Mbaʼéichapa ojejapovaʼerã Aty Ñanemboʼéva Japredika Hag̃ua
Ñane Marandu Porã mayo 2009-pe osẽvaʼekue peteĩ artíkulo hérava “Aty Ñanemboʼéva Japredika Hag̃ua”, upépe oñemombeʼu mbaʼéichapa ojejapovaʼerã ko aty. Péro oĩ párte oñekambiaʼimítava, upévare ko més guive ojejapomavaʼerã oĩháicha ko artíkulope.
◼ Diskúrso. Peteĩ ermáno ojapovaʼerã oĩháicha pe informasión oñemeʼẽvape chupe ha ikongregasión oikotevẽháicha. Umi ohendúva nokomentaivaʼerã.
◼ Oĩ jave porandu ñambohovái hag̃ua. Oñeporanduvaʼerã káda párrafope, ojejapoháicha Ñemañaha Ñehesaʼỹijo. Pe ermáno omoakãva ko párte nokomentaguasuivaʼerã, síno oñeʼẽ mbykymítante oñepyrũ hag̃ua ha omohuʼãnguévo. Orekóramo tiémpo ikatu oleeka umi téysto hesakãve hag̃ua pe téma. Ndojeleeivaʼerã umi párrafo, noiméiramo ojejerure mbaʼe.
◼ Ojejerure jave ñakomenta hag̃ua. Ko pártepe umi ohendúva ikatu okomenta. Jaʼekuaa ojoguaha peteĩ diskúrsope ha avei pe párte orekóvape porandu oñembohovái hag̃ua.
◼ Demostrasión ha entrevísta. Ojejerure jave Ñane Marandu Porãme ojejapo hag̃ua demostrasión, upe omoakãva ohechavaʼerã tojejapo katuete. Péro natekotevẽi haʼe voi ojapo, ikatu ojerure umi ermáno térã ermána ombaʼapo porãvape kongregasiónpe ha ojapokuaátava peteĩ demostrasión. Ikatúramo, ko demostrasión ndojepreparaivaʼerã última órape ha ojejapo aja katu pe ermáno térã ermána oñemoĩvaʼerã ojehecha hag̃uáme, noñemolomoivaʼerã. Umi maranduhára pyahu iporãve ndojapói koʼã demostrasión, péro ikatu oipytyvõ umi ikatupyryvévape. Umi entrevísta katu ojejapovaʼerã platafórmape, ndahaʼéi ojeguapyha guivénte. Umi ermáno ojejerurévape ojapo hag̃ua demostrasión térã entrevísta, oñensaja porã vaʼerã. Upe omoakãva ko párte hoʼupáramo jepe hiʼóra ha tekotevẽ omombykyve, ndoipeʼaivaʼerã umi entrevísta térã demostrasión. Umi siérvo ministeriál oporanduvaʼerã coordinadórpe térã ótro ansiánope oiporavo mboyve umi ermáno oipytyvõtava chupe.
Oĩ jave párte heʼihápe mbaʼe mbaʼépa ojejapovaʼerã, tekotevẽ ojesegi upeichaite. Roikuaa porã ningo koʼã mbaʼe oĩva koʼápe pejapotaha “hekopete ha hendaitépe”, ikatu hag̃uáicha osẽ porã ko Aty Ñanemboʼéva Japredika Hag̃ua (1 Cor 14:40, ÑÑB).