Kukwe driekäre

Sabado kena octubre yebätä ja tötika Bibliabätä driedre ño

“Nitre kwati tä töbike Jesús yebätä angwane, Jesús ye tä monso chi ye kwrere o ni köböra krüte ye kwrere, kä nikanina bäsi mil krobu ta ye ngwane nämene ye erere ruin ietre. ¿Jesús tä dre nuainne kä nengwane raba ruin mäi? [Mäkwe tuanmetre blite.] Täräkwata ne tä dre niere mike ñärärä.” Täräkwata Ni Mikaka Mokre octubre-diciembre ye mäkwe mika tuare ni gwi ie aune mäkwe ja tötika ben subtítulo página 16 yebätä aune mäkwe ñäkä texto keteitibätä ie. Täräkwata driedre ie aune köbö ükadrete kukwe mada ngwantarita ye kädriekäre ben.

Ni Mikaka Mokre Octubre-diciembre

Mäkwe ñäkä Salmo 65:2 yebätä. Biti mäkwe nie: “Nieta nete ne erere, Ngöbö abokän ‘orasion Kukwe Nuaka’ nitre kwati tä nütüre, ye medenbätä tä orare mantre jetebe ie. Akwa, nitre mada abokän tä ngwentari jai: ‘Ngöbö tärä angwane, ¿se ñobätä mada kukwe kri tä krubäte kä jökräbiti tibien?’. ¿Mä abokän tä töbike ño? ¿Ngöbö tärä orasion nikwe ye kukwe nuaka? [Mäkwe tuanmetre blite.] Ngöbö tä orasion nikwe kukwe nuin, akwa ñobätä mada tä ja tare nika tuenmetre nakainkä ye Biblia tä mike gare mikata gare täräkwata nebätä.”

¡Despertad! Octubre

“Nitre rüne jökrä bäsi tö monsotre kwe tuai ja tötike kwela kri yete. ¿Monsotre bati kä nengwane tä ngedenkä kwelate ye ngwane tärä nemen juto nünankäre raba ruin mäi? [Mäkwe tuanmetre blite.] Ja tötikadre aune ni rabadre töbätä, ye kräke Biblia tä dre niere ye ti tö nibi mikai gare mäi [mäkwe ñäkä Eclesiastés 7:12 yebätä]. Täräkwata ne tä kukwe ketarike ütiäte kädriere abokän raba monsotre bati dimike ja tötike kwin kwelate.”