NITA JA NGWEN ÑO

Mäkwe diri bäri kwin: Mäkwe nitre tuadrebitita

ÑOBÄTÄ ÜTIÄTE: Kukwe kwin Gobran Ngöbökwe yebätä drieta ye nitre kwati tä kukwe nuin ñan ñobätä aune niaratre tä kukwe metre Ngöbökwe ye känene (Isa 55:6). Kukwe mikakäre gare kwin ietre, ni rabadre niaratre tuinbiti bati bobu. Kukwe keta kabre tä nemen nitre kisete, yebätä nikwe kukwe jene jene nuaindre ne kwe niaratre töi tädre jankunu kukwe mikakäre gare jai. Akwa, dirikäre bäri kwin nikwe ja tötikadre kwin käne aune ja töi mikadre kukwe keteiti nuainne nita nitre tuinbiti batire batire ye ngwane ne kwe nikwe ni iti tötikadre Bibliabätä.

Meri testiko iti tä ja ükete ni tuabitikäreta

NUAINDRE ÑO:

Meri testiko nibu tä meri iti tuinbitita aune tä video mike tuare ie

Nikwe ñaka kä mikadre niken raire ta ni tuabitikäreta (Mt 13:19).
Nikwe ja töi mikadre jäme aune ni mada mikadre tuin ütiäte jai.
Nikwe köbö kwin niedre. Nikwe ni gwi kädekadre kä kwe yebiti. Ñobätä ni nüta känti ye nikwe niedre ie. Ñodre, kukwe ngwantarita mikakäre gare ie, täräkwata mrä biankäre ie, internet käi nikwe ye mikakäre tuare ie, video mikakäre tuare ie o nita nitre tötike ño Bibliabätä ye bämikakäre ie. Ni gwi tö blitai kukwe madabätä nibe ngwane, kukwe yebätä nikwe blitadre ben (Flp 2:4).
Ñö metakata nurabiti ye kwrere nikwe nuaindre nitre tuabitita nikwe yebätä, texto, tärä o täräkwata yebiti (1Co 3:6). Nikwe ja töi mikadre kwin niara kräke.
Mäkwe kukwe nie ie tuabitikäreta.