Mbaʼépa jahecháta asambléa de sirkuítope

Oĩ heta tapicha oipotáva jaguerovia ko múndo opytataha opa ára g̃uarã, péro Ñandejára Ñeʼẽ ndeʼíri upéicha (1 Juan 2:15-17). Ohechauka avei ñambyaty reiha ‘heta mbaʼe ko yvy ári’. Omombarete hag̃ua Ñandejára siervokuérape, ñane asambléa de sirkuíto 2007-pe oñehesaʼỹijóta ko téma: “‘Ñambyaty yvágape’ heta mbaʼe porã” (Mat. 6:19, 20).

Efesios 2:2-pe heʼi pe “espíritu”, pe “arapy ruvicha”, omomýiha umi “yvyporakuéra iñeʼẽrenduʼỹvape” (BNP). Upe “espíritu” omomýi avei umi heta mbaʼe ombyatysévape. Pe ára pytu oĩ opárupi, ha upévare ikatu ñanepytuhẽ. Upéicha avei “ko yvy arigua espíritu” oĩ opárupi (1 Cor. 2:12, BNP). Oñehenói chupe “arapy ruvicha” ipuʼakahaguére hetaitereíre. Ñane asambléa de sirkuíto ñanepytyvõta ani hag̃ua jaipota potave heta mbaʼe, ha ani hag̃ua ñambotapykue umi mbaʼe iñimportantevéva (Mat. 6:33). Ñanepytyvõta avei jajekove hag̃ua Jehová rehe ñasẽ jave japredika, oĩramo jepe umi mbaʼe ñandejokoséva.

Ñañehaʼãkena ñaime káda día ñane asambleahápe, ha “jajapysakave” jepiveguágui (Heb. 2:1). Ehai mbyky mimi umi mbaʼe reiporuséva nde rekovépe térã predikasionhápe. Reiméramo pe asambléape oñepyrũ guive opa peve, umi mbaʼe porãite ojehechátava nemombaretéta ha nemokyreʼỹta resegi hag̃ua rembyaty yvágape heta mbaʼe porã.