El 22 de marzo ñañepyrũta ñaporoinvita Conmemoracionrã

Ko áñope ñañepyrũta ñaporoinvita Conmemoracionrã sábado 22 de marzo guive, ha enterovépe oñemokyreʼỹ ojapo hag̃ua ko tembiapo porãite. Opyta porãramo sábado ha domingo ñaikuaveʼẽta avei ñande rrevistakuéra. Pe primer sábado de abril nañaikuaveʼẽmoʼãi estúdio vívliko, ñambaʼapo jejopyvéta rupi ñamosarambi hag̃ua umi invitasión. Péro jatopáramo peteĩ oikuaasevévare la Biblia omboʼéva, ikatu ñamoñepyrũ hendive peteĩ estúdio. Pe superintendénte de servísio ohecha vaʼerã okonvenítapa ojerreparti avei pe invitasión umi lugár ohasahápe heta hénte. Ñainvita vaʼerã avei ñane parientekuérape, ñane kompañéro de eskuéla térã de traváhope ha entéro umi jaipotávape ou ko rreunionrã. Ha ani hag̃ua ñanderesarái ni peteĩgui, ikatu jajapo peteĩ lísta ha voimi ñameʼẽ chupekuéra pe invitasión. Hiʼãite ningo ñandéve ou heta hénte jagueromanduʼa hag̃ua pe mborayhu tuichaite ohechauka vaʼekue Jehová ha Jesús (Juan 3:16; 15:13).