Mäkwe diri bäri kwin: mäkwe ja tötika Bibliabätä ye kömika jukwebätä täräkwata Ngöböta kukwe kwin mike gare nie yebiti
Ñobätä ütiäte. Nitre rabadre ja tötikaka yekäre nikwe Ngöbö Kukwei ye driedre kwin ietre (Mat. 28:19, 20). Tärä keta kabre sribeta yebiti nikwe diridre angwane ni jökrä raba nemen kukwe metre ye driekä kwin. Täräkwata Ngöböta kukwe kwin mike gare nie ye sribebare dirikäre kwin nitre ie. Täräkwata yebiti ni raba ja tötika Bibliabätä ye kömike nitre ben jukwebätä nikwe blitadre kena ben ye ngwane.
Mäkwe kukwe ne nuain sö krati:
Mäkwe orasion nuain ne kwe mä töi rabadre ja tötika Bibliabätä ye kömikabätä. Mäkwe ja di kärä Jehovai ne kwe mäkwe ja tötika Bibliabätä kömikadre ni iti ben aune mä rabadre kukwe metre dirire kwin (Filip. 2:13).
Mäkwe Ngöbö mika täte mä mräkäbe o mäkwe ja tötika kaibe yengwane mäkwe dre niedre yebätä mäkwe ja kita. Ye köböire mä rabai blite töi jämebiti aune rabai nuäre mä kräke ja tötika Bibliabätä ye kömike ni iti ben jukwebätä.