovándi. Sapyʼánte tekotevẽtamante remboyke algúna kósa ejapo hag̃ua “umi mbaʼe iñimportantevéva” (Filip. 1:10). Por ehémplo, tekotevẽta eñemotiémpo emombarete hag̃ua ne amista Jehovándi. Rréi David ningo oreko vaʼekue heta traváho, péro chupe g̃uarã la iñimportantevéva haʼe vaʼekue oadora Jehovápe (elee Salmo 132:​4, 5). Upéicha avei, iñimportánte reñemotiémpo káda día elee hag̃ua la Biblia ha eñemboʼe hag̃ua. Peteĩ ermána hérava Elisha heʼi: “Che añemboʼe Jehovápe, alee umi Salmo ha ajepyʼamongeta la aleévare. Koʼã mbaʼe chepytyvõ aĩ hag̃ua trankíla ha asegi hag̃ua avyʼa. Che ningo aikokuévo heta vése añemboʼe Jehovápe chepyʼaguapy hag̃ua, upéva tuichaiterei chepytyvõ”.

12. ¿Mbaʼérepa iñimportánte eñemotiémpo ekuida hag̃ua nde salúre?

12 Eñemotiémpokena ekuida hag̃ua nde salúre. Umi okuidáva peteĩ persónare sapyʼánte naitiempoguasúi oprepara hag̃ua umi tembiʼu iñaliméntova. Péro nde rete ha ne akã ombaʼapo porã hag̃ua iñimportánte reñalimenta porã ha rejapo ehersísio. Upévare nerembiapo hetáramo jepe, eipuru porãkena ne tiémpo reʼu hag̃ua umi tembiʼu iñaliméntova ha ejapo meme hag̃ua ehersísio (Efes. 5:​15, 16). Avei iñimportanteterei eke porã (Ecl. 4:6). Umi ostudiáva ñane apytuʼũ heʼi iñimportantetereiha jake porã, pórke upéva oipytyvõ ñane akãme ombaʼapo porã hag̃ua. Peteĩ artíkulo oskrivi vaʼekue umi doktór omombeʼu umi persóna oke porãva menove oikoha oñekevrantaháre, ha ijetuʼu jave la situasión ifasilve chupe oĩ hag̃ua pyʼaguapýpe. Tekotevẽta avei reñemotiémpo ejapo hag̃ua umi mbaʼe ndegustáva (Ecl. 8:15). Peteĩ ermána omombeʼu mbaʼépa la oipytyvõva chupe osegi hag̃ua ovyʼa. Haʼe heʼi: “Tiémpo porã jave asẽ jepi okápe añemonguarahyʼimi. Avei una ves al mes jepe añehaʼã añeorganisa ajapo hag̃ua álgo chegustáva peteĩ che amígandi”.

13. ¿Mbaʼérepa iporã japuka mimi? (Proverbios 17:22).

13 Eñehaʼãkena repuka mimi (elee Proverbios 17:22; Ecl. 3:​1, 4). Tuicha ojapo porãta nderehe reñehaʼãramo repuka mimi, pórke upéva nepytyvõta ani hag̃ua reñetensionaiterei. Rekuida jave peteĩ persónare pyʼỹinte oiko jepi peteĩ mbaʼe nderekalkulaiete vaʼekue. Péro reñehaʼãramo repukánte la oiko vaʼekuére, menove rerrenegáta pe situasiónre. Avei ikatu repuka mimi térã rechistea pe persóna rekuidávandi, upéva mokõivévape penepytyvõta pejoayhuve hag̃ua.

14. ¿Mbaʼéichapa ikatu nepytyvõ peteĩ ne amígo de konfiánsa?

14 Emombeʼu la reñandúva peteĩ ne amígo de konfiánsape. Reñehaʼãmbaitéramo jepe resegi reiko vyʼápe, sapyʼánte eñandútante voi nandepuʼakaveimaha la situasiónre. Péicha jave ideprovéchota ndéve reñeʼẽramo peteĩ ne amígo ikalidávandi ha nopensavaimoʼãiva nderehe (Prov. 17:17). Upe ne amígo ikatu nerendu, nemokyreʼỹ ha ikatu upéva hína la reikotevẽva revyʼa jey hag̃ua (Prov. 12:25).

15. ¿Mbaʼérepa iñimportánte epensa meme pe esperánsare?

15 Eñeimahina peĩmaha paraísope oñondive. Nemanduʼákena un tiémporente rekuidataha upe persóna ijedávare térã hasývare, upéva ningo sapyʼami g̃uarãnte. Ñepyrũrã ningo Jehová nopensái vaʼekue voi tekotevẽtaha ojekuida peteĩ hasývare térã peteĩ ijedávare (2 Cor. 4:​16-18). Péro amo gotyove ikatútama jaiko vyʼápe Jehová oipota haguéicha voi jaiko (1 Tim. 6:19). Upévare oimérõ ekuida hína peteĩ persónare, iporãitereíta peñeʼẽramo oñondive pe paraísore ha pepensa umi mbaʼe pejapótavare peime vove upépe. Upéva penepytyvõta mokõivévape voi pevyʼa hag̃ua (Is. 33:24; 65:21). Peteĩ ermána hérava Heather heʼi: “Che haʼe jepi umi persóna akuidávape koʼẽrõitéma paraísope roguapytaha rombovyvy oñondive, rodiparáta ha roikóta visikléta ári. Avei rojapóta pan ha roñekosináta umi orresusitátavape g̃uarã. Péicha jave roagradeseterei Jehovápe omeʼẽ haguére oréve peteĩ esperánsa”.

ÑAIPYTYVÕKENA UMI OKUIDÁVAPE HASÝVARE TÉRÃ IJEDÁVARE

16. ¿Mbaʼéichapa ikatu ñaipytyvõ pe okuidávape hína peteĩ ijedávare térã hasývare? (Ehecha pe taʼanga).

16 Ñaipytyvõkena pe ermánope oreko hag̃ua tiémpo ojapo hag̃ua ótra kósa. Jajeofresékena jahasa hag̃ua tiémpo pe hasývandi térã ijedávandi, péicha pe persóna okuidáva hese orekóta tiémpo opytuʼumi hag̃ua térã oñatende hag̃ua ótra kósare (Gál. 6:2). Algúno ermáno ha ermána ojapo voi peteĩ lísta omoĩhápe hikuái mávapa ohóta káda semána oporopytyvõ hag̃ua. Peteĩ ermána hérava Natalya okuida iména ndaikatúivare oguata. Pe ermána heʼi: “Peteĩ ermáno che kongregasionpegua ou jepi una térã 2 vése káda semána opyta hag̃ua che ména reheve. Haʼekuéra opredika, oñemongeta ha ohecha pelíkula oñondive. Che ména ovyʼaiterei voi pe ermáno ou jave ovisita chupe, ha péicha avei che areko tiémpo apytuʼumi hag̃ua térã ajapo hag̃ua algúna kósa chegustáva, por ehémplo asẽ jepi aguata”. Sapyʼánte ijárõ ikatu voi jajeofrese japyta hag̃ua pyharekue pe hasývare térã ijedáva reheve. Péicha pe okuidáva hese ikatúta oke porã.

Mokõi ermána ovisita peteĩ ermána ijedávape hógape. Pe okuidáva hese pukavýpe ojedespedi osẽnguévo upégui.

¿Mbaʼéichapa ikatu ñaipytyvõ peteĩ ermáno térã ermána okuidávape hína álgienre? (Ehecha párrafo 16)a


17. ¿Mbaʼéichapa rreunión aja ikatu ñaipytyvõ umi ermáno oikotevẽvape?

17 Ñaipytyvõkena pe ermánope rreunión aja. Algúno umi okuidáva ijedávare térã hasývare saʼieterei jepi ohendu la ojeʼéva rreunionhápe ha asambleahápe. Upévare umi ermáno kongregasionpegua ikatu ojeofrese oguapy hag̃ua pe hasývandi oñatende hag̃ua hese pe rreunión kompletoite aja, térã sapyʼaitemi jepe. Péro, ¿mbaʼépa ikatu jajapo oimérõ pe persóna hasýva ndaikatúi osẽ hógagui? Ikatu jajeofrese jaha hag̃ua hógape ha ñañekonekta hendive rreunionrã. Péicha pe okuidáva hese ikatúta oho rreunionhápe en persóna.

18. ¿Mbaʼe ótra kósapa ikatu jajapo?

18 Ñamokyreʼỹkena upe ermánope ha ñañemboʼe hese. Iporãitereíta ningo umi ansiáno omokyreʼỹ meméramo pe ermáno orekóvape ikárgope peteĩ hasýva térã ijedáva (Prov. 27:23). Enterovévante tahaʼe haʼéva la ñane situasión ikatu hína ñamokyreʼỹ meme peteĩ ermáno okuidávape peteĩ hasývare. Ñañemboʼékena hese ha jajerure Jehovápe tomombarete ha toipytyvõ chupe osegi hag̃ua ovyʼa (2 Cor. 1:11).

19. ¿Mbaʼe iporãvapa jaipotaitereíma oñekumpli?

19 Koʼẽrõitéma Jehová oipeʼaitéta entéro mbaʼe ñanembosufríva, ha omokãmbaitéta umi hénte resay. Ndaiporimoʼãvéima hasýva ni omanóva (Apoc. 21:​3, 4). “Upe tiémpope umi ndaikatúiva oguata porã odiparáta umi guasúicha” (Is. 35:​5, 6). Ndaiporimoʼãvéima ohasa asýva ijeda rupi, ha ndajaikomoʼãvéima ñañembyasy jahechágui umi jahayhúva hasyha. Umi mbaʼe opytátama tesaráipe, pórke “avave naimanduʼamoʼãi umi mbaʼe oiko vaʼekuére yma” (Is. 65:17). Péro koʼág̃ama voi Jehová ñanemombaretéta ñahaʼarõ aja oñekumpli umi promésa. Jasegíramo jajerovia hese, haʼe voi ñanepytyvõta ‘ñanepasiénsia ha javyʼa hag̃ua jagueropuʼakávo entéro mbaʼe’ (Col. 1:11).

¿MBAʼÉICHAPA RERRESPONDÉTA?

  • ¿Mbaʼérepa ikatu eju nderevyʼavéi oimérõ otoka ndéve ekuida peteĩ ne héntere térã ne amígore?

  • ¿Mbaʼéichapa ikatu esegi evyʼa oimérõ ekuida peteĩ hasývare térã ijedávare?

  • ¿Mbaʼéichapa ikatu ñaipytyvõ peteĩ ermáno okuidávape hína peteĩ hasývare?

PURAHÉI 155 ¡Rovyʼaiterei!

a JAHECHÁVA PE TAʼANGÁPE: Mokõi ermána imitãva ovisita peteĩ ermána ijedávape. Péicha pe okuidáva hese itiémpo osẽ hag̃ua oguataʼimi.

    Guaranimegua puvlikasionkuéra (2000-2026)
    Emboty sesión
    Emoñepyrũ sesión
    • guarani
    • Ekomparti
    • Configuración
    • Copyright © 2025 Watch Tower Bible and Tract Society of Pennsylvania
    • Ojejeruréva reipuru hag̃ua
    • Política de privacidad
    • Privacidad
    • JW.ORG
    • Emoñepyrũ sesión
    Ekomparti